Matie 3:8 - Ɛmɛẅi ankà ankrànkràn 2003

⁸ Nyɛ́n hán eci ke yé le nyɛ́n crɔn ɛnkruɛ,

Matie 3:8 Iomraidhean Croise

Matie 21:32

Ɔmuhi Zhan Batisì vá nyɛ̀n ɛnlevri ankrànkràn yé yri, kɩ nyɛ́n sɩ̀ bù n'ankà nyɛ́n tàn ankàẅì; tɛ́n anmàn-wɔɛ̀n-yrɛ-bɔ̀ mán woẅie-wúyɔ̀ bú n'ankà tán ankàẅì. Kɩ ɛnvra léyi nyɛ́n kán eci ndɔ lɔ nɔn, nyɛ́n sɩ̀ crɔ̀n ny'ɛnbɔrɛ lɔ, ô nyɛ́n bù n'ankà nyɛ́n tàn ankàẅì.”

Lükɛ̀n 3:8

Nyɛ́n hán eci ke yé tán le, nyɛ́n crɔn ny'edomɛ̀n, ô nyɛ́n bɩ́ dɔ́ ny'edomɛ̀n le: ‘Abrahamɛ̀n dú bɔ́ nancüì.’ Ɔmuhi mɛ dɔ́ nyɛ̀n le Ɔwɔ ke le bɩ́ ɛbù ndɔ hɔ̀n lɔ kɛ̀ srɔ Abrahamɛ̀n nɛ́n-nán-ẅì hɔ̀n tɛ̀!

Ɔkɔ̀hɔ̀n-wá-bɔ̀ kɔ̀hɔ̀n hán 26:20

Tɛ́n mɛ̀n bukru mɛ̀n dɔ́ Damasɛ̀n mán Zherüzalɛmɛ̀n anmàn-bɔ̀ Ɔwɔ ankà, zɛtɛn kɛ́n yɔ hɔ̀n léyi dú Zhüde kpɔsɔ wú mán ɛnhibù anmàn wú nyantɛn mɛ̀n bɔ̀; mɛ̀n bi yɔ, ô yɔ crɔn yɔ eci-hán-ci, yɔ crɛ ezì yɔ kɛ́n Ɔwɔ, ô yɔ yé tán y'eci-hán mɛ̀n le, annanwɔrɛ mɛ̀n lɔ, yɔ crɔn ɛnkruɛ.

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Efɛzɛ̀n anmàn-bɔ̀ 5:9

ɔmuhi, ɛyri-kàn kɛ shi ɛzrɔ mɛ̀ntɛ mɛ̀ntɛ, esùnan anvrɛnvrɛn mán annanwɔrɛ nɔn.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.