Matie 6:2 - Ɛmɛẅi ankà ankrànkràn 2003

² Ɛnvra léyi ɛ tán ɛmian-bɔ̀ eci nɔn, e bɩ́ hán tán anwrɔn ke nyriɛn, kɛ hán anmùan-anhyrɛ̀-di-bɔ̀ ci léyi kɛ hán Ɔwɔ-sɛ́n-wɔn mɛ̀n mán ɛntrɛ: yɔ hán ɔmu lɔ, ô yɛ cɔ́ ɛmrɛ́n anwrɔnẅì yri. Mɛ dɔ́ nyɛ̀n annànwɔrɛ mɛ̀n le: yɔ cɔ́ y'anjakpà lɔa.

Matie 6:2 Iomraidhean Croise

Matie 6:5

“Ɛnvra léyi nyɛ sɛ́n Ɔwɔ nɔn, nyɛ́n bɩ́ dú kɛ hán anmùan-anhyrɛ̀-di-bɔ̀ hɔ́: yɔ cüɛn ɛwú léyi yɛ nyɔn yɛ sɛ́n Ɔwɔ Ɔwɔ-sɛ́n-wɔn mɛ̀n mán andrɛn-kru, yɔ hán ɔmu lɔ, ô anwrɔnẅì kɛ mrɛ́n yɔ. Mɛ dɔ́ nyɛ̀n annànwɔrɛ mɛ̀n le yɔ cɔ́ y'anjakpà lɔa.

Matie 6:16

“Ɛnvra léyi nye bɩ́ kìshe nɔn, nyɛ́n bɩ́ mú ezì kɛ hán anmùan-anhyrɛ̀-bɔ̀ hɔ́: yɔ crɔ́n ezì ô kɛ̀ hán tán ye nyri ɔmu le yɔ dú kìshe bɩ́ mɛ̀n. Mɛ dɔ́ nyɛ̀n annànwɔrɛ mɛ̀n le: yɔ cɔ́ y'anjakpà lɔa.

Zhan 5:41

“Mɛ́n sɩ́ ji ɛmrɛ́n léyi ke dú anwrɔnẅì yri kɛ và nɔn.

Ebre-bɔ̀ 13:16

Anvrɛn hán mán ny'edomɛ̀n ɛkɔrɛ̀wá ke bɩ́ yru nyɛ̀n esùvà, ɔmuhi ɛcice ndɔ hɔ̀n lɔ de kɛ cüɛn Ɔwɔ ɛvɛ̀ nɔn.

Lükɛ̀n 20:46

“Nyɛ́n wá ny'edomɛ̀n esùva ɛnyanmàn-gbànvri-ankà-yé-bɔ̀ tɛsɛ̀n, yɔ léyi ye beci ɛceci-she mɛ̀n, hɩ yɔ cüɛn ɔwá binyan ɛyri léyi anwrɔn kɛ bɔrɛkru nɔn; ɛyɛ́-yri anvrɛnvrɛn de yɔ ji ɛnvra léyi yɔ bru ɔwɔ-sɛ́n-wɔn mɛ̀n mán ɛci-zî yri vri.

Zhan 7:18

Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Efɛzɛ̀n anmàn-bɔ̀ 4:28

Ɔwrɔn léyi ke yerɛ ɛci nɔn, kɛ̀ kɛ́n eci-yerɛ kɛ̀ hɛ́n; ke ji le nɛ̀n bɩ́ n'ɛmàn anhyrɛ̀ lɔ nɛ̀n hán ɔkɔ̀hɔ̀n, ô nɛ̀n cɔ́ ɛci nɛ̀n zî, kɩ ɔmu lɔ de, nɛ lɛ cɔ́ ɛci nɛ̀n wá ɛmian-bɔ̀ ɛkɔrɛ̀ nɔn.

Galasi anmàn-bɔ̀ 2:10

Yɔ dɔ́ bɔ̀ le bɔ̀ tro ɛmian-bɔ̀ léyi dú y'Ɔwɔ-fɛcüè lɔ mɛ̀n hɩ dú Zherüzalɛmɛ̀n anmàn nɔn y'ankà, hɩ ci lɔ de mɛ̀n wá kpankpan mɛ̀n hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:4

Nɛ̀n nyan Ɔwɔ-kùyüre-wrɔn lɔ ɛnjansuemɛ̀n kɩ nɛ dɔ̀ le: “Ɛẅɛnwrɔn, ankà tán?” Ɔwɔ-kùyüre-wrɔn lɔ mrɛ́n nɛ̀n ɔmùan le: “Ɔwɔ yá v'Ɔwɔ-sɛ̀n lɔ kɩ kán ɛkɔrɛ̀ léyi ɛ wá ɛmian-bɔ̀ nɔn, kɩ v'ankà ke sɩ̀ yuru nɛ̀n esùva.

Kpàkpà timote 6:18

Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀.

Rɔmɛ̀n-anmàn-bɔ̀ 12:8

Ɔwrɔn léyi nyri edùyì ci-hán nɔn, ke ji le nɛ̀n tán nɛ́n nyran hɔ̀n edùyì. Ke ji le ɔwrɔn léyi ẅɛn n'ɛci kɛ tán nɔn, kɛ̀ tán ɛnbɔrɛ ankrankran mɛ̀n. Ɔwrɔn léyi kɛ nyrɔn nɔn, kɛ̀ nyrɔn anvrɛnvrɛn. Ɔwrɔn léyi kɛ wá ɛmian-bɔ̀ ɛkɔrɛ̀ nɔn, nɛ̀n hán yi pɔpüɛ̀-brá mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 24:17

Ɛnànwàn bobrebe hɔ̀n vacì, mɛ̀n vru ɛmɛẅì mɛ̀n vá Zherüzalɛmɛ̀n, ô mɛ̀n bɩ́ ɛkɔrɛ̀-wá mɛ̀n vá sɩ́ mɛ́n fɛcüè, ô mɛ̀n ce Ɔwɔ eci.

Ɔkɔ̀hɔ̀n-wá-bɔ̀ kɔ̀hɔ̀n hán 10:31

kɩ kɛ dɔ́ mɛ̀n le: ‘Kɔrnɛyì, Ɔwɔ yá v'Ɔwɔ-sɛ̀n lɔ, kɩ ɛkɔrɛ̀ léyi ɛ̀ wá ɛmian-bɔ̀ nɔn ke sɩ̀ yuru nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 10:2

Kɔrnɛyì dú ankaẅì-bùtan-wrɔn léyi kɛ sɛ́n Ɔwɔ ɛnvra lɔ fɛn, nɛ́n mán n'ɛmɛ̀n-bɔ̀ mɛhi, kɩ nɛ̀n dú Ɔwɔ-sɛ́n-kɔ̀hɔ̀n-hán mɛ̀n. Kɔrnɛyì kɛ wá ɛmian-bɔ̀ léyi dú Zhuifɛ̀n fɛcüè lɔ mɛ̀n nɔn ɛkɔrɛ̀ bobrebe kɩ nɛ sɛ́n Ɔwɔ ɛnvra lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 9:36

Zhafa anmàn lɔ, ankaẅì-bùtan nyɔnwrɔn tɔ̀n ndù ye bi Tabita. Ebi ndɔ lɔ grɛkɛ̀n brɛ̀ mɛ̀n lɔ, ye bi “Dorkasɛ̀n”, hɩ mɛ̀n kɛ dɔ̀ le ovú nɔ̀n léyi ye bi “esè” nɔn. Nɛ̀n dú ɛnvra lɔ fɛn anvrɛn hán mɛ̀n kɩ nɛ wá ɛmian-bɔ̀ ɛkɔrɛ̀.

Zhan 13:29

Ɔmuhi Zhüda kɛ hɛ́n ɔkùa nɔn, anwrɔn bobrebe tro le Zhezü kɛ dɔ́ nɛ̀n, nɛ̀n hɔ̀n nɛ̀n wɔ́ ɔkoran-ci léyi ke ji nɔn kɩ. Ndɔ hɔ̀n tro le nɛ dɔ́ yi kɛ̀ hɔ̀n kɛ̀ tán ɛmian-bɔ̀ ɛci.

Zhan 5:44

Nyɛ cüɛ́n ɛmrɛ́n léyi ke dú nyɛ́n dùku ny'edomɛ̀n kɛ và, kɩ nyɛ́n sɩ́ ji ɛmrɛ́n léyi ke dú Ɔwɔ yri zri kɛ và nɔn. Anwɔntan de nyɛ lɛ hán, ô nyɛ́n bùtan ankaẅì nɛ́n?

Lükɛ̀n 6:42

Anhɔntan de ɛ lɛ hán ɛ̀ dɔ́ ɔmuan-ẅì le: ‘Nman-ẅì, teze mɛ̀n, mɛ́n mrɛ̀n ankɔ̀hɔ-ẅie léyi dú v'ɛvɛ̀-ẅì lɔ mɛ̀n’, kɩ vɛ tɛn, e sɩ́ kán ɛtɛ̀ mù léyi dú vɛ tɛn lɔ mɛ̀n nɛ́n? Ɔmùan-anhyrɛ̀-wrɔn, ɛ̀ mrɛ́n ɛtɛ̀ mù léyi dú v'ɛvɛ̀ lɔ mɛ̀n, ô anvɛ̀ ke bi mɛ́n ɛ̀ kán ɛyri, ô ɛ̀ mrɛ́n ankɔ̀hɔ-ẅie léyi dú ɔmuan-ẅì vɛ̀ lɔ mɛ̀n nɔn.”

Markɛ̀n 12:39

Ɔwɔ-sɛ́n-wɔn mɛ̀n mán ɛci-zî-yri vri de yɔ ji ɛyri anvrɛnvrɛn yɔ yɛ́.

Filemɔn 1:7

V'ɛcüɛn bɔrɛ lɔ, ɔwrɔn-nɛ́n-muanẅì, tán mɛ̀n pɔpüɛ̀-brà brobebe mán edùyì, ɔmuhi è bi ɛnbɔrɛ ɛ̀ wá ankàẅì-bùtan-ẅɛn-bɔ̀ nɔn.

1 Tesalonikɛ̀n anmàn-bɔ̀ 2:6

Bɔ́ sɩ̀ jì ɔwrɔnẅì zriɛmɛ́n mrɛ́n léyi ke le dú ny'eyri mán ɔwrɔn nyàntɛn yri kɛ̀ và;

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

Lükɛ̀n 13:15

Ɛẅɛnwrɔn mrɛ́n nɛ̀n ɔmùan kɛ dɔ̀ le: “Anmùan-anhyrɛ̀-bɔ̀ léyi dú nyɛ̀n nɔn! Ɛnyanmán-bì lɔ, anwrɔn wrɔn de kɛ srú y'annɔ̀n anhɛ́, kɛ hán yɔ, yɔ hɔ́n mi ɛnshi, ɛyɔ̀n hàn?

Lükɛ̀n 12:56

Anmùan-anhyrɛ̀-bɔ̀! Nye nyri eci hɔ̀n lɔ fɛn léyi dú ɛnhi mán ɛwú nɔn; zɛtɛn, ecitan kruhú kɛ nyɛ́n sɩ́ nyri, zɛtɛ̀ vra léyi nyɛ́n dú ɛmɛ̀n nɛ́n?”

Lükɛ̀n 12:33

Nyɛ́n hɛ́ ny'ɛci hɔ̀n lɔ, ô nyɛ́n bɩ́ ɔkùa lɔ nyɛ́n ce ɛmian-bɔ̀. Nyɛ́n ji angbɛ́n léyi ke sɩ́ kua nɔn, ô nyɛ́n ji anhobɩ́ nɛ̀ncüì-dì léyi ke sɩ́ zrɛ́n mrìmrì: hɩ ɛci yerɛ-bɔ̀, mán anbɔ̀bɔ mɛhi, ke sɩ̀ cɔ́ y'ɛjrɛ́-yri nɔn.

Lükɛ̀n 11:43

Muzhie dú nyɛ tɛn, ɛnyanmàn-esùva-wá-bɔ̀! Nyɛ cüɛn ɛyɛ́-yri léyi kɛ ẅɛn ɛvɛ̀ Ɔwɔ-sɛ́n-wɔn mɛ̀n kɩ nyɛ cüɛn ɛwá mán eci-zrɔ ɛyrì léyi dù ɛkrubɔrɛ-yri nɔn.

Lükɛ̀n 11:41

Nyɛ́n gɔ̀ tán ɛmian-bɔ̀, ɛci hɔ̀n léyi dú nyɛ̀n glashɛ̀n mɛ̀n mán kpokpo mɛ̀n, kɩ ɛci lɔ fɛn ke le fì kɛ̀ tán nyɛ̀n.

Lükɛ̀n 6:24

Tɛ́n muzhie dú tán, nyɛ́n léyi nyɛ́n di ɛnnɛncüì, ɔmuhi nyɛ́n gɔ̀ cɔ́ ny'ɛnbɔrɛbru lɔ nɔn!

Markɛ̀n 7:6

Zhezü mrɛ́n yɔ ɔmùan le: “Ezàhi ankà léyi dɔ́ ny'ɛwú nɔn dú annànwɔrɛ! Nyɛ́n dú anmùan-anhyrɛ̀-bɔ̀, hán ɔmu le Ezàhi merɛ́n nɔn: ‘Ɔwɔ kɛ dɔ̀ le, fɛcüè ndɔ lɔ kɛ mrɛ́n mɛ̀n ɔmuanwrú wú, tɛ́n n'ɛnbɔrɛ dú esù she m'ɛtɛ̀sɛ̀n.

Matie 24:51

nɛ lɛ wrɔ́ eci-bɩtan-wrɔn lɔ, kɩ nɛ lɛ hán yi ke le di anmùan-anhyrɛ̀-bɔ̀ gbàn wɔɛ̀n, ɛyri léyi eyú-wù mán ɛhnyî rá dù nɔn.”

Matie 23:6

Yɔ cüɛn ɛyɛ́-yri ankrànkràn ɛci-zî vriemɛ̀n mán ezì-yɛ́-yri Ɔwɔ-sɛ́n-wɔn hɔ̀n mɛ̀n;

Matie 22:18

Tɛ́n Zhezü nyri y'ankà-tro gbàngbàn hɔ̀n; zɛtɛn nɛ dɔ́ yɔ le: “Anmùan-anhyrɛ̀-bɔ̀, cɛci kruhú kɛ nyɛ krɔn mɛ̀n antanwrɔn hán?

Matie 16:3

Kɩ ɔsɔ̀wrɔ̀ fùtàn, nyɛ dɔ̀ le: ‘Ɛnyɔncì lɔ ɛnshi kɛ lɛ nàn, ɔmuhi anhobɩ́ murɛn nɔn.’ Nye nyri ɛci woroan-ci hɔ̀n léyi dú anhobɩ́ nɔn, tɛ́n nyɛ́n sɩ̀ ẅɛ̀n ɛnkruemɛ̀n, nyɛ́n nyrì ɛci hɔ̀n léyi kɛ wɔɛ́n anhobɩ́, hɩ dú ɛnvra ndɔ hɔ̀n lɔ mɛ̀n ci nɔn!

Matie 15:7

Anmùan-anhyrɛ̀-bɔ̀! Ezàhi ankà zrɔ, ɛnvra léyi nɛ dɔ́ ny'ɛwú ankà ndɔ lɔ nɔn:

Matie 7:5

Anmùan-anhyrɛ̀-wrɔn, ɛ̀ gɔ̀ mrɛ́n ɛtɛ̀-mù léyi dú v'ɛvɛ̀-ẅì lɔ mɛ̀n nɔn, kɩ ɛ lɛ kán ɛyri anvrɛnvrɛn, ô ɛ̀ mrɛ́n ankɔ̀hɔ́ ẅie léyi dú ɔmuan-ẅì vɛ́-ẅì lɔ mɛ̀n nɔn.

Matie 5:18

Mɛ dɔ́ nyɛ̀n annànwɔrɛ mɛ̀n le: ɔmu zri léyi anhobɩ́ mán ɛnhibù kɛ lɛ mɔɛ̀n nɔn, ɛnyànmàn wú wrú-ẅì cɛ mán n'ankà cɛ zriɛmɛ́n ke sɩ̀ gbràn, hàn kɩ kɛ lɛ cɔ́ ɛci hɔ̀n lɔ fɛn y'ɛtrɔ vra.

Matie 6:3

Tɛ́n vɛ́n, ɛnvra léyi ɛ tán ɛmian-bɔ̀ eci nɔn, ɛ̀ hán tán ɔwrɔn zriɛmɛ́n ke bɩ́ nyriɛn, annànnàn le ɛnyran léyi dú mɛ́n ɛtɛ̀sɛ̀n nɔn,

Matie 23:5

Yɔ hán y'ɛci hɔ̀n lɔ fɛn kɛ dɛ́ ɛwú, ô anwrɔn kɛ̀ kán yɔ. Ɔmu lɔ de ankà-dɔ̀ prɔnprɔn hɔ̀n léyi ye merɛ́n, hɩ yɔ mú ezìwú, ɛnvra tɔ̀n ɛkɔrɛ̀bɔ̀n mɛ̀n nɔn, yɔ ẅɛn kotoku vri; y'ɛwú ceci-kɔrɛ̀ mùan mán ntrɛ̀.

1 Korɛntɛ̀n anmàn-bɔ̀ 13:3

Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.