Matie 24:3 - Ɛmɛẅi ankà ankrànkràn 2003

³ Zhezü yɛ́ ɛẅì-shi-tɛ̀ kɛ̀tɛ̀ léyi dú ɛnkpò cɛ tɔ̀n wú nɔn mɛ̀n. N'ɛsɛ̀nkɛn-bɔ̀ sɔnba nɛ̀n ɛtɛ̀sɛ̀n, zɛtɛn bi nɛ̀n ɔhɔnán kɩ ke yrɛ nɛ̀n le: “Ɛ dɔ́ bɔ̀ ɛnvra tán mɛ̀n de ɛci hɔ̀n lɔ kɛ lɛ hán, eci-woroan-ci tán de ke le yé v'ɛvà mán ɛnhibù trɔ vra lɔ.”

Matie 24:3 Iomraidhean Croise

Matie 13:36

Zɛtɛn Zhezü teze fɛcüè lɔ kɩ hɔ́n ɛbemɛ̀n. N'ɛsɛ̀nkɛn-bɔ̀ sɔnba nɛ̀n ɛtɛ̀sɛ̀n kɩ kɛ dɔ́ nɛ̀n le: “Ɛ̀ dɔ́ bɔ̀ ɛfi gbàngbàn léyi dú ɛkɛ̀tɛ̀ lɔ mɛ̀n nɔn, nɛ́n nyandrɛn mɛ̀n ankà-dɔ̀.”

Matie 13:49

Ɔmu lɔ de ke le dú ɛnhibù trɔ vra lɔ nɔn: Ɔwɔ-kùyüre-bɔ̀ kɛ lɛ và kɛ mrɛ́n anwrɔn gbàngbàn hɔ̀n kɛ̀ sɔhɔ́ ɛnyrɔnnan-bɔ̀ granmɛ̀n,

Matie 15:12

Zɛtɛn Zhezü sɛ̀nkɛn-bɔ̀ lɔ sɔnba nɛ̀n ɛtɛ̀sɛ̀n kɩ kɛ dɔ́ nɛ̀n le: “E nyrì le ankà léyi ɛ dɔ̀ nɔn dú Ɔwɔ-nyànmàn-sùva-wá-bɔ̀ ɛmɛ̀nhyí ankà hà?”

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 16:28

Mɛ dɔ́ nyɛ̀n annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn ɔwrɔnẅì Ẅì kɛ̀ và kɛ̀ hán ɛnnɛ̀ncüì hɔ́.”

Matie 17:19

Ɛsɛ̀nkɛn-bɔ̀ lɔ sɔnba Zhezü ɛtɛ̀sɛ̀n ɔhɔnán kɩ zɛtɛn yɔ yrɛ nɛ̀n le: “Cɛci kruhú kɛ bɔ̀ sɩ̀ cɔ̀ ɛnhɛ́n ndɔ lɔ n'ɛwrɔ́-yri rɔa?”

Matie 21:1

Ɛnvra léyi Zhezü mán n'ɛsɛ̀nkɛn-bɔ̀ bá Zherüzalɛmɛ̀n tɛ̀sɛ̀n, hɩ yɔ vá Bɛtfazhe anmàn bru-yri, ɛẅì-shi-tɛ̀ hɔ̀n léyi ye bi olivie, n'ɛnkpò cɛ tɔ̀n wú nɔn, Zhezü wá n'ɛsɛ̀nkɛn-bɔ̀ anhyrɛ̀ ɔkɔ̀hɔ̀n.

Matie 24:27

Ɔmu zri léyi ɛwú kɛ gbrɛ́n anhobɩ́ hɩ ke dú ezì ke ci ɛmɛẅiemɛ̀n nɔn, ɔmu lɔ de ɔwrɔnẅì Ẅì mán kɛ lɛ và nɔn.

Matie 24:30

Zɛtɛn, ɔwrɔnẅì Ẅì vá vra ci-woroan-ci kɛ lɛ srɔ anhobɩ́; zɛtɛn, ɛnhibù wú fɛcüè lɔ fɛn ke le dú obòto mɛ̀n, yɔ lɛ kán ɔwrɔnẅì Ẅì ke le dú ɛwì-gbú mɛ̀n anhobɩ́ kɛ̀ và, nɛ́n mán ɛkɔrɛ̀srɔn bobrebe mán eci-zrɔ mɛhi.

Matie 24:37

Eci léyi wɔɛ́n Noe vra lɔ nɔn, eci zri lɔ de kɛ lɛ wɔɛ̀n, ɛnvra léyi ɔwrɔnẅì Ẅì kɛ lɛ và nɔn.

Matie 24:39

ɔwrɔnẅì zriɛmɛ́n ke sɩ̀ nyrì eci léyi kɛ lɛ wɔɛ̀n nɔn, hàn kɩ krɔn ɛnvra léyi ɛnshi yɩ̀ bɩ́ anwrɔn lɔ fɛn nɔn. Ɔmu lɔ de ke le dù ɛnvra léyi ɔwrɔnẅì Ẅì kɛ lɛ và nɔn.

Matie 24:43

Nyɛ́n yá ankà ndɔ lɔ anvrɛnvrɛn: ke dú kɛ ebɩ́-nɛ́n-zi ke nyri ɛnnyran mɛ̀n, ɛnvra léyi ɛci-yerɛ-wrɔn kɛ lɛ vá nɔn, nɛ lɛ yɛ́ nɛ̀n kpri ɛvɛ̀, kɩ nɛ́n sɩ̀ teze ɔwrɔn zriɛmɛ́n ke bru anwɔn mɛ̀n.

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Lükɛ̀n 21:7

Zɛtɛn yɔ yrɛ nɛ̀n le: “Ankà-yé-wrɔn, ɛnvra tán de eci lɔ kɛ lɛ wɔɛ̀n nɛ́n? Eci-woroan-ci tán de ke le yé bɔ̀ ɛnvra léyi ɛci hɔ̀n lɔ kɛ lɛ wɔ̀ɛn nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 1:7

Zhezü mrɛ́n y'ɔmùan le: “Kè sɩ̀ wá tán nyɛ̀n le, nyɛ́n nyri ɛnvra mán ɛnbì, ɔmuhi Dade wá ɛnvra hɔ̀n lɔ nɛ́n zri n'ɛkɔrɛ̀-levriemɛ̀n nɔn.

Ebre-bɔ̀ 9:26

Kè sɩ̀ dù ɔmu lɔ hô, nɛ lɛ kán ɛgbàn andɛ̀n bɔbrebe ɛnhibù krubɔmɛ̀n anhɛ́n. Annanwɔrɛ mɛ̀n lɔ, nɛ̀n srɔ ɛdɛ̀n zri brɛzri zɛtɛ̀ lɔ, ɛnvra trɔ mùan mɛ̀n, ô nɛ̀n bɩ́ nɛ́n mumù n'edòmɛ̀n nɛ̀n ce, ô nɛ̀n ẅɛn ɛgbàn nɛ̀n sɔhɔ́.