Matie 26:5 - Ɛmɛẅi ankà ankrànkràn 2003

⁵ Yɔ dɔ̀ le: “Ke sɩ́ ji le bɔ̀ ẅɛn nɛ̀n ɔkoran bì lɔ, ke dú ɔmu lɔ hô, fɛcüè ke le sɩ́ n'edomɛ̀n ɛwú.”

Matie 26:5 Iomraidhean Croise

Matie 14:5

Herɔdɛ̀n ke ji Zhan ewri-yri, tɛ́n ne sú Zhüifɛ̀n-bɔ̀ fɛcüè, ɔmuhi yɔ krɛ́ Zhan Ɔwɔ-mùanwú-ankà-dɔ́-wrɔn tɔ̀n nɔn.

Matie 21:26

Tɛ́n, ke dú kɛ bɔ́ dɔ̀ le: ‘Anwrɔnẅì de wá nɛ̀n ɔkɔ̀hɔ̀n nɔn’, ke ji le bɔ̀ ẅɛn fɛcüè sù, ɔmuhi yɔ lɔ fɛn yɔ tro le Zhan dú Ɔwɔ-mùanwú-ankà-dɔ́-wrɔn tɔ̀n nɔn.”

Matie 27:24

Ɛnvra léyi Pilatɛ̀n kán ɔmu le nɛ́n sɩ̀ hán eci zriɛmɛ́n rɔ́ nɔn, tɛ́n bobo-dì lɔ kɛ sán kɛ́n ɛwú, nɛ̀n bɩ́ ɛnshi nɛ̀n juru ankɔ̀rɛ̀ fɛcüè zìwú kɩ nɛ dɔ̀ le: “Ɔwrɔn ndɔ lɔ mɛ̀n sɩ̀ dù n'owú-ankà lɔ mɛ̀n! Ny'ankà dú hɩ lɔ!”

Markɛ̀n 14:12

Ɛnbì zri bì léyi yɛ nyanmán abùtùkumɛ́n-kɔ́, hɩ ye wri kɔ̀kɔ̀sɛ̀ ẅì hɔ̀n yɛ gbrɛ́ Ɛẅɛnwrɔn-bemɛ̀n-cì ci-zî nɔn, Zhezü sɛ̀nkɛn-bɔ̀ ke yrɛ nɛ̀n le: “Tɛyri de e ji le bɔ̀ hɔ̀n bɔ̀ gbrɛ́ Ɛẅɛnwrɔn-bemɛ̀n-cì ci-zî lɔ nɛ́n?”

Markɛ̀n 14:2

Yɔ dɔ́ y'edomɛ̀n le: “Ke sɩ́ ji le bɔ̀ ẅɛn nɛ̀n ɛnyànmánbì vra lɔ, ke dú kɛ bɔ́ hán ɔmu lɔ hô, fɛcüè ke le sɩ́ n'edomɛ̀n ɛwú.”

Markɛ̀n 14:27

Zhezü kɛ dɔ́ n'ɛsɛ̀nkɛn-bɔ̀ le: “Nyɛ lɔ fɛn lɔ nyɛ lɛ srɛ́ nye le teze mɛ̀n; ɔmuhi Ɛwrú Prɔnprɔn hɔ̀n merɛ́n dɔ̀ le: ‘Mɛ lɛ wri kɔ̀kɔ̀sɛ̀ kua-wrɔn lɔ kɩ kɔ̀kɔ̀sɛ̀ hɔ̀n lɔ fɛn kɛ lɛ bonyì.’

Lükɛ̀n 20:6

Tɛ́n ke dú kɛ bɔ́ dɔ̀ le: ‘Anwrɔnẅì de wá nɛ̀n ɔkɔhɔ̀n nɔn hô,’ fɛcüè lɔ fɛn kɛ lɛ srɔan bɔ̀ ɛbù kè wri bɔ̀, ɔmuhi fɛcüè nyri ɔmu le, Zhan dú Ɔwɔ-mùanwú-ankà-dɔ́ wrɔn tɔ̀n nɔn.”

Lükɛ̀n 22:7

Ɛnbì lɔ cɔ̀, hɩ vra léyi yɛ koran abùtùkumɛ́n-kɔ́-nyanmán-bì lɔ nɔn, hɩ ye wri kɔ̀kɔ̀sɛ̀-ẅì hɔ̀n, yɛ gbrɛ́ Ɛẅɛnwrɔn-bemɛ̀n-cì ci-zî nɔn.

Zhan 18:28

Zɛtɛn yɔ dú Kahifɛ̀n nanvrɛn ye bɩ́ Zhezü yɔ hɔ́n Pilatɛ̀n léyi dú govran nɔn zìwú. Ye sɩ́ nɛ̀n ɔsɔwrɔ̀ futàn. Tɛ́n Zhüifɛ̀n-bɔ̀ cüìcüì hɔ̀n ke sì bru Pilatɛ̀n bɩ́ lɔ mɛ̀n, ɔmuhi yɔ sɩ́ ji yɔ dú ɛnbrá mɛ̀n yakɛ yɔ zî abutùkumɛ́n-kɔ́ nyanmán-bì ci-zî lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:29

Anmàn mumù lɔ sɩ́ n'edomɛ̀n ɛwú. Anwrɔn ẅɛn Gahiüsɛ̀n mán Aristarkɛ̀n, Maseduhanɛ̀n-anmàn-bɔ̀ anhyrɛ̀ léyi hɔ́n sɩ́ Pɔlɛ̀n nɛ̀nnyanmàn nɔn, kɩ yɔ lɔ fɛn yɔ ku ɔkɔran-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:38

È sɩ̀ dù Ezhiptɛ̀n-wrɔn ndɔ léyi ɛnvra buri tɔ̀n mɛ̀n wá ɛdrɛ̀ vri ɛyri, kɩ hán ɛdrɛ̀-hán-bɔ̀ tɛburi-kru anzɔ̀ hɔ́n ɛnnuẅì yɛ́ nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 4:28

Ɔmu lɔ de yɔ hán eci lɔ fɛn léyi, v'ɛkɔrɛ̀-srɔn mɛ̀n, è ji, kɩ ɛ gɔ̀ wá ɔmùan ɛ̀ hɛ́n nɔn.