Matie 4:9 - Ɛmɛẅi ankà ankrànkràn 2003

⁹ kɩ kɛ dɔ́ nɛ̀n le: “Mɛ lɛ tán mɛ́n ɛci ndɔ hɔ̀n lɔ fɛn, ke dú kɛ ɛ shɛ́n mɛ̀n ezìwú annankruemɛ̀n e cüe mɛ̀n ankɔ̀rɛ̀ ezìwúɛ.”

Matie 4:9 Iomraidhean Croise

Matie 26:15

kɩ kɛ dɔ́ yɔ le: “Ecitan de nyɛ lɛ tán mɛ̀n ke dú kɛ mɛ ẅɛn Zhezü mɛ tán nyɛ̀n nɛ́n?” Ɔwɔ-cice-bɔ̀ cüìcüì hɔ̀n krɛ́ ɔkùa ẅì kɔ̀prɛ̀ ɛẅia-ɛvà ku Zhüda antamɛ̀n.

Matie 4:10

Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Zhan 12:31

Zɛtɛ̀ lɔ ɛnvra ndɔ lɔ mɛ̀n, de ye le ci ɛnhibù ɛmrɛ̀n nɔn; zɛtɛ̀ lɔ de yɛ lɛ wrɔ́ ɛnhibù ndɔ lɔ n'ɛnnɛncüì lɔ nɔn.

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 14:30

Nyɛ́n mɛhi bɔ́ sɩ̀ vru dɔ́ ankà bobrebe, ɔmuhi ɛhibù wú nɛncüì lɔ kɛ và nɔn. Nɛ̀n sɩ̀ ẅɛn ɛkɔrɛ̀srɔn zriɛmɛ́n m'ɛwú,

Zhan 16:11

yɔ zɛ́n ɛmrɛ̀n-cì-ankà wú, ɔmuhi yɔ gɔ́ ci ɛnhibù wú nɛ̀ncüì lɔ ɛmrɛ̀n hàn nɔn.”

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Kpàkpà timote 3:6

Ke sɩ́ ji le nɛ̀n dú ɔwrɔn wrù Ɔwɔ-fɛcüè mɛ̀n; ke dú ɔmu lɔ hô, nɛ lɛ hán tutre ci, kɩ ɔtrɔmɛ̀n lɔ, yɛ lɛ bɔ́ nɛ̀n nwù kɛ lɛ hán anwawrɔn hɔ́.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.