Matie 3:6 - Ɛmɛẅi ankà ankrànkràn 2003

⁶ Yɔ krɛ́ y'ɛgbàn anwrɔn lɔ fɛn zìwú kɩ Zhan kɛ wá yɔ ɛnshi ɛnkru Zhurdɛn shi lɔ mɛ̀n.

Matie 3:6 Iomraidhean Croise

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

Markɛ̀n 1:5

Kɩ Zhüde kpɔsɔ wú mán Zherüzalɛmɛ̀n anmàn bɔ̀ kɛ vá cɔ́ nɛ̀n; yɔ krɛ́ yɔ ɛgbàn anwrɔn lɔ fɛn zìwú, kɩ Zhan kɛ wá yɔ ɛnshi ɛnkru Zhurdɛn màncüè lɔ mɛ̀n.

Lükɛ̀n 1:16

Ne le bɩ́ Izraɛlɛ̀n ẅì hɔ̀n bobrebe nɛ lɛ và sɩ́ Ɛẅɛnwrɔn y'Ɔwɔ.

Lükɛ̀n 3:16

Kɩ Zhan kɛ dɔ́ anwrɔn lɔ fɛn le: “Mɛ tɛn ɛnshi de me bɩ mɛ wá nyɛ̀n ɛnkru nɔn, tɛ́n ɔwrɔn tɔ̀n ɛkɔrɛ̀ srɔn vrán mɛ̀n, nɛ lɛ và: mɛ̀n sɩ̀ zeze mɛ̀n zrɔa hɩ m'a gbrɔ n'annanru hɛ́ lɔ nɔn. Nɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n, mán ɛnhyà mɛ̀n mɛhi.

Ɔkɔ̀hɔ̀n-wá-bɔ̀ kɔ̀hɔ̀n hán 1:5

Ɔmuhi Zhan bɩ́ ɛnshi wá anwrɔn ɛnkru nɔn, tɛ́n nyɛ tɛn, ɛnvra bruemɛ̀n, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 11:16

Zɛtɛn ankà léyi Ɛẅɛnwrɔn dɔ̀ nɔn, bru mɛ̀n: ‘Zhan bɩ́ ɛnshi wá anwrɔn ɛnkru, tɛ́n nyɛ tɛn, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 19:18

Anwrɔn hɔ̀n léyi srɔ ankaẅì-bùtan-ẅɛn-bɔ̀ nɔn, bobrebe kɛ và kɩ kɛ krɛ́ ɔmùan-ɛwú-sɩ̀emɛ̀n eci gbangbàn léyi yɔ hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:16

Kɩ zɛtɛ̀ lɔ, cɛci kruhú kɛ è vru ɛ vrá? Tɔhú, è bɩ́ n'ebɩ lɔ, ɛ lɛ cɔ́ ɛnshi-kruwá, kɩ v'ɛgbàn hɔ̀n lɔ ke le juru sɔhɔ́ mɛ́n edomɛ̀n.’ ”

1 Korɛntɛ̀n anmàn-bɔ̀ 10:2

Ɛnwì-bgú mɛ̀n mán ecüe mɛ̀n, yɔ lɛ fɛn yɔ dú ɔbɔ̀sɔ̀ shikru-wá mɛ̀n yɔ mán Mohizì mɛhi.

Kɔlɔsèn anmàn-bɔ̀ 2:12

Annanwɔrɛ mɛ̀n lɔ, ɛnvra léyi yɛ wá nyɛ̀n ɛnshi ɛnkru, nyɛ́n mán Krisì mɛhi yɛ wá nyɛ̀n ezhe-nànmàn mɛ̀n, kɩ nyɛ́n mán nɛ́n mɛhi nyɛ́n dú owúemɛ̀n nyɛ́n frɔ́, ɔmuhi nyɛ́n bú Ɔwɔ kɔrɛ̀-srɔn léyi bɩ́ nɛ̀n sɩ́ ɔkɔrɛ-bɔ̀ mɛ̀n nɔn ankà nyɛ́n tán ankaẅì nɔn.

Ebre-bɔ̀ 6:2

bɔ́ bɩ́ ankà-yé léyi dú ɛnshi-kruwá mán ankɔrɛ̀-ɛwú-dì ci-hán lɔ mɛ̀n, owúemɛ̀n-dùfrɔ́ mán ɛmrɛ̀ncì léyi ke sɩ́ trɔa nɔn n'ankà-dɔ̀.

Ebre-bɔ̀ 9:10

Ndɔ lɔ fɛn dú edùwrú-ẅiamɛ̀n nyànmàn léyi dú ɛcizî, ɛntàn-mì mán edomɛ̀n fì ci-hán mɛ̀ntɛ mɛ̀ntɛ. Ndɔ lɔ dú eci-hán nyànmàn hɔ̀n léyi ẅɛn vɔ̀nshɛ́ hàn mán cɔ́ ɛnvra léyi Ɔwɔ crɔn eci lɔ fɛn nɔn.

Zhakɛ̀n 5:16

Nyɛ́n krɛ́ ny'ɛgbàn nyɛ́n tán ny'edomɛ̀n, ô nyɛ́n sɛ̀n nyɛ́n tán ny'edomɛ̀n ô nyɛ́n cɔ́ ɔkɔrɛ̀. Ɛnyrɔnnan-wrɔn wɔ-sɛ̀n ẅɛn vɔnshɛ́ vri.

1 Piɛrɛ̀n 3:21

Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,

1 Zhan 1:9

Tɛ́n ke dú kɛ bɔ́ krɛ́ bɔ́ ɛgbàn hɔ̀n lɔ, bɔ́ lɛ ẅɛn esɛ́ Ɔwɔ mɛ̀n tɛ̀, ɔmuhi nɛ̀n dú ɛnnyrɔnnan-wrɔn nɔn: ne le ce bɔ̀ bɔ́ ɛgbàn hɔ̀n lɔ kɩ ne le jru bɔ̀ ɛgbàn lɔ fɛn edomɛ̀n.