Matie 3:7 - Ɛmɛẅi ankà ankrànkràn 2003

⁷ Ɛnvra léyi Zhan kán ɔmu le Ɔwɔ-nyànmàn-sùva-wá-bɔ̀ mán anwrɔn léyi ke sɩ́ bú owúemɛ̀n-dù-frɔ́ ankà kɛ tán ankàẅì, yɔ, anwrɔn bobrebe ndɔ hɔ̀n lɔ, yɔ vá cɔ́ nɛ̀n ô nɛ̀n wá yɔ ɛnshi ɛnkru, kɩ nɛ dɔ́ yɔ le: “Ɛnlɛbrì mɛ̀n mɛ̀n-bɔ̀! Antɔn de dɔ́ nyɛ̀n le, Ɔwɔ mrɛ̀ncì léyi kɛ́n eburi nɔn kɛ lɛ vɔ́n nyɛ̀n ɛwú nɛ́n?

Matie 3:7 Iomraidhean Croise

Matie 12:24

Tɛ́n ɛnvra léyi Ɔwɔ-nyànmàn-sùva-wá-bɔ̀ yá yɔ ɔmùan nɔn, yɔ dɔ̀ le: “Ɔwrɔn ndɔ lɔ kɛ wrɔ́ anhɛ́n gbàngbàn ɔmuhi ‘Bɛlzebülɛ̀n’ léyi dú y'ɔwrɔn cüìcüì nɔn kɛ tán nɛ̀n ɛkɔrɛ̀srɔn!”

Matie 12:34

Ɛnlɛbrì mɛ̀n bɔ̀! Anhɔntan de nyɛ lɛ hán nyɛ́n dɔ́ ankà ankrànkràn tɛ́n nyɛ́n dú anwrɔn gbàngbàn hɔ̀n nɛ́n? Ɔmuhi ɔmùan kɛ dɔ́ ankà hɔ̀n léyi nhyì dú ɛnbɔrɛ mɛ̀n nɔn.

Matie 15:12

Zɛtɛn Zhezü sɛ̀nkɛn-bɔ̀ lɔ sɔnba nɛ̀n ɛtɛ̀sɛ̀n kɩ kɛ dɔ́ nɛ̀n le: “E nyrì le ankà léyi ɛ dɔ̀ nɔn dú Ɔwɔ-nyànmàn-sùva-wá-bɔ̀ ɛmɛ̀nhyí ankà hà?”

Matie 16:1

Ɔwɔ-nyànmàn-sùva-wá-bɔ̀ mán anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn sɔnba Zhezü ɛtɛ̀sɛ̀n ô kɛ̀ krɔn nɛ̀n antanwrɔn. Yɔ dɔ́ nɛ̀n, nɛ̀n hán anvɛmɛ̀n-frɛ́n-ci tɔ̀n nɛ̀n tán yɔ, yɔ kàn, ô kè yé tán le n'ɛkɔrɛsrɔn dú Ɔwɔ yri và.

Matie 16:6

Zɛtɛn Zhezü kɛ dɔ́ yɔ le: “Nyɛ́n wá esùva, Ɔwɔ-nyànmàn-sùva-wá-bɔ̀ mán anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn, y'eci-fɔ́-ci tɛ̀sɛ̀n.”

Matie 22:15

Ɔwɔ-nyànmàn-sùva-wá-bɔ̀ krɔn ɔmùan, ô yɔ nyri ɔmu le yɔ lɛ hán, yɔ krɔn Zhezü antanwrɔn ankà-yrɛ mɛ̀n, ô yɔ ẅɛn nɛ̀n nɔn.

Matie 22:23

Ɛnbì zri lɔ anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn vá Zhezü ɛtɛ̀sɛ̀n. Yɔ dú ɔwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn. Nyàn ɔmu le

Matie 22:34

Ɛnvra léyi ɛnyànmàn-sùva-wá-bɔ̀ yá le Zhezü dɔ́ ankà kɛ́n anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì ɔmùan hɛ́n nɔn, yɔ borɛ y'edomɛ̀n ɛkru.

Matie 23:33

Ɛnlɛbrì, andà-di-lɛ̀brì fɛcüè! Anhɔntan nyɛ hán tro, ô nyɛ́n bɩ́ cɔ́ ɛnhyà mɛ̀n gbàn-wɔɛ̀n-dì lɔ nɛ́n?

Matie 5:20

Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n sɩ̀ hàn eci léyi Ɔwɔ ke ji, kɛ̀ vràn ɛnyànmàn-gbànvri-ankà-yé-bɔ̀ mán Ɔwɔ-nyànmàn-sùva-wá-bɔ̀ hô, nyɛ́n sɩ̀ bru Anhobɩ́-Nɛ̀ncüì-dúyri rɔ́.”

Markɛ̀n 12:13

Herɔdɛ̀n tɛ̀sɛ̀n bɔ̀ wá ɛnyànmàn-gbànvri-ankà-yé-bɔ̀ ɔkɔ̀hɔ̀n kɛ̀ hɔ̀n wɔɛ́n Zhezü kɛ̀ nyan.

Markɛ̀n 12:18

Anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì nɔn vá cɔ́ Zhezü ô kè yrɛ nɛ̀n ankà. (Yɔ de yɔ dɔ̀ le ɔwú-bɔ̀ ke sɩ̀ vru vá ɛkɔrɛ-bɔ̀ mɛ̀n hán.) Kɩ nyàn ɔmu le yɔ yrɛ nɛ̀n ankà nɔn:

Markɛ̀n 8:15

Zɛtɛn Zhezü kɛ dɔ́ yɔ esùva wá ankà ndɔ lɔ: “Nyɛ́n wá ny'edomɛ̀n esùva, Ɔwɔ-nyànmàn-sùva-wá-bɔ̀ mán Herɔdɛ̀n ‘ci-fɔ́-ci’ tɛ̀sɛ̀n.”

Lükɛ̀n 16:14

Ɔwɔ-nyanmàn-sùva-wá-bɔ̀ kɛ yá ankà ndɔ hɔ̀n léyi Zhezü kɛ dɔ̀ nɔn, kɩ yɔ hán nɛ̀n ɛnhyürɛ̀, ɔmuhi yɔ cüɛ́n ɔkùa nɔn.

Lükɛ̀n 18:11

Ɔwɔ-nyanmàn-sùva-wá-wrɔn lɔ nyɔn ɔhɔnán, kɩ kɛ sɛ́n Ɔwɔ kɛ dɔ̀ le: ‘Ô Ɔwɔ, mɛ tán mɛ́n ɔkuɛ̀n, ɔmuhi mɛ̀n sɩ̀ dù kɛ̀ hàn anwrɔn ndɔ hɔ̀n léyi dú ɛci-yerɛ-bɔ̀, ɛci-gbangbàn-hán-bɔ̀ mán wúcɔ̀-hi-bi-bɔ̀; mɛ tán mɛ́n ɔkuɛ̀n, ɔmuhi mɛ̀n sɩ̀ dù kɛ̀ hàn anmàn-wɔɛ̀n-yrɛ-wrɔn ndɔ lɔ nɔn.

Lükɛ̀n 7:30

Tɛ́n Ɔwɔ-nyanmàn-sùva-wá-bɔ̀ mán ɛnyanmàn-gbànvri-ankà-yé-bɔ̀, krɔ ke sɩ̀ bɩ̀ eci léyi Ɔwɔ ke ji kɛ tán yɔ nɔn, kɩ ye sɩ̀ shrì tán Zhan kɛ wá yɔ ɛnshi ɛnkru.”

Zhan 1:24

Anwrɔn hɔ̀n léyi yɔ wá ɔkɔhɔ̀n Zhan yri nɔn, Ɔwɔ-nyanmàn-sùva-wá-bɔ̀ dú yɔ ɛmɛ̀n,

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Zhan 9:40

Ɔwɔ-nyanmàn-sùva-wá-bɔ̀ janbɔ̀ léyi nyɔn nɛ̀n ɛtɛsɛ̀n nɔn, yá ankà hɔ̀n léyi nɛ́n dɔ̀ nɔn kɩ kɛ yrɛ nɛ̀n le: “Bɔ́ mán bɔ́ dú anvɛ̀-bɔyɛ-bɔ̀a?”

Ɔkɔ̀hɔ̀n-wá-bɔ̀ kɔ̀hɔ̀n hán 15:5

Tɛ́n Ɔwɔ-nyanmàn-sùva-wá-bɔ̀ jan léyi srɔ ankaẅì-bùtan-ẅɛn-bɔ̀ nɔn, bɩ́ ankà kɩ kɛ dɔ̀ le: “Ke ji le ankaẅì-bùtan-ẅɛn-bɔ̀ léyi kè sɩ̀ dù Zhüifɛ̀n-bɔ̀ nɔn, kè wí wúcɔ̀-domɛ̀n, ô yɔ wá Mohizì nyanmàn lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 20:31

Nyɛ́n kpri ɛvɛ̀, ô kè bru nyɛ̀n le, ɛnnànwàn kru anhɔ̀n, ɛnnyran mán ɛcɛ̀n, de mɛ̀n dú nyɛ̀n ankà krosi mɛ̀n, m'anvɛ-shi cüe mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 26:5

Yɔ nyri mɛ̀n ɛnvra sheshe, kɩ hɩ wú lɔ, yɔ le di mɛ̀n dalɛfuɛ ke dú kɛ yɔ ji, le mɛ̀n dú bɔ́ fɛcüè Wɔ-wɔn lɔ, ɔwrɔn léyi kɛ ẅɛn n'ankà ɛshieshiemɛ̀n, Ɔwɔ-nyànmàn-sùva-wá-bɔ̀ hɔ̀n mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:17

Zɛtɛn Ɔwɔ-cice-wrɔn cüìcüì mán anwrɔn hɔ̀n léyi dú nɛ̀n ɛtɛ̀sɛ̀n, hɩ dú y'ɛmɛ̀n bɔ̀ ke sɩ́ bú owúemɛ̀n-dùfrɔ́ ankà kɛ tán ankaẅì nɔn, ẅɛn ecüì-hi-kɔ̀n ɔkɔ̀hɔ̀n-wá-bɔ̀ tɛ̀sɛ̀n; yɔ wá le yɔ hán eci.

Rɔmɛ̀n-anmàn-bɔ̀ 1:18

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Rɔmɛ̀n-anmàn-bɔ̀ 5:9

N'owù gbànkàn cice lɔ mɛ̀n, zɛtɛ̀ lɔ bɔ̀ srɔ ɛnyrɔnnan-bɔ̀ Ɔwɔ zìwú; annànwɔrɛ mɛ̀n lɔ, ke dú kɛ Ɔwɔ ke bɩ́ ɛmɛ̀nhyì mán, ne le bɩ́ bɔ̀ tɛ̀ nɛ̀n die.

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

Ebre-bɔ̀ 11:7

Ankàẅìbùtan de tán Noé ɛkɔrɛ̀levri die Ɔwɔ ankà-bi-dɔ̀ nukù eci léyi kɛ lɛ wɔ̀ɛn, hɩ yɛ vá kàn nɔn. Nɛ̀n ẅɛn Ɔwɔ sɛ́ kɩ nɛ̀n ku ebɩdie-hɛ̀ vri tɔ̀n léyi nɛ́n mán n'ɛmɛ̀n mɛ̀n-bɔ̀ mɛhi yɔ cɔ́ ɛkɔrɛ̀ ɛmɛ̀n nɔn. Ɔmu lɔ de n'ankaẅìbùtan-ẅɛ̀n kruhú lɔ nɛ̀n bó ɛnhibù nwù kɩ nɛ̀n cɔ́ ɛnyrɔnnan Ɔwɔ zìwú.

Ebre-bɔ̀ 6:18

Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn.

1 Zhan 3:10

Nyàn eci léyi kɛ hán ye nyri Ɔwɔ ẅì hɔ̀n mán anwawrɔn ẅì hɔ̀n nɔn: ɔwrɔn totɔtɔ̀n léyi ke sɩ́ hán eci léyi nyrɔn nɔn, hɩ ke sɩ́ cüɛn nɛ́n muan-ẅì nɔn, nɛ̀n sɩ̀ dù Ɔwɔ ẅì.