Filipɛ̀n anmàn-bɔ̀ 1:12 - Ɛmɛẅi ankà ankrànkràn 2003

¹² Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Filipɛ̀n anmàn-bɔ̀ 1:12 Iomraidhean Croise

Lükɛ̀n 21:13

Hɩ vra lɔ de ke ji le nyɛ́n di mɛ̀n dalɛfuɛ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:4

Anwrɔn hɔ̀n léyi yɔ bonyì nɔn, ke ci Samari kpɔsɔ wú kɛ dɔ́ Ɛmɛẅi ankà Ankrànkràn lɔ.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 8:37

Tɛ́n eci ndɔ lɔ fɛn mɛ̀n, b'ɔkɔ̀nkà lɔ sá nmù, ɔwrɔn léyi cüɛn bɔ̀ nɔn, n'ebɩmɛ̀n.

Filipɛ̀n anmàn-bɔ̀ 1:5

ɛkɔrɛ̀-wá léyi mɛ̀n cɔ́ ny'eyri Ɛmɛẅi ankà Ankrankran lɔ n'ɛdɔ́ mɛ̀n, bukru kpàkpà bì lɔ hàn kɩ cɔ́ zɛtɛ̀ lɔ nɔn.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 2:22

Nyɛ́n dùku nyɛ́n nyri ɔmu le, Timote yé n'ɔmùan-zri-dì lɔ: hán ɛnẅì mán nɛ́n zi mɛhi, nɛ̀n yɩ́ edù nɛ́n mán mɛ̀n mɛhi Ɛmɛẅi ankà Ankrankran ci-bɩ̀tan-kɔ̀hɔ̀n lɔ mɛ̀n.

Filipɛ̀n anmàn-bɔ̀ 4:15

Nyɛ́n dùku nyɛ́n nyri Filipɛ̀n anmàn-bɔ̀: ɛnbì léyi mɛ̀n cɔhɔ́ Maseduhanɛ̀n kpɔsɔ wú, ɛnvra léyi Ɛmɛẅi ankà Ankrankran lɔ n'ɛdɔ́ ankà bukru nɔn, nyɛ́n dú Ɔwɔ-fɛcüè-bɔ̀ zri léyi wá mɛ̀n ɛkɔrɛ̀ nɔn, nyɛ́n zri kɩ nyɛ́n dú m'ɛkɔrɛ̀-wá ci-hán-bɔ̀.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Kpàkpà timote 2:8

Me ji le eci lɔ fɛn mɛ̀n, anwrɔnẅì kɛ̀ sɛ̀n, yɔ sɩ́ ɛmàn fifi hɔ̀n ɛwú, ɛmɛ̀nhyì mán ecüìwrɔn hɛ́n ke bɩ́ dú ɛmɛ̀n.

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!

Anhyrɛmɛ̀n timote 4:17

Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́.