Matie 9:2 - Ɛmɛẅi ankà ankrànkràn 2003

² Yɛ vá sɩ́ nɛ̀n ɔkpɔ̀cɔ-wrɔn tɔ̀n dɛ́ sofà tɔ̀n wúɛ. Ɛnvra léyi Zhezü kán ankàẅì-bùtan léyi anwrɔn hɔ̀n lɔ ẅɛ̀n nɔn, nɛ dɔ́ ɔkpɔ̀cɔ-wrɔn lɔ le: “È bɩ́ edùyì, m'ɛnẅì! V'ɛgbàn hɔ̀n lɔ bɩ́ ce mɛ́n!”

Matie 9:2 Iomraidhean Croise

Matie 14:27

Tɛ́n ɛnvra zri lɔ, Zhezü dɔ́ yɔ ankà; nɛ dɔ̀ le: “Nyɛ́n bɩ́ edùyì, mɛ̀n Zhezü, ɛnjansù ke bɩ́ ẅɛn nyɛ̀n!”

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Matie 6:12

Ɛgbàn léyi bɔ̀ hán nɔn, è bɩ ce bɔ̀, kɛ̀ hán ɔmu le bo bɩ́ ce anwrɔn hɔ̀n léyi kɛ hán bɔ̀ ɛgbàn nɔn.

Matie 8:10

Ɛnvra léyi Zhezü yá ankà ndɔ lɔ nɔn, nɛ̀n dú pɔ̀püɛ̀ mɛ̀n kɩ nɛ dɔ́ anwrɔn hɔ̀n léyi kɛ kɛ́n nɛ̀n ɛsɛ̀n nɔn le: “Mɛ dɔ́ nyɛ̀n annànwɔrɛ mɛ̀n le: mɛ vá cɔ́ ankàẅì-bùtan ẅɛ̀n ndɔ lɔ Izraɛlɛ̀n ɛnhi wú.

Matie 8:16

Ɛnvra léyi ɔwɔɛmɛ̀n ncɔ̀ nɔn, yɛ vá sɩ́ Zhezü anwrɔn bobrebe hɔ̀n léyi anhɛ́n gbàngbàn ke di ejüe edomɛ̀n nɔn. N'ankà-dɔ́ mɛ̀n Zhezü wrɔ́ anhɛ́n gbàngbàn ndɔ hɔ̀n lɔ kɩ nɛ̀n vru nɛ̀n kɔrɛ ɛnlɔẅiɛ-bɔ̀ lɔ fɛn.

Matie 9:22

Zhezü crɛ̀, kán nɛ̀n, kɩ dɔ̀ le: “Bɩ́ edùyì, m'ɛnẅì ɛnnyɔnwrɔn-ẅì! V'ankàẅì-bùtan lɔ kɔrɛ mɛ́n.” Kɩ ɛnvra lɔ mɛ̀n, ɛnnyɔnwrɔn lɔ cɔ́ ɔkɔrɛ̀.

Matie 9:5

Hɩ le mɛ lɛ dɔ̀ le: ‘V'ɛgbàn hɔ̀n lɔ bɩ́ ce mɛ́n’ mán hɩ le me le vru mɛ̀n dɔ̀ le: ‘Tɔhú, ô nán esù’? Ankà anhyrɛ̀ lɔ tɛ́ tán de jrɔ nɛ́n?

Matie 9:6

Tɛ́n, me ji le nyɛ́n nyrì le, ɔwrɔnẅì Ẅì ẅɛn ɛkɔrɛ̀levri ɛnhibù wú ke le bɩ́ ɛgbàn kè ce.” Zɛtɛn Zhezü kɛ dɔ́ ɔkpɔ̀cɔ-wrɔn lɔ le: “Tɔhú, bɩ́ vɛ́n sofà lɔ, hɔ̀n ɛbemɛ̀n.”

Markɛ̀n 1:32

Ɛnvra léyi ɔwɔɛmɛ̀n cɔ̀, ɛnbri bore mùan mɛ̀n lɔ, anwrɔn bɩ́ ɛnlɔẅiɛ-bɔ̀ lɔ fɛn mán yɔ hɔ̀n léyi anhɛ́n gbàngbàn dú edomɛ̀n nɔn ji Zhezü và.

Markɛ̀n 10:49

Zhezü sannyɔn kɩ kɛ dɔ̀ le: “Nyɛ́n bi nɛ̀n.” Yɔ bi anvɛ̀-bɔyɛ-wrɔn lɔ kɩ yɔ dɔ́ nɛ̀n le: “Bɩ edùyì, tɔhú, ne bi mɛ́n.”

Markɛ̀n 5:34

Zhezü kɛ dɔ́ nɛ̀n le: “M'ɛnẅì, v'ankàẅì-bùtan lɔ kɔrɛ mɛ́n. Ɛ̀ hɔ́n anwɔwɔ mɛ̀n, ô v'ɛnlɔẅiɛ lɔ kɛ̀ trɔ mɛ́n edomɛ̀n.”

Markɛ̀n 6:50

ɔmuhi yɔ lɔ fɛn yɔ kán nɛ̀n kɩ yɔ dú gbɔ̀gbɔ̀ mɛ̀n mán ɛnjansuemɛ̀n nɔn. Tɛ́n ɛnvra zri lɔ Zhezü kɛ dɔ́ ankà: “Nyɛ́n bɩ́ edùyì, mɛ̀n Zhezü; ɛnjansù ke bɩ́ ẅɛn nyɛ̀n!”

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Zhan 2:25

Nɛ́n sɩ́ ji yɛ dɔ́ nɛ̀n anwrɔnẅì domɛ̀n ankà, ɔmuhi nɛ́n mumù nɛ̀n nyri y'ɛnbɔrɛ mɛ̀n ankà nɔn.

Zhan 21:5

Zɛtɛn Zhezü kɛ dɔ́ yɔ le: “Kɛ̂ nyɛ́n ẅɛn ɛcàn jan m'ɛẅì hɔ̀n?” Yɔ mrɛ́n nɛ̀n ɔmùan le: “Hɔ̂!”

Ɔkɔ̀hɔ̀n-wá-bɔ̀ kɔ̀hɔ̀n hán 14:9

Ne die ankà léyi Pɔlɛ̀n kɛ dɔ̀ nɔn nukùɛ. Pɔlɛ̀n crɛ anvɛ̀ kɛ́n nɛ̀n kɩ kán ɔmu le ɔkpɔcɔ-wrɔn lɔ ẅɛn ankàẅì-bùtan léyi kɛ lɛ kɔrɛ̀ nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:12

Ɔmu lɔ de yɔ bɩ́ y'edomɛ̀n ẅɛn-ci léyi tɛ́ Pɔlɛ̀n dùwru lɔ nɔn, yɔ hɔ́n sɩ́ ɛnlɔẅiɛ-bɔ̀ kɩ kɛ cɔ́ ɔkɔrɛ̀, kɩ anhɛ́n gbangbàn hɔ̀n ke dú ɛnlɔẅiɛ-bɔ̀ edomɛ̀n kɛ srɔ ɛntrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 23:11

Ɛnnyran léyi kɛ̀n nɔn, Ɛẅɛnwrɔn bɩ́ n'edomɛ̀n yé Pɔlɛ̀n kɩ kɛ dɔ́ nɛ̀n le: “Bɩ edùyì! E di mɛ̀n dalɛfuɛ ɛnu, Zherüzalɛmɛ̀n anmàn, kɩ ke ji le ɛ̀ hán eci zri lɔ Rɔmɛ̀n ɛnhi wú anmàn mán.”

Rɔmɛ̀n-anmàn-bɔ̀ 5:11

Vru dù vrán ndɔ lɔ: bɔ́ brá pɔpüɛ̀ Ɔwɔ zìwú bɔ́ Ɛẅɛnwrɔn Zhezü Krisì bɩmɛ̀n, nɛ́n léyi n'ɛkruhú zɛtɛ̀ lɔ, bɔ́ mán Ɔwɔ mɛhi angranmɛ̀n wɔ́ bɔ̀ nɔn.

Zhakɛ̀n 2:18

Ɔwrɔn tɔ̀n kɛ lɛ dɔ́ tɛ̀ le: “Anwrɔn ndù ẅɛn ankaẅì-bùtan, kɩ ndɔ hɔ̀n ẅɛn eci-hán-ci”, zɛtɛn mɛ lɛ mrɛ́n nɛ̀n ɔmùan le: “È yé mɛ̀n ɔmu le v'ankaẅì-bùtan lɔ hán dù, hɩ eci-hán ke sɩ̀ dú nɛ̀n ɛmɛ̀n! Kɩ mɛ tɛn, me le yé mɛ́n m'ankaẅì-bùtan lɔ m'eci-hán mɛ̀n.”