Matie 7:5 - Ɛmɛẅi ankà ankrànkràn 2003

⁵ Anmùan-anhyrɛ̀-wrɔn, ɛ̀ gɔ̀ mrɛ́n ɛtɛ̀-mù léyi dú v'ɛvɛ̀-ẅì lɔ mɛ̀n nɔn, kɩ ɛ lɛ kán ɛyri anvrɛnvrɛn, ô ɛ̀ mrɛ́n ankɔ̀hɔ́ ẅie léyi dú ɔmuan-ẅì vɛ́-ẅì lɔ mɛ̀n nɔn.

Matie 7:5 Iomraidhean Croise

Matie 22:18

Tɛ́n Zhezü nyri y'ankà-tro gbàngbàn hɔ̀n; zɛtɛn nɛ dɔ́ yɔ le: “Anmùan-anhyrɛ̀-bɔ̀, cɛci kruhú kɛ nyɛ krɔn mɛ̀n antanwrɔn hán?

Matie 7:3

Cɛci kruhú kɛ ɛ nyan ankɔ̀hɔ́ ẅie léyi dú ɔmuan-ẅì ɛvɛ́-ẅìemɛ̀n, zɛtɛn e sɩ́ kán ɛtɛ̀-mù léyi dú v'ɛvɛ́-ẅì lɔ mɛ̀n nɛ́n?

Matie 7:4

Anhɔntan de ɛ lɛ hán ɛ̀ dɔ́ ɔmuan-ẅì le: ‘Teze mɛ̀n, mɛ̀n mrɛ́n mɛ́n ankɔ̀hɔ́ ẅie ɛvɛ́-ẅìemɛ̀n’, tɛ́n ɛtɛ̀-mù dú v'ɛvɛ̀-ẅì lɔ mɛ̀n!

Matie 7:6

Nyɛ́n bɩ́ tán ɛnlɛ̀tù hɔ̀n eci léyi dú prɔnprɔn nɔn, ô kɛ wá tán yɔ, yɔ crɛ ezì yɔ kɛ́n nyɛ̀n, yɔ krá nyɛ̀n ɛnnyî. Nyɛ́n bɩ́ tecüe ny'anbɔ̀nmɛ̀n-ci gbrokò hɔ̀n zìwú, kɛ hán tán yɔ nán esù ɛwú.”

Lükɛ̀n 12:56

Anmùan-anhyrɛ̀-bɔ̀! Nye nyri eci hɔ̀n lɔ fɛn léyi dú ɛnhi mán ɛwú nɔn; zɛtɛn, ecitan kruhú kɛ nyɛ́n sɩ́ nyri, zɛtɛ̀ vra léyi nyɛ́n dú ɛmɛ̀n nɛ́n?”

Lükɛ̀n 13:15

Ɛẅɛnwrɔn mrɛ́n nɛ̀n ɔmùan kɛ dɔ̀ le: “Anmùan-anhyrɛ̀-bɔ̀ léyi dú nyɛ̀n nɔn! Ɛnyanmán-bì lɔ, anwrɔn wrɔn de kɛ srú y'annɔ̀n anhɛ́, kɛ hán yɔ, yɔ hɔ́n mi ɛnshi, ɛyɔ̀n hàn?

Lükɛ̀n 4:23

Zhezü kɛ dɔ́ yɔ le: “Mɛ̀n nyri ɔmu le nyɛ lɛ dɔ́ mɛ̀n nyandrɛn ndɔ lɔ ankà: ‘Anhaẅi-hán-wrɔn, ɛ̀ kɔrɛ vɛ́n dùku v'ɛdomɛ̀n.’ Nyɛ́n le vru nyɛ́n dɔ́ mɛ̀n le: ‘Bɔ́ nyri eci lɔ fɛn léyi ɛ hán Kapɛrnahümɛ̀n anmàn nɔn, eci zri lɔ de ke ji le ɛ hán ɛnu vɛ́n dùkú v'anmàn mán nɔn.’ ”

Lükɛ̀n 6:42

Anhɔntan de ɛ lɛ hán ɛ̀ dɔ́ ɔmuan-ẅì le: ‘Nman-ẅì, teze mɛ̀n, mɛ́n mrɛ̀n ankɔ̀hɔ-ẅie léyi dú v'ɛvɛ̀-ẅì lɔ mɛ̀n’, kɩ vɛ tɛn, e sɩ́ kán ɛtɛ̀ mù léyi dú vɛ tɛn lɔ mɛ̀n nɛ́n? Ɔmùan-anhyrɛ̀-wrɔn, ɛ̀ mrɛ́n ɛtɛ̀ mù léyi dú v'ɛvɛ̀ lɔ mɛ̀n, ô anvɛ̀ ke bi mɛ́n ɛ̀ kán ɛyri, ô ɛ̀ mrɛ́n ankɔ̀hɔ-ẅie léyi dú ɔmuan-ẅì vɛ̀ lɔ mɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 19:15

Tɛ́n ɛnbì tɔ̀n ɛnhɛ́n gbangbàn lɔ mrɛ́n yɔ ɔmùan le: “Mɛ̀n nyri Zhezü, kɩ mɛ̀n nyri ɔwrɔn léyi dú Pɔlɛ̀n nɔn: tɛ́n nyɛ́n, antɔn hɔ̀n dú nyɛ̀n hàn?”