Matie 4:3 - Ɛmɛẅi ankà ankrànkràn 2003

³ Anwa-wrɔn sɔnba nɛ̀n ɛtɛ̀sɛ̀n kɩ kɛ dɔ́ nɛ̀n le: “Ke dú kɛ è dú Ɔwɔ Ẅì hô, ɛ̀ wá tán ɛbù ndɔ hɔ̀n lɔ kɛ̀ srɔ ɛci-zî.”

Matie 4:3 Iomraidhean Croise

Matie 14:33

Zɛtɛn ɛsɛ̀nkɛn-bɔ̀ léyi dú anhàka lɔ mɛ̀n nɔn, shɛ́n Zhezü ezìwú annankruemɛ̀n kɩ kɛ dɔ̀ le: “Annànwɔrɛ mɛ̀n lɔ è dú Ɔwɔ Ẅì!”

Matie 16:16

Simɔn Piɛrɛ̀n mrɛ́n ɔmùan le: “È dú Ebɩdie-wrɔn, ƆWɔ kɔrɛkɔrɛ lɔ n'Ɛnẅì.”

Matie 26:63

Tɛ́n Zhezü kɛ kɛ́n ɔmùan hɛ́n. Zɛtɛn Ɔwɔ-cice-wrɔn cüìcüì kɛ dɔ́ nɛ̀n le: “Ɔkɔrɛ Wɔ lɔ n'ebɩ́ mɛ̀n, mɛ wá tán mɛ́n, è shri bɔ̀ anmùan mɛ̀n, ɔmùan-wá mɛ̀n: è dú Ebɩdie-wrɔn, Ɔwɔ Ẅì lɔa?”

Matie 3:17

Kɩ esùva tɔ̀n dú anhobɩ́ kɛ dɔ̀ le: “Ɔwrɔn ndɔ lɔ dú m'ɛcüɛn Ẅì; mɛ́n pɔ̀püɛ̀ lɔ fɛn dú nɛ̀n ɛmɛ̀n.”

Markɛ̀n 1:1

Ɛnu lɔ de Ɛmɛẅi ankà Ankrànkràn léyi kɛ dɔ́ Ɔwɔ ẅì Zhezü Krisì ankà nɔn, dú n'ɛnkrubɔmɛ̀n.

Markɛ̀n 3:11

Kɩ ɛnvra léyi anhɛ́n gbàngbàn kɛ kán nɛ̀n nɔn, yɔ bore nɛ̀n ezìwúɛ kɩ yɔ di nkù yɔ dɔ̀ le: “E dú Ɔwɔ ẅì!”

Markɛ̀n 5:7

Kɩ ne di nkù esùva cüìcüìemɛ̀n: “Zhezü, Ɔwɔ léyi dú ɛwú hɛ́n nɔn n'ɛnẅì, cɛci e ji ɛ̀ hán mɛ̀n hàn? Mɛ sɛ́n mɛ́n, Ɔwɔ bɩ́mɛ̀n, e bɩ́ wá mɛ̀n ejüe!”

Lükɛ̀n 1:35

Ɔwɔ-kùyüre-wrɔn lɔ mrɛ̀n nɛ̀n ɔmuàn kɩ kɛ dɔ́ nɛ̀n le: “Ɛnhɛ́n Prɔnprɔn kɛ lɛ và cɔ́ mɛ́n, kɩ Ɔwɔ léyi dú ɛwú nɔn, n'ɛkɔrɛ̀srɔn kɛ lɛ vá mɛ́n ɛwú kɛ lɛ hán ɛnẅì-gbú hɔ́. Hɩ le kruhú de Ɛnẅì Prɔnprɔn léyi ye le bî nɔn, ye le bi nɛ̀n Ɔwɔ-ẅì.

Lükɛ̀n 22:70

Yɔ lɔ fɛn yɔ mrɛ́n ɔmùan le: “Zɛtɛn è dú Ɔwɔ ẅìɛ?” Nɛ̀n mrɛ́n yɔ ɔmùan le: “Hɩ de nyɛ́n dɔ̀ nɔn: mɛ̀n dú Ɔwɔ ẅì.”

Lükɛ̀n 4:3

Anwa-wrɔn kɛ dɔ́ nɛ̀n le: “Ke dú kɛ è dú Ɔwɔ Ẅì, ɛ̀ hán obù-ẅì ndɔ lɔ kɛ̀ srɔ ɛci-zî.”

Lükɛ̀n 4:41

Anhɛ́n gbangbàn dú ɛnlɔwiɛ-bɔ̀ bobrebe edomɛ̀n srɔ ɛntrɛ ke di bobo kɛ dɔ̀ le: “È dú Ɔwɔ Ẅì!” Tɛ́n, Zhezü kɛ dɔ́ yɔ ankà ɛshishiemɛ̀n, kɩ nɛ́n sɩ́ tán yɔ ɛkɔrɛ̀-levri ankà dɔ́ mɛ̀n, ɔmuhi yɔ nyri ɔmu le, nɛ̀n dú Ebɩ̀die-wrɔn nɔn.

Lükɛ̀n 4:9

Anwa-wrɔn bɩ́ nɛ̀n hɔ́n Zherüzalɛmɛ̀n anmàn kɩ ẅɛn nɛ̀n hɛ́n Ɔwɔ-cice-wɔn lɔ wú, kɩ kɛ dɔ́ nɛ̀n le: “Ke dú kɛ è dú Ɔwɔ Ẅì hô, ɛ̀ trɛnshɛ́n anhɛ̀;

Zhan 1:34

Zhan kɛ dɔ̀ le: “Mɛ̀n kán eci ndɔ lɔ kɩ zɛtɛn mɛ dɔ́ annanwɔrɛ mɛ̀n le, ɔwrɔn ndɔ lɔ dú Ɔwɔ Ẅì.”

Zhan 1:49

Zɛtɛn Natanaɛlɛ̀n kɛ dɔ́ nɛ̀n le: “Ankà-yé-wrɔn, è dú Ɔwɔ Ẅì, è dú Izraɛlɛ̀n nɛ̀ncüì!”

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Zhan 9:35

Zhezü cɔ́ yá le yɔ wrɔ́ ɔwrɔn léyi nɛ́n kɔrɛ̀ nɔn. Nɛ̀n srɔ́n yi ɛsù kɩ nɛ dɔ́ yi le: “E bú ɔwrɔnẅì Ẅì ankà ɛ tán ankaẅìɛ?”

Ɔkɔ̀hɔ̀n-wá-bɔ̀ kɔ̀hɔ̀n hán 9:20

Nɛ̀n bukru kpatakpata lɔ nɛ dɔ́ Ɔwɔ ankà Ɔwɔ-sɛ́n-wɔn hɔ̀n lɔ mɛ̀n kɩ nɛ dɔ̀ le Zhezü dú Ɔwɔ Ẅì.

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

1 Tesalonikɛ̀n anmàn-bɔ̀ 3:5

Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.

Ebre-bɔ̀ 12:16

Ɔwrɔn zriɛmɛ́n ny'ɛmɛ̀n lɔ ke bɩ́ ẅɛn eci-hán gbàngbàn ankàtro, ɔwrɔn zriɛmɛ́n ke bɩ́ ẅɛn egbrì ɛci prɔnprɔn hɔ̀n wú, hán Ezàhü léyi ɛcizî zri kruhú hɛ́ n'ecüìcüì-dì lɔ nɔn.

Ebre-bɔ̀ 4:14

Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn.

Ebre-bɔ̀ 7:3

Ye sɩ̀ nyrì nɛ́n zi, nɛ́n muan, nɛ́n nancüì zriɛmɛ́n; Ɛyri zriɛmɛ́n ye sɩ́ dɔ́ n'ebî mán n'owú ankà. Nɛ́n dù nɛ̀n cá Ɔwɔ Ẅì: nɛ̀n dú Ɔwɔ cice-wrɔn ɛnvra lɔ fɛn mɛ̀n.

1 Zhan 3:8

Ɔwrɔn léyi ke dú ɛgbàn-hán mɛ̀n nɔn, nɛ̀n dú anwawrɔn tɛn, ɔmuhi anwawrɔn hán ɛgbàn ɛnkrubɔmɛ̀n hàn hɛ́n nɔn. Ɔwɔ Ẅì srɔ ndɔ lɔ kruhú, ô kɛ̀ jrɛ́ anwawrɔn kɔrɛ̀-ci hɔ̀n lɔ.

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.