Filipɛ̀n anmàn-bɔ̀ 1:7 - Ɛmɛẅi ankà ankrànkràn 2003

⁷ Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 1:7 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 20:23

Mɛ̀n nyri ɔmu le, anmàn lɔ fɛn, Ɛnhɛ́n Prɔnprɔn kɛ dɔ́ mɛ̀n le anwɔn-mɛ̀n-wá mán ɛgbànkàn kɛ vrá mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:33

Zɛtɛn ɔwrɔn cüìcüì lɔ sɔnba nɛ̀n ɛtɛ̀sɛ̀n, hán yɔ ẅɛn nɛ̀n kɩ wá tán le yɔ bɩ́ gbràka anhyrɛ̀ yɔ kora nɛ̀n; zɛtɛn ne yrɛ ɔwrɔn léyi dú yi mán eci léyi nɛ̀n hàn nɔn.

1 Korɛntɛ̀n anmàn-bɔ̀ 13:7

Ɔwrɔn léyi ẅɛn ɛcüɛ̀n nɔn, nɛ ẅɛn ɛnbɔrɛ hɛ́n eci lɔ fɛn mɛ̀n, kɩ nɛ ẅɛn ankaẅì-bùtan, esɛ́ mán ɛnbɔrɛ-ẅɛ̀n-hɛ́n ɛnvra lɔ fɛn mɛ̀n.

1 Korɛntɛ̀n anmàn-bɔ̀ 9:23

Mɛ hán ndɔ lɔ fɛn Ɛmɛẅi ankà Ankrankran lɔ kruhú, ô mɛ̀n cɔ́ anvrɛn-hán léyi dú nɛ̀n ɛwú nɔn.

2 Korɛntɛ̀n anmàn-bɔ̀ 3:2

Nyɛ́n dùku de nyɛ́n dú b'owrú léyi ye merén bɔ́ ɛnbɔrɛ hɔ̀n lɔ mɛ̀n hɩ anwrɔn lɔ fɛn ke le nyrì, ô kɛ̀ krɛ̀ nɔn.

2 Korɛntɛ̀n anmàn-bɔ̀ 7:3

Mɛ́n sɩ́ dɔ́ ɔmu lɔ, ô mɛ̀n bó nyɛ̀n nwù. Annanwɔrɛ mɛ̀n lɔ, hán ɔmu le mɛ́n gɔ̀ dɔ́ nyɛ̀n nɔn hɔ́, nyɛ́n dú bɔ́ ɛvɛ̀-cüɛn-bɔ̀, hán tán kɩ bɔ̀ dú ɔbɔ̀sɔ mɛ̀n, ɛwúvà mɛ̀n mán owúemɛ̀n.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Efɛzɛ̀n anmàn-bɔ̀ 6:20

Zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n nɔn, mɛ̀n dú Ɛmɛẅi ankà Ankrankran ndɔ lɔ, n'ankà-nyrì-dɔ́-wrɔn. Zɛtɛn, nyɛ́n sɛ̀n, ô mɛ̀n dɔ́ n'ankà annanwɔrɛ mɛ̀n hán ɔmu le ke ji le mɛ̀n dɔ̀ nɔn hɔ́.

Filipɛ̀n anmàn-bɔ̀ 1:12

Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Filipɛ̀n anmàn-bɔ̀ 1:13

Ɔmu lɔ de yɔ lɛ fɛn, govràn bɩ́ lɔ mɛ̀n mán ɛyri nyàntɛn, yɔ nyri ɔmu le mɛ̀n dú anwɔn-mɛ̀n-wá-wɔn mɛ̀n Krisì ci-bɩ̀tan-kɔhɔ̀n kruhú.

Filipɛ̀n anmàn-bɔ̀ 1:14

Hɩ le yɛ kán mɛ̀n anwɔn-mɛ̀n-wá-wɔn mɛ̀n nɔn, anwrɔn-nɛ́n-muan-ẅì hɔ̀n janbɔ̀ cɔ́ esɛ́ Ɛẅɛnwrɔn mɛ̀n, hán tán kɩ yɔ bobrebe, ɛnjansù ke sɩ́ ẅɛn hán Ɔwɔ ankà-dɔ́ mɛ̀n.

Filipɛ̀n anmàn-bɔ̀ 1:5

ɛkɔrɛ̀-wá léyi mɛ̀n cɔ́ ny'eyri Ɛmɛẅi ankà Ankrankran lɔ n'ɛdɔ́ mɛ̀n, bukru kpàkpà bì lɔ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 2:22

Nyɛ́n dùku nyɛ́n nyri ɔmu le, Timote yé n'ɔmùan-zri-dì lɔ: hán ɛnẅì mán nɛ́n zi mɛhi, nɛ̀n yɩ́ edù nɛ́n mán mɛ̀n mɛhi Ɛmɛẅi ankà Ankrankran ci-bɩ̀tan-kɔ̀hɔ̀n lɔ mɛ̀n.

Filipɛ̀n anmàn-bɔ̀ 4:14

Tɛ́n nyɛ́n hán eci ankrankran, ɔmuhi nyɛ́n bɩ́ m'ɛgbànkàn hɔ̀n lɔ ɛcá nɔn.

Filipɛ̀n anmàn-bɔ̀ 4:15

Nyɛ́n dùku nyɛ́n nyri Filipɛ̀n anmàn-bɔ̀: ɛnbì léyi mɛ̀n cɔhɔ́ Maseduhanɛ̀n kpɔsɔ wú, ɛnvra léyi Ɛmɛẅi ankà Ankrankran lɔ n'ɛdɔ́ ankà bukru nɔn, nyɛ́n dú Ɔwɔ-fɛcüè-bɔ̀ zri léyi wá mɛ̀n ɛkɔrɛ̀ nɔn, nyɛ́n zri kɩ nyɛ́n dú m'ɛkɔrɛ̀-wá ci-hán-bɔ̀.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Kɔlɔsèn anmàn-bɔ̀ 4:18

Mɛ́n dùku de mɛ̀n merɛ́n ankà ndɔ hɔ̀n lɔ nɔn: Pɔlɛ̀n binyan. (Kè bru nyɛ̀n le mɛ̀n dú anwɔn-mɛ̀n-wá-wɔn mɛ̀n.) Ɔwɔ shifù kè dú nyɛ̀n ɛmɛ̀n.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

1 Tesalonikɛ̀n anmàn-bɔ̀ 5:5

Nyɛ lɛ fɛn, annanwɔrɛ mɛ̀n lɔ, nyɛ́n dú ɛyri-kàn kɔrɛ̀levriemɛ̀n, nyɛ́n dú ɛcɛ̀n pupu tɛn. Bɔ̀ sɩ̀ dù ɛnnyran mán ɛyri-yɔwɔ kɔrɛ̀levri wú.

Anhyrɛmɛ̀n timote 1:8

Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú.

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!

Filemɔn 1:13

Mɛ cüɛn ɔmu le, mɛ̀n bɩ́ nɛ̀n mɛ̀n hɛ́n m'ɛtɛ̀sɛ̀n ɛnvra ɔmu léyi mɛ̀n dú anwɔn-mɛ̀n-wá-wɔn mɛ̀n Ɛmɛẅi ankà Ankrankran lɔ kruhú, ô nɛ̀n wá mɛ̀n ɛkɔrɛ̀ léyi, vɛ́n ɛ lɛ wá mɛ̀n nɔn.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

1 Piɛrɛ̀n 4:13

Pɔpüɛ̀ kɛ̀ hɛ́ ezì kɛ̀ brá nyɛ̀n, ɔmuhi nyɛ́n cɔ́ Krisì gbànkàn lɔ nɔn, ô pɔpüɛ̀-brà vri ke vru ke yɩ́ ny'ɛnbɔrɛ hɔ̀n lɔ mɛ̀n, ɛnvra léyi ne le yé yɔ lɛ fɛn n'eci-zrɔ lɔ nɔn.

1 Piɛrɛ̀n 5:1

Mɛ dɔ́ zɛtɛ̀ lɔ, anwrɔn hɔ̀n léyi ny'ɛmɛ̀n lɔ dú ɛcüìcüì-bɔ̀ Ɔwɔ fɛcüè mɛ̀n nɔn ankà. Mɛ̀n mán mɛ̀n dú ecüìcüì; mɛ̀n dú Krisì gbànkán hɔ̀n lɔ yɔ dalɛfuɛ-di-wrɔn kɩ mɛ lɛ cɔ́ n'eci-zrɔ léyi ye le yé nɔn. Nyàn eci léyi mɛ dɔ́ yɔ yɛ hán nɔn:

2 Piɛrɛ̀n 1:13

Tɛ́n me tro le, dú eci léyi nyrɔn, me kro nyɛ̀n ankà ɛnvra ɔmu léyi mɛ̀n vru mɛ̀n dú ɛwúvà mɛ̀n nɔn.

1 Zhan 3:14

Bɔ́ nyri ɔmu le bɔ̀ cɔhɔ́ owù tɛsɛ̀n, ô bɔ̀ bru ɛwúvà mɛ̀n; bɔ̀ nyri ndɔ lɔ ɔmuhi bɔ́ cüɛn bɔ́ muan-ẅì hɔ̀n nɔn. Ɔwrɔn léyi kè sɩ̀ ẅɛ̀n ɛcüɛ̀n nɔn, nɛ̀n vru nɛ̀n dú owúemɛ̀n.