Filipɛ̀n anmàn-bɔ̀ 1:5 - Ɛmɛẅi ankà ankrànkràn 2003

⁵ ɛkɔrɛ̀-wá léyi mɛ̀n cɔ́ ny'eyri Ɛmɛẅi ankà Ankrankran lɔ n'ɛdɔ́ mɛ̀n, bukru kpàkpà bì lɔ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 1:5 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 2:42

Yɔ lɔ fɛn yɔ dú ɔmùan-zri-diemɛ̀n kɩ yɔ die ankà-yé léyi ɔkɔ̀hɔ̀n-wá-bɔ̀ kɛ tán nɔn nukùɛ, yɔ dú ɔbɔ̀sɔ mɛ̀n anwrɔn-nɛ́n-muan-ẅì hɔ̀n diemɛ̀n, yɔ zî ɛci ɛyri zri kɩ yɔ dú Ɔwɔ-sɛ́n mɛ̀n.

Rɔmɛ̀n-anmàn-bɔ̀ 11:17

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.

Rɔmɛ̀n-anmàn-bɔ̀ 12:13

Nyɛ́n wá nyɛ́n muan-ẅì hɔ̀n ɛkɔrɛ̀ y'ɛmìan lɔ mɛ̀n, ô nyɛ́n nyrì ẅɛn nɛ̀nnyàn-bɔ̀ ɛnvra lɔ fɛn.

Rɔmɛ̀n-anmàn-bɔ̀ 15:26

Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.

1 Korɛntɛ̀n anmàn-bɔ̀ 1:9

Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.

2 Korɛntɛ̀n anmàn-bɔ̀ 8:1

Anwrɔn-nɛ́n-muan-ẅì hɔ̀n, bɔ́ ji nyɛ́n nyri ɔmu le Ɔwɔ boafɔ̀n yé n'edomɛ̀n Maseduhanɛ̀n kpɔsɔ wú Wɔ-fɛcüè-bɔ̀ mɛ̀n nɔn.

Efɛzɛ̀n anmàn-bɔ̀ 3:6

Nyàn ankà-bán-ankà ndɔ lɔ: Ɛmɛẅi ankà Ankrankran lɔ n'ɛmɛ̀n de, anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ cɔ́, yɔ mán Zhüifɛ̀n-bɔ̀ mɛhi anvrɛn hɔ̀n léyi Ɔwɔ kɛ tán nɛ́n fɛcüè, yɔ dú edùwrú-ẅia zri mɛ̀n mɛ̀n-bɔ̀, kɩ yɔ mán yɔ cɔ́ ɔmùan-wá-ci léyi Ɔwɔ kɛ tán Zhezü Krisì bɩ́mɛ̀n nɔn.

Filipɛ̀n anmàn-bɔ̀ 1:12

Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Filipɛ̀n anmàn-bɔ̀ 1:16

Anwrɔn ndɔ hɔ̀n lɔ kɛ hán eci ɛcüɛn mɛ̀n, ɔmuhi yɔ nyri ɔmu le m'ɔkɔhɔ̀n-hán ɛnu lɔ, dú Ɛmɛẅi ankà Ankrankran lɔ, n'ɛnan mán n'esùva-wá.

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Filipɛ̀n anmàn-bɔ̀ 2:22

Nyɛ́n dùku nyɛ́n nyri ɔmu le, Timote yé n'ɔmùan-zri-dì lɔ: hán ɛnẅì mán nɛ́n zi mɛhi, nɛ̀n yɩ́ edù nɛ́n mán mɛ̀n mɛhi Ɛmɛẅi ankà Ankrankran ci-bɩ̀tan-kɔ̀hɔ̀n lɔ mɛ̀n.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Filemɔn 1:17

Ke dú kɛ e bɩ́ mɛ̀n ɛ hán ɛnyran hɔ́, è bɩ́ nɛ̀n kɛ̀ hán mɛ́n mumù hɔ́.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn:

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.