Matie 4:10 - Ɛmɛẅi ankà ankrànkràn 2003

¹⁰ Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Matie 4:10 Iomraidhean Croise

Matie 16:23

Tɛ́n Zhezü crɛ̀ kɩ kɛ dɔ́ Piɛrɛ̀n le: “Sɔ́n hɔ̀n ɛmɛẅi esù she m'ɛtɛ̀sɛ̀n, Anwa-wrɔn! È dú eci léyi dabra dɛ́ mɛ̀n ɛnlevri wanziɛ nɔn, ɔmuhi è sɩ̀ ẅɛ̀n Ɔwɔ ankà-tro nɔn, tɛ́n anwrɔnẅì ankà-tro de ɛ ẅɛ̀n nɔn.”

Markɛ̀n 1:13

Zhezü yɛ́ ɛnnùwì ɛbi ɛkoẅi-anhyrɛ̀ kɩ anwa-wrɔn wɔɛ́n nɛ̀n nyan. Nɛ̀n dú ovomɛ̀n nɔ̀n wanzi kɩ Ɔwɔ-kùyüre-bɔ̀ kɛ wá nɛ̀n esùva.

Lükɛ̀n 10:18

Kɩ Zhezü kɛ dɔ́ yɔ le: “Mɛ̀n kán anwa-wrɔn dú anhobɩ́ bore hán anhobɩ́ léyi kɛ kɛ́n ɛnhyà nɔn hɔ́.

Lükɛ̀n 11:18

Ke dú kɛ anwa-wrɔn kɛ kɔ́n n'edomɛ̀n anhà hô, anhɔntan de n'ɛnnɛ̀ncüì yri-ẅɛ̀n lɔ kɛ lɛ hán kɛ̀ nyɔn ɛwúɛ nɛ́n? Nyɛ dɔ̀ le Bɛlzebülɛ̀n de kɛ tán mɛ̀n ɛkɔrɛ̀-srɔn mɛ wrɔ́ anhɛ́n gbangbàn hɔ̀n nɔn.

Lükɛ̀n 13:16

Kɩ ɛnnyɔnwrɔn ndɔ léyi, dú Abrahamɛ̀n mɛẅi wrɔn, hɩ anwa-wrɔn kɔra hɛ́n ɛnnanwàn kru ɛvà eẅirì nɔn, kè sɩ̀ zrɔ tán le, yɛ kɔrɛ nɛ̀n ɛnyanmán-bì lɔa?”

Lükɛ̀n 22:3

Zɛtɛn, anwa-wrɔn bru Zhüda léyi ye bi Iskariɔtɛ̀n nɔn ɛnbɔrɛ mɛ̀n, nɛ́n léyi nɛ̀n dú Zhezü sɛnkɛn-bɔ̀ lɔ ɔtɔn nɔn.

Lükɛ̀n 22:31

“Simɔn, Simɔn! E die nukùɛ: anwa-wrɔn sán, ô yɛ jɔ̀kɔ nyɛ̀n kɛ hán ɔmu le yɛ kua saka-ẅì yɛ jrɔ́ ɛci ɛmɛ̀n nɔn.

Lükɛ̀n 4:8

Zhezü kɛ dɔ́ nɛ̀n: “Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ zri kɩ ankɔrɛ̀ ezìwúɛ, ô ɛ̀ hán nɛ́n zri kɩ n'ɔkɔrɛ̀-zì-ci.’ ”

Zhan 13:27

Ɛnvra lɔ tɛ̀ léyi, Zhüda bɩ́ abùtùkumɛ́n buri lɔ nɔn, anwa-wrɔn bru nɛ̀n ɛnborɛmɛ̀n. Zhezü kɛ dɔ́ nɛ̀n le: “Eci léyi ke ji le ɛ̀ hán nɔn, ɛ̀ hán nɛ̀n kprakpra!”

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 5:3

Zɛtɛn Piɛrɛ̀n kɛ dɔ́ nɛ̀n le: “Ananiasɛ̀n, cɛci kruhú kɛ anwa-wrɔn cɔ́ ɛyri di v'ɛnbɔrɛ lɔ ɛkɔrɛ̀ ɛwúɛ? Ɛ̀ ẅɛn ɔyɔ̀n ɛ̀ tán Ɛhɛ́n Prɔnprɔn kɩ ɛkɛ̀tɛ̀ kùa lɔ è bɩ́ ɛcá ɛ̀ hɛ́n.

1 Korɛntɛ̀n anmàn-bɔ̀ 5:5

zɛtɛn, ke ji le nyɛ́n bɩ́ ɔwrɔn ndɔ lɔ nyɛ́n tán anwa-wrɔn, ô n'ɛgbàn dùwrú lɔ kɛ̀ jrɛ́, tɛ́n ke ji le n'ɛnhɛ́n kɛ̀ cɔ́ ebɩ̀die Ɛẅɛnwrɔn bì lɔ.

1 Korɛntɛ̀n anmàn-bɔ̀ 7:5

Nyɛ́n bɩ́ krɔ ny'edomɛ̀n ny'ɔbɔ̀sɔ̀ lɔ mɛ̀n ke dú kɛ kè sɩ̀ dù ɔmùan-krɔn zriemɛ̀n, ô nyɛ́n dú Ɔwɔ sɛ́n mɛ̀n ɛnvra cá mɛ̀n; tɛ́n ɛnvra lɔ kɛ vácì hô, nyɛ́n vru nyɛ́n bɔ̀sɔ ny'edomɛ̀n, kè sɩ̀ dù ɔmu lɔ hô, nyɛ́n sɩ̀ ẅɛn ny'edomɛ̀n nyɛ́n hɛ́n rɔ́, kɩ nye le bru Anwa-wrɔn wɔ̀ɛn-nyan lɔ mɛ̀n.

2 Korɛntɛ̀n anmàn-bɔ̀ 11:14

Ɛnu lɔ anvɛmɛ̀n-frɛ́n-ci zriɛmɛ́n bàdà nɛ̀n ɛmɛ̀n, ɔmuhi Anwa-wrɔn dùku mán kɛ srɔ n'edòmɛ̀n ɛyri-kán Wɔ-kùyüre-wrɔn nɔn.

2 Korɛntɛ̀n anmàn-bɔ̀ 12:7

Tɛ́n, ô tùtre ke bɩ́ yí mɛ̀n edomɛ̀n ankà-bán-ankà-yé léyi mɛ́n cɔ̀ nɔn wú, yɛ tán mɛ̀n ɛgbànkàn vri m'edùwrú-ẅia mɛ̀n hán le Anwa-wrɔn mɛẅi ankà-dɔ́-wrɔn tɔ̀n léyi yɛ wá tán ke gorɛ mɛ̀n, ô ke bɩ́ tán mɛ̀n tùtre ci-hán.

2 Korɛntɛ̀n anmàn-bɔ̀ 2:11

ô bɔ́ bí teze Anwa-wrɔn kɔrɛ̀ kɛ dɛ́ bɔ̀ ɛwúɛ; annanwɔrɛ mɛ̀n lɔ, bɔ̀ nyri n'ankà-tro hɔ̀n lɔ fɛn.

Zhakɛ̀n 4:7

Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n kɛ́n anwa-wrɔn ezì, kɩ nɛ lɛ srɛ́ cɔhɔ́ esùshe ny'ɛtɛ̀sɛ̀n.

1 Piɛrɛ̀n 5:9

Nyɛ́n kɛ́n nɛ̀n ezi ny'ankaẅìbùtan ẅɛ̀n hɛ́n ɛshishiemɛ̀n. Ke bru nyɛ̀n le, nyɛ́n muan-ẅì hɔ̀n léyi dú ɛnhibù mumù lɔ wú nɔn, ci ɛgbànkàn zri hɔ̀n lɔ mɛ̀n.