Matie 3:9 - Ɛmɛẅi ankà ankrànkràn 2003

⁹ kɩ nyɛ́n bɩ́ tro le: ‘Abrahamɛ̀n dú nyɛ́n nancüì.’ Ɔmuhi mɛ dɔ́ nyɛ̀n le, Ɔwɔ kɛ cüɛ̀n hô, ne le bɩ́ ɛbù ẅì ndɔ hɔ̀n lɔ, nɛ̀n srɔ Abrahamɛ̀n nɛ́n nan-ẅì hɔ̀n!

Matie 3:9 Iomraidhean Croise

Markɛ̀n 7:21

Ɔmuhi ɛnbɔrɛmɛ̀n de, ankà-tro gbàngbàn hɔ̀n lɔ fɛn ke dù kɛ và kɛ wá tán, ye yerɛ ɛci, ye wri ɔwrɔn,

Lükɛ̀n 12:17

Ne tro ankà kɩ nɛ dɔ́ n'edomɛ̀n le: ‘Ecitan de ke ji le mɛ̀n hán nɛ́n? Mɛ̀n sɩ̀ ẅɛ̀n ɛyri hɩ m'á hɛ́n m'ɛci-kuɛ-ci hɔ̀n lɔ fɛn nɔn.’

Lükɛ̀n 16:24

Zɛtɛn ɛnnɛ̀ncüì lɔ ke di bobo kɛ dɔ̀ le: ‘Dade Abrahamɛ̀n, è nyri mɛ̀n ɛnhyɔ̀bɔ̀; ô ɛ̀ wá Lazarɛ̀n ɔkɔhɔ̀n kè bɩ́ ɛnshì antieẅì mùan kɛ̀ và di mɛ̀n ɔwɔɛ̀n wú, ɔmuhi mɛ kán ɛgbàn bobrebe ɛnhyà ndɔ lɔ mɛ̀n nɔn.’

Lükɛ̀n 19:40

Zhezü mrɛ́n ɔmùan le: “Mɛ dɔ́ nyɛ̀n le, ke dú kɛ yɔ kɛ́n ɔmùan yɛ hɛ́n hô, ɛbù hɔ̀n ke le di bobo.”

Lükɛ̀n 3:8

Nyɛ́n hán eci ke yé tán le, nyɛ́n crɔn ny'edomɛ̀n, ô nyɛ́n bɩ́ dɔ́ ny'edomɛ̀n le: ‘Abrahamɛ̀n dú bɔ́ nancüì.’ Ɔmuhi mɛ dɔ́ nyɛ̀n le Ɔwɔ ke le bɩ́ ɛbù ndɔ hɔ̀n lɔ kɛ̀ srɔ Abrahamɛ̀n nɛ́n-nán-ẅì hɔ̀n tɛ̀!

Lükɛ̀n 5:22

Zhezü cɔ́ y'ankà tro lɔ nyrì kɩ kɛ dɔ́ yɔ le: “Cɛci kruhú kɛ nyɛ ẅɛn ankà tro ndɔ hɔ̀n lɔa?

Lükɛ̀n 7:39

Ɛnvra léyi Ɔwɔ-nyanmàn-súva-wá-wrɔn léyi, bi Zhezü ɛci, kán eci léyi wɔɛ̀n nɔn, nɛ dɔ́ n'edomɛ̀n le: “Ke dú kɛ ɔwrɔn ndɔ lɔ kè dú Ɔwɔ-mùanwú-ankà-dɔ́-wrɔn annànwɔrɛ dùku hô, ne le nyri eci léyi dú ɛnnyɔnwrɔn ndɔ léyi kɛ tɛ́ nɛ̀n ɛkɔrɛ̀ nɔn: ebɩ́dì-gbangbàn nyɔnwrɔn tɔ̀n.”

Zhan 8:33

Yɔ mrɛ́n nɛ̀n ɔmùan le: “Bɔ́ dú Abrahamɛ̀n mɛẅi bɔ̀, kɩ bɔ́ vá dú ɔwrɔn wɔ̀n-wrɔn ɛnbì zriɛmɛ́n. Anhɔntan de ɛ lɛ dɔ́ bɔ̀ tɛ̀ le: ‘Nyɛ lɛ srɔ anwrɔn kɔra hɔ̀n nɛ́n’?”

Zhan 8:37

Mɛ̀n nyri ɔmu le nyɛ́n dú Abrahamɛ̀n mɛẅi-bɔ̀. Tɛ́n nye ji nyɛ́n wri mɛ̀n, ɔmuhi nyɛ́n sɩ́ ji nyɛ́n bɩ́ m'ankà-yé lɔ nɔn.

Zhan 8:53

Abrahamɛ̀n bɔ́ zí nwù: e tro le, è sevri ɛ̀ vrán nɛ́n? Ɔwɔ-mùanwú-ankà-dɔ́-bɔ̀ mán nwù. Ecitan e bú v'edomɛ̀n ɛ hán?”

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:14

Simɔn dɔ́ ɔmu le, ɛnkrubɔmɛ̀n lɔ, Ɔwɔ wá anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn esùvá, ô nɛ̀n mrɛ́n y'ɛmɛ̀n lɔ, fɛcüè tɔ̀n léyi ke le dú nɛ tɛn nɔn nɛ̀n bɩ.

Rɔmɛ̀n-anmàn-bɔ̀ 4:1

Abrahamɛ̀n léyi dú bɔ́ nancüì nɔn, ankà tán de bɔ́ lɛ ẅɛ̀n bɔ̀ dɔ́ n'ɛwú nɛ́n? Ɔwrɔnẅì léyi dú nɛ̀n nɔn, ecitan de nɛ́n cɔ̀ nɛ́n?