Matie 8:4 - Ɛmɛẅi ankà ankrànkràn 2003

⁴ Zɛtɛn Zhezü kɛ dɔ́ nɛ̀n le: “È die nukù anvrɛnvrɛn: e bɩ́ dɔ́ ɔwrɔn zriɛmɛ́n ankà lɔ. Tɛ́n ɛ̀ hɔ̀n yé Ɔwɔ-wrɔn ɔmu le ɛ̀ kɔrɛ̀ e dù nɔn, zɛtɛn è ce eci kɛ̀ hán ɔmu le Mohizì wá tán, ô ye nyrì le ɛ kɔrɛ̀a.”

Matie 8:4 Iomraidhean Croise

Matie 10:18

Yɛ lɛ sɩ́ nyɛ̀n ɛyri-ẅɛn-bɔ̀ mán ɛnnɛ̀ncüì hɔ̀n zìwú m'ɛkruhú ô nyɛ́n srɔ mɛ́n dalɛfuɛ-di-bɔ̀ yɔ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn zìwú.

Matie 16:20

Zɛtɛn Zhezü wá kpankpan tán n'ɛsɛ̀nkɛn-bɔ̀ lɔ, ke bɩ́ dɔ́ ɔwrɔnẅì zriɛmɛ́n le nɛ̀n dú Ebɩdie-wrɔn lɔ.

Matie 17:9

Ɛnkpò wú dù kakɛ mɛ̀n lɔ, Zhezü wá ɛnyànmàn tɔ̀n tán yɔ: “Nyɛ́n bɩ́ dɔ́ ɔwrɔnẅì zriɛmɛ́n eci léyi nyɛ̀n kàn nɔn n'ɛwú ankà, hàn kɩ kɛ̀ krɔn ɛnvra léyi ɔwrɔnẅì Ẅì ke le dú owú-bɔ̀ mɛ̀n kɛ vá ɔkɔrɛ-bɔ̀ mɛ̀n nɔn.”

Matie 3:15

Tɛ́n Zhezü mrɛ́n nɛ̀n ɔmùan le: “È shrì kè dú ɔmu lɔ ɛnvra ndɔ lɔ mɛ̀n. Ɔmuhi, ɔmu lɔ de ke ji le bɔ̀ hán eci léyi Ɔwɔ ke ji nɔn.” Zɛtɛn Zhan shrì kɩ wá nɛ̀n ɛnshi ɛnkru.

Matie 5:17

“Nyɛ́n bɩ́ tro le mɛ́n và, ô mɛ̀n gbú Mohizì nyànmàn mán Ɔwɔ-mùanwú-ankà-dɔ́-bɔ̀ ankà-yé lɔ mɛ̀n sɔhɔ́. Mɛ̀n sɩ̀ và yɔ ègbù-sɔhɔ́-yri, tɛ́n mɛ̀n dɔ́ y'ɛmɛ̀n ankà annànwɔrɛ.

Matie 6:1

“Nyɛ́n wá esùva, ke sɩ́ ji le nyɛ́n sɛ́n Ɔwɔ fɛcüè zìwú nyɛ́n tán anwrɔn kɛ̀ kàn. Ke dú kɛ nyɛ hán ɔmu lɔ hô, nyɛ́n sɩ̀ cɔ́ anjakpà nyɛ́n Zi léyi dú anhobɩ́ nɔn yri.

Matie 9:30

Kɩ y'anvɛ̀ hɔ̀n lɔ kán ɛyri. Zhezü dɔ́ yɔ ankà ɛshishiemɛ̀n. Nɛ dɔ́ yɔ le: “Nyɛ́n die nukù anvrɛnvrɛn, ɔwrɔnẅì zriɛmɛ́n ke bɩ́ nyri ankà lɔ.”

Markɛ̀n 13:9

Tɛ́n ke ji le nyɛ́n wá nyɛ́n dùku ny'edomɛ̀n esùva. Ɔmuhi anwrɔn ke le sɩ́ nyɛ̀n ɛmrɛ̀nci-bɔ̀ zìwú nɔn; ye le gorɛ nyɛ̀n Ɔwɔ-sɛ́n-wɔn hɔ̀n lɔ mɛ̀n. Nyɛ lɛ srɔ anwrɔn cüìcüì hɔ̀n mán ɛnnɛ̀ncüì hɔ̀n zìwú m'ɛkruhú, ô nyɛ́n srɔ mɛ́n dalɛfuɛ-di-bɔ̀ y'ezìwú.

Markɛ̀n 3:12

Tɛ́n Zhezü ke fé yɔ, kɛ wá tán yɔ ɛshishiemɛ̀n, yɔ bɩ́ dɔ́ ɔwrɔn léyi dú nɛ̀n nɔn.

Markɛ̀n 5:43

Tɛ́n Zhezü sɩ́ tán yɔ, yɔ bɩ́ dɔ́ ɔwrɔnẅì zriɛmɛ́n ankà lɔ; zɛtɛn nɛ dɔ́ yɔ le: “Nyɛ́n tán ɛnẅì lɔ ɛci kè zî.”

Markɛ̀n 6:11

Ke dú kɛ nye bru anmàn kɛ̂ nanvrɛn bɔ̀ ke sɩ́ ji kɛ̀ ẅɛn nyɛ̀n nɛ̀nnyàn-bɔ̀, ke sɩ́ ji kè die nyɛ̀n nukùɛ, nyɛ́n cɔhɔ́ nanvrɛn lɔ ô nyɛ́n korɛ ny'annantrɛ̀mɛ̀n hi nyɛ́n cüe: hɩ lɔ de ke le dú ankà-bì-dɔ̀ kɛ̀ tán yɔ nɔn.”

Markɛ̀n 7:36

Zhezü wá tán yɔ lɔ fɛn, yɔ bɩ́ dɔ́ ɔwrɔn zriɛmɛ́n ankà ndɔ lɔ; Tɛ́n yɔ tɛ́n yɔ sán dɔ̀.

Markɛ̀n 8:30

Zɛtɛn Zhezü sɩ́ tán yɔ, yɔ bɩ́ dɔ́ ɔwrɔn zriɛmɛ́n ankà ndɔ lɔ.

Markɛ̀n 9:9

Ɛnkpò wú dù kakɛ mɛ̀n lɔ, Zhezü sɩ́ tán yɔ le: “Nyɛ́n bɩ́ dɔ́ ɔwrɔn zriɛmɛ́n eci léyi nyɛ́n kàn nɔn, hàn kɩ kɛ̀ krɔn ɛnvra léyi ɔwrɔnẅì Ẅì, ke le dú owúemɛ̀n kɛ̀ frɔ́.”

Lükɛ̀n 17:14

Zhezü kán yɔ kɩ kɛ dɔ́ yɔ le: “Nyɛ́n hɔ̀n nyɛ́n yé ny'edomɛ̀n Ɔwɔ-cice-bɔ̀.” Ɛnvra léyi ye dú ɛnlevri yɔ hɔ̀n nɔn, kɩ yɔ kɔrɛ̀.

Lükɛ̀n 21:13

Hɩ vra lɔ de ke ji le nyɛ́n di mɛ̀n dalɛfuɛ nɔn.

Lükɛ̀n 4:41

Anhɛ́n gbangbàn dú ɛnlɔwiɛ-bɔ̀ bobrebe edomɛ̀n srɔ ɛntrɛ ke di bobo kɛ dɔ̀ le: “È dú Ɔwɔ Ẅì!” Tɛ́n, Zhezü kɛ dɔ́ yɔ ankà ɛshishiemɛ̀n, kɩ nɛ́n sɩ́ tán yɔ ɛkɔrɛ̀-levri ankà dɔ́ mɛ̀n, ɔmuhi yɔ nyri ɔmu le, nɛ̀n dú Ebɩ̀die-wrɔn nɔn.

Lükɛ̀n 5:14

Zhezü wá ɛnyanmàn ndɔ lɔ tán nɛ̀n: “E bɩ́ dɔ́ ɔwrɔn zriɛmɛ́n ankà lɔ. Tɛ́n, è bɩ́ v'edomɛ̀n ɛ̀ hɔ̀n yé Ɔwɔ-cice-wrɔn, kɛ̀ kán ɔmu le ɛ̀ hán e dú nɔn, ɛ̀ hán eci léyi Mohizì nyanmàn wá tán nɔn, ô ye nyrì le ɛ kɔrɛà.”

Lükɛ̀n 8:56

N'ɛmɛ̀n-bɔ̀ dú anvɛmɛ̀n-frɛ́n mɛ̀n, kɩ Zhezü wá tán yɔ ye bɩ́ dɔ́ ɔwrɔn zriɛmɛ́n eci léyi wɔɛ̀n nɔn yi ankà.

Lükɛ̀n 9:21

Zhezü wá tán yɔ ɛshishiemɛ̀n le, ye bɩ́ dɔ́ ɔwrɔnẅì zriɛmɛ́n ankà lɔ,

Zhan 5:41

“Mɛ́n sɩ́ ji ɛmrɛ́n léyi ke dú anwrɔnẅì yri kɛ và nɔn.

Zhan 7:18

Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.

Zhan 8:50

Mɛ́n sɩ́ ji m'ecizrɔ. Ɔwrɔn tɔ̀n ndù ke ji m'ecizrɔ kɩ ke ci ɛmrɛ̀n tán mɛ̀n.