Matie 9:4 - Ɛmɛẅi ankà ankrànkràn 2003

⁴ Zhezü nyri y'ankà-tro lɔ kɩ kɛ dɔ̀ le: “Cɛci kruhú kɛ nyɛ ẅɛn ankà-tro gbàngbàn hɔ̀n ndɔ lɔa?

Matie 9:4 Iomraidhean Croise

Lükɛ̀n 6:8

Tɛ́n Zhezü nyri y'ankà-tro. Nɛ dɔ́ ɔwrɔn léyi ɛkɔrɛ̀ nwù nɔn le: “Tɔhú nyɔn ɛnu lɔ, anwrɔn lɔ fɛn zìwúɛ.” Ɔwrɔn lɔ tɔhú, kɩ nyɔn anwrɔn lɔ fɛn zìwú.

Matie 12:25

Tɛ́n Zhezü nyri y'ankà-tro kɩ kɛ dɔ́ yɔ zɛtɛn le: “Ɛnhi wú nɛ̀ncüì anmàn totɔtɔ̀n léyi y'anmàn-bɔ̀, kɛ kɔ́n y'edomɛ̀n anhà nɔn, ɔtrɔmɛ̀n lɔ, yɔ jrɛ́ y'edomɛ̀n. Anmàn totɔtɔ̀n mán ɛmɛ̀n totɔtɔ̀n, léyi ecüìwrɔn ke dú yɔ ɛmɛ̀n nɔn, ɔmùan-krɔn ke sɩ̀ dú yɔ, yɔ yɛ́ rɔ́.

Ɔwɔ-mɛ̀n-yrikàn 2:23

Kɩ me le vru mɛ̀n hán n'ɛẅì hɔ̀n kè wù. Ɔmu lɔ de Ɔwɔ-fɛcüè-bɔ̀ lɔ fɛn ke le nyri ɔmu le me nyri anwrɔnẅì ankatro hɔ̀n mán y'ɛnbɔrɛmɛ̀n ci hɔ̀n lɔ nɔn. Me le di ɔwrɔnwrɔn eci léyi nɛ̀n hán nɔn yi wɔ̀ɛn.

Zhan 16:30

Zɛtɛ̀ lɔ bɔ́ nyri ɔmu le, è nyri eci lɔ fɛn, kɩ e sɩ́ ji le, ye yrɛ mɛ́n ankà. Hɩ le kruhú de bɔ́ bútan le è dú Ɔwɔ yri ɛ̀ và nɔn.”

Lükɛ̀n 11:17

Tɛ́n Zhezü nyri y'ankà-tro; nɛ dɔ́ yɔ le: “Ɛnhibù wú nɛ̀ncüì anmàn léyi n'anwrɔn hɔ̀n kɛ kɔ́n y'edomɛ̀n anhà nɔn, anmàn ndɔ lɔ ne le mútù; n'anwɔn hɔ̀n lɔ, ke le gbe ku y'edomɛ̀n ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 5:9

Zɛtɛn Piɛrɛ̀n kɛ dɔ́ nɛ̀n le: “Anwɔntan hán cì kɛ̂, ɔmùan kɛ krɔn nyɛ̀n, nyɛ́n anwrɔn anyhrɛ̀ lɔ, nyɛ frɛ́n Ɛẅɛnwrɔn Hɛ́n hán? E die nukùɛ, anwrɔn hɔ̀n léyi bɩ́ ecüì nɔn, nyɔn angbàtà-mùan, kɩ vɛ́n mán yɔ le bɩ́ mɛ́n yɔ hɔ̀n bɩ.”

Zhan 16:19

Zhezü nyri ɔmu le yɔ ji yɔ yrɛ nɛ̀n ankà kɩ zɛtɛn nɛ dɔ́ yɔ le: “Mɛ̀n dɔ́ nyɛ̀n le: ‘Ɛnvra cá mɛ̀n nyɛ́n sɩ̀ vru kán mɛ̀n, kɩ ɛnvra cá kɛ lɛ vàcì, kɩ nyɛ lɛ kán mɛ̀n’. Ndɔ lɔ kruhú de nye yrɛ ny'edomɛ̀n ankà nɛ́n?

Zhan 6:64

Tɛ́n ny'ɛmɛ̀n lɔ anwrɔn janbɔ̀ ke sɩ́ bútan ankaẅì.” Ɔmuhi Zhezü nyri ɛnkrubɔmɛ̀n hán hɛ́n anwrɔn hɔ̀n léyi ke sɩ́ bútan ankaẅì, kɩ nɛ̀n nyri ɔwrɔn léyi kɛ lɛ hɛ́ nɛ̀n nɔn.

Zhan 6:61

Zhezü ke nyri ɔmu le, n'ɛsɛ̀nkɛn-bɔ̀ lɔ kɛ dɔ́ n'ankà, ankà ndɔ lɔ wú. Hán tán kɩ nɛ dɔ́ yɔ le: “Ankà ndɔ lɔ ke di nyɛ̀n edùɛ?

Zhan 21:17

Zɛtɛn nɛ dɔ́ yi andɛ̀n anhɔnmɛ̀n le: “Simɔn, Zhan ẅì, ɛ cüɛn mɛ̀n hàn?” Kɛ hán Piɛrɛ̀n ejüedì, ɔmuhi Zhezü ke yrɛ nɛ̀n andɛ̀n anhɔnmɛ̀n le: “Ɛ cüɛn mɛ̀n hàn?” Kɩ nɛ̀n mrɛ́n yi ɔmùan le: “Ɛẅɛnwrɔn, è nyri eci lɔ fɛn; è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ wá mɛ́n kɔ̀kɔ̀sɛ̀ hɔ̀n lɔ esùva.

Lükɛ̀n 5:22

Zhezü cɔ́ y'ankà tro lɔ nyrì kɩ kɛ dɔ́ yɔ le: “Cɛci kruhú kɛ nyɛ ẅɛn ankà tro ndɔ hɔ̀n lɔa?

Markɛ̀n 12:15

Tɛ́n Zhezü nyri ɔmu le, yɔ bán nɛ̀n y'ɛnbɔrɛmɛ̀n ankà-tro; kɩ zɛtɛn nɛ dɔ́ yɔ le: “Ecitan kruhú kɛ nyɛ krɔn mɛ̀n antanwrɔn hán? Nyɛ́n bɩ́ ɔkùa lɔ ɔtɔ̀n nyɛ́n và sɩ́ mɛ̀n mɛ̀n nyan.”

Markɛ̀n 2:8

Ɛnvra zri lɔ Zhezü nyri y'ankà-tro lɔ kɩ kɛ dɔ́ yɔ le: “Cɛci kruhú kɛ nyɛ ẅɛn ankà-tro ndɔ hɔ̀n lɔa?

Lükɛ̀n 7:40

Zɛtɛn Zhezü bɩ́ ankà dɔ̀, kɩ kɛ dɔ́ Ɔwɔ-nyanmàn-súva-wá-wrɔn lɔ le: “Simɔn, mɛ́n ẅɛn ankà me ji mɛ̀n dɔ́ mɛ́n.” Simɔn mrɛ́n ɔmùan le: “Ankà-yé-wrɔn dɔ̀ mɛ̀n nɔn.”