Matie 5:3 - Ɛmɛẅi ankà ankrànkràn 2003

³ “Ɛnbɔrɛbru dú anwrɔn hɔ̀n léyi ke shri y'ɛmìan lɔ ke bɩ, ɔmuhi Anhobɩ́ nɛ̀ncüì-dúyri dú yɔ tɛn nɔn!

Matie 5:3 Iomraidhean Croise

Matie 11:25

Hɩ vra lɔ, Zhezü kɛ dɔ̀ le: “Ô Dade, anhobɩ́ mán ɛnhibù Ẅɛnwrɔn, mɛ tán mɛ́n ɔkùɛn ɔmuhi eci léyi ɛ̀ bán ankà-nyri-bɔ̀ mán ɛnkruemɛ̀n-ẅɛn-bɔ̀ nɔn, e bɩ è yé ɛẅì hɔ̀n.

Matie 11:6

Ɛnbɔrɛbru dú tán ɔwrɔn léyi kè sɩ̀ teze ankàẅì-bùtan léyi nɛ̀n ẅɛn m'ɛwú nɔn.”

Matie 13:16

Tɛ́n nyɛ́n, ɛnbɔrɛbru dú nyɛ tɛn; ny'anvɛ̀ kɛ kán ɛyri kɩ nyɛ́n nukù hɔ̀n kɛ yá ankà.

Matie 19:14

Zɛtɛn Zhezü kɛ dɔ̀ le: “Nyɛ́n teze ɛẅì hɔ̀n kɛ̀ và cɔ́ mɛ̀n, kɩ nyɛ́n bɩ́ kɛ́n yɔ nyɛ́n hɛ́n hán, ɔmuhi Anhobɩ́ nɛ̀ncüì-dúyri dú anwrɔn hɔ̀n léyi ndù hán yɔ hɔ́ nɔn tɛn.”

Matie 24:46

Ɛnbɔrɛbru dú eci-bɩtan-wrɔn ndɔ lɔ tɛn, ke dú kɛ n'ankà-yé-wrɔn kɛ cɔ́ nɛ̀n ɔkɔ̀hɔ̀n lɔ mɛ̀n, ɛnvra léyi ne le dú ɛyri nɛ̀n và bru n'ebɩ́ lɔ mɛ̀n nɔn!

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Matie 3:2

Nɛ dɔ̀ le: “Nyɛ́n crɔn ny'eci-hán-ci, ɔmuhi Anhobɩ́-Nɛ̀ncüì-dúyri dú ɛtɛ̀sɛ̀n nɔn!”

Matie 8:11

Mɛ dɔ́ nyɛ̀n annànwɔrɛ mɛ̀n le, anwrɔn bobrebe ke le dú ɛmɛẅiemɛ̀n mán ezì kɛ lɛ và bɩ́ ɛyri tɛbrɛ̀ wú Anhobɩ́ nɛ̀ncüì-dúyri, yɔ mán Abrahamɛ̀n, Izaakɛ̀n mán Zhakɔbɛ̀n mɛhi.

Markɛ̀n 10:14

Ɛnvra léyi Zhezü kán ndɔ lɔ nɔn kɛ̀ sɩ̀ zrɔ nɛ̀n kɩ nɛ dɔ́ n'ɛsɛ̀nkɛn-bɔ̀ lɔ le: “Nyɛ́n teze ɛẅì hɔ̀n lɔ kɛ̀ vá cɔ́ mɛ̀n! Nyɛ́n bɩ́ kɛ́n yɔ nyɛ́n hɛ́n hán, ɔmuhi Anhobɩ́ nɛ̀ncüì-dúyri dú anwrɔn hɔ̀n léyi kɛ cá yɔ nɔn tɛn.

Lükɛ̀n 11:28

Tɛ́n Zhezü mrɛ́n ɔmùan, kɩ kɛ dɔ̀ le: “Ɛnbɔrɛbru dú tán anwrɔn hɔ̀n léyi ke die Ɔwɔ ankà nukùɛ, hɩ kɛ hán n'ɛkɔrɛ̀zì-ci nɔn.”

Lükɛ̀n 18:14

Zhezü mrɛ́n ɔmùan le: “Mɛ dɔ́ nyɛ̀n le, ɔwrɔn ndɔ lɔ krɔn kpekɛ́n Ɔwɔ zìwú, ɛnvra léyi nɛ̀n vru ɛmɛẅi nɛ̀n hɔ́n ɛbemɛ̀n nɔn; tɛ́n Ɔwɔ-nyanmàn-sùva-wá-wrɔn lɔ kè sɩ̀ cɔ̀ ɛgbàn-bɩ̀-ce. Ɔmuhi, ɔwrɔn totɔtɔ̀n léyi ke le sɩ́ n'edomɛ̀n ɛwú nɔn, ye le sɩ̀ nɛ̀n ɛnhi, kɩ ɔwrɔn léyi ke sɩ́ n'edomɛ̀n ɛnhi nɔn, ye le sɩ́ nɛ̀n ɛwú.”

Lükɛ̀n 22:29

kɩ ɔmu zri léyi Ɔwɔ Zi wá mɛ̀n Anhobɩ́ Nɛ̀ncüì-dúyri antamɛ̀n nɔn, ɔmu zri lɔ, mɛ̀n mán me bɩ mɛ wá nyɛ̀n antamɛ̀n:

Lükɛ̀n 22:30

nye le zî ɛci kɩ nye le mi ɛnshí mɛ́n tɛbrɛ̀ lɔ wú, Anhobɩ́ Nɛ̀ncüì-dúyri, kɩ nyɛ lɛ yɛ́ ɛgbú-tobù wúɛ, ô nyɛ́n ci Izraɛlɛ̀n mɛ̀n kru ɛvà-anhyrɛ̀ lɔ ɛmrɛ̀n.”

Lükɛ̀n 4:18

“Ɛẅɛnwrɔn Hɛ́n dú mɛ̀n edomɛ̀n, nɛ̀n mrɛ́n mɛ̀n nɛ́n bɩ, ô mɛ̀n bɩ́ Ɛmɛẅí ankà Ankrànkràn lɔ mɛ̀n và sɩ́ ɛmian-bɔ̀. Nɛ̀n wá mɛ̀n ɛnzhì ɛnkru ô mɛ̀n dɔ́ anwɔn-mɛ̀n-wá-bɔ̀ ebɩ̀die ankà, mɛ̀n dɔ́ anvɛ̀-bɔyɛ-bɔ̀ ɛyri-kán ankà, ô ejuezì-bɔ̀ kɛ̀ cɔ́ ɔwrɔncüe,

Zhan 20:29

Zhezü kɛ dɔ́ nɛ̀n le: “Ɔmuhi ɛ̀ kán mɛ̀n nɔn, hɩ le kruhú de e bùtan ankàẅì nɛ́n? Ɛnbɔrɛbru dú tán anwrɔn hɔ̀n léyi kè sɩ̀ kán mɛ̀n kɩ bútan ankàẅì nɔn!”

Zhakɛ̀n 1:10

ô ɛnnɛ̀ncüì mán ke shrí ɛnhi léyi Ɔwɔ ke le sɩ́ nɛ̀n nɔn. Annànwɔrɛ mɛ̀n lɔ ɛnnɛ̀ncüì kɛ lɛ vàcí kɛ lɛ hán ovú-tɛ̀ anhyrà hɔ́.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

Zhakɛ̀n 2:5

Anwrɔn-nɛ́n-muan-ẅì hɔ̀n nyɛ́n die nukùɛ: Ɔwɔ mrɛ́n ɛmian-bɔ̀ lɔ dú ɛnhibù wú nɔn nbɩ, ô yɔ srɔ ɛnnɛ̀ncüì hɔ̀n ankaẅì-bùtan ẅɛn mɛ̀n, ô yɔ cɔ́ Anhobɩ́ Nɛ̀ncüì-dúyri léyi nɛ̀n wá anwrɔn léyi kɛ cüɛ́n nɛ̀n nɔn ɔmùan.

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 22:14

Ɛnbɔrɛbru dú anwrɔn hɔ̀n léyi ke jru y'ɛceci hɔ̀n lɔ, kɩ ẅɛn ɛkɔrɛ̀levri ke le zî ɔkɔrɛ-tɛ̀ tɛ̀-ẅì hɔ̀n lɔ, ô kè ci ɛsù-gbàtà hɔ̀n mɛ̀n ke bru anmàn.

Ɔwɔ-mɛ̀n-yrikàn 3:17

Ɛ dɔ̀ le: ‘Mɛ̀n di ɛnnɛ̀ncüì kɩ mɛ̀n ẅɛn ɛci anvrɛnvrɛn, eci zriɛmɛ́n kè sɩ̀ ẅɛn mɛ̀n ɛmiàn.’ Annanwɔrɛ mɛ̀n lɔ, è sɩ̀ nyrì ɔmu le è dú ɛmian-wrɔn mán ejüedi-wrɔn! È dú ɛmian-wrɔn, ɛ̀ nyɔn ɛsɛ̀nkora, kɩ e sɩ́ kán ɛyri.