Matie 22:3 - Ɛmɛẅi ankà ankrànkràn 2003

³ Nɛ̀n wá n'ɛci-bɩtan-bɔ̀ ɔkɔ̀hɔ̀n kɛ̀ hɔ̀n kè bi anwrɔn hɔ̀n léyi ye bi ɛci-zî ndɔ lɔ mɛ̀n nɔn, tɛ́n anwrɔn hɔ̀n lɔ kè sɩ̀ shrì kɛ̀ và.

Matie 22:3 Iomraidhean Croise

Matie 21:34

Ɛnvra léyi ɛci-küɛ vra cɔ̀ nɔn, ɛkɛ̀tɛ́-nɛ́n-zi wá n'ɛci-bɩtan-bɔ̀ ɔkɔ̀hɔ̀n ɛkɛ̀tɛ̀-kɔ̀hɔ̀n-hán-bɔ̀ lɔ yri, kè bɩ́ nɛ tɛn ɛci kɛ̀ và sɩ́ nɛ̀n.

Matie 23:37

“Zherüzalɛmɛ̀n, Zherüzalɛmɛ̀n, vɛ́n léyi e di Ɔwɔ-mùanwú-ankà-dɔ́-bɔ̀ owúemɛ̀n kɩ e wri ɛbùemɛ̀n anwrɔn hɔ̀n léyi Ɔwɔ ke yüre mɛ́n nɔn! Andɛ̀n ɛ̀bɛ de mɛ̀n ji v'ɛẅì hɔ̀n ɛkruborɛ m'ɛtɛ̀sɛ̀n hán ɔmu le ɔkɔ̀sɔ̀-sɛ̀n kɛ wá n'ɛẅì hɔ̀n ɛtùvà-kɔrɛ̀ krùgbɛ̀n, tɛ́n nyɛ́n sɩ́ ji ɔmu lɔ!

Matie 3:2

Nɛ dɔ̀ le: “Nyɛ́n crɔn ny'eci-hán-ci, ɔmuhi Anhobɩ́-Nɛ̀ncüì-dúyri dú ɛtɛ̀sɛ̀n nɔn!”

Matie 9:15

Kɩ Zhezü mrɛ́n yɔ ɔmùan le: “Nye tro le, anwrɔn hɔ̀n léyi ye bi ɛci-zîemɛ̀n eyrí-koran mɛ̀n nɔn, ke le dú obòto mɛ̀n, ɛnvra léyi yɔ mán ɛnnyɔnwrɔn-nɛ́n-cüì mɛhi yɔ yɛ́ nɛ́n? Annànwɔrɛ mɛ̀n lɔ hɔ́! Tɛ́n ɛnvra kɛ lɛ và, kɩ ye le bɩ́ ɛnnyɔnwrɔn-nɛ́n-cüì yɛ sɔhɔ́; zɛtɛn yɔ le bɩ́ kìshe.

Lükɛ̀n 13:34

Zherüzalɛmɛ̀n, Zherüzalɛmɛ̀n, vɛ́n léyi, e dí Ɔwɔ-muànwú-ankà-dɔ́-bɔ̀ owúemɛ̀n kɩ e wri ɛbùemɛ̀n yɔ hɔ̀n léyi, Ɔwɔ ke yüre mɛ́n nɔn! Andɛ̀n ɛbɛ de mɛ̀n ji le mɛ bɔrɛ v'ɛẅì hɔ̀n ɛkru m'ɛtɛsɛ̀n, kɛ hán ɔmu le ɔkɔ̀sɔ̀-nɛ́n-muan kɛ bɔrɛ n'ɛẅì hɔ̀n ɛkru n'ɛtuvà-kɔrɛ̀ krubgɛ̀n, tɛ́n nyɛ́n, nyɛ́n sɩ̀ shrìɛ!

Lükɛ̀n 15:28

Zɛtɛn ɛnẅì cüìcüì lɔ bɩ́ ɛmɛ̀nhyì, kɩ ke sɩ́ ji kè bru ɛbemɛ̀n. Nɛ́n zi srɔ ɛntrɛ ô kɛ̀ hán nɛ̀n nɛ̀n bru ɛbemɛ̀n.

Lükɛ̀n 19:27

Tɛ́n m'egbri-bɔ̀ hɔ̀n léyi ke sɩ́ ji le mɛ̀n srɔ y'ɛnnɛ̀ncüì nɔn, nyɛ́n sɩ́ yɔ ɛnu, ô nyɛ́n wri yɔ m'ezìwú.’ ”

Zhan 5:40

Ɔmu tɛ̀ kɩ nyɛ́n sɩ́ ji nyɛ́n vá m'eyri, ô nyɛ́n cɔ́ ɛwúvà annànwɔrɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 13:45

Ɛnvra léyi Zhüifɛ̀n-bɔ̀ kán fɛcüè ndɔ lɔ nɔn, yɔ dú ɛcüìhi-kɔ́n mɛ̀n; Yɔ kɛ́n ankà wá Pɔlɛ̀n kɩ yɔ wora nɛ̀n.

Rɔmɛ̀n-anmàn-bɔ̀ 10:21

Tɛ́n Izraɛlɛ̀n ankà-dɔ́ mɛ̀n lɔ, nɛ dɔ̀ le: “Ɛcɛ̀n mumù lɔ fɛn mɛ̀n trɛ́n ankɔrɛ̀ mɛ̀n tán fɛcüè tɔ̀n léyi dú wawa mán ɛnkru-shishi-ci-hán mɛ̀n nɔn.”

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 9:15

Nyàn eci le kruhú léyi Krisì dú mìrɛ̀n wrù lɔ, n'angranmɛ̀n nyɔn-wrɔn, ô anwrɔn hɔ̀n léyi Ɔwɔ bi nɔn, kɛ̀ cɔ́ anvrɛn léyi kè sɩ̀ ẅɛ̀n ɔtrɔ, hɩ nɛ̀n wá ɔmùan nɛ̀n hɛ́n n'anwrɔn hɔ̀n nɔn. Yɔ lɛ cɔ́ anvrɛn ndɔ lɔ ɔmuhi owù tɔ̀n nvà, kɩ owù ndɔ lɔ n'ɛkruhú anwrɔnẅì cɔ́ ebɩdie ɛgbàn hɔ̀n léyi yɔ hán ɛnvrakpà mìrɛ̀n lɔ mɛ̀n nɔn.

Ɔwɔ-mɛ̀n-yrikàn 22:17

Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.