Matie 2:6 - Ɛmɛẅi ankà ankrànkràn 2003

⁶ ‘Vɛ́n Bɛtlehɛmɛ̀n, Zhüde ɛnhi wú anmàn, è sɩ̀ dù Zhüde kpɔsɔ wú lɔ, anmàn léyi kè sɩ̀ ẅɛ̀n vɔ̀nshɛ́ nɔn; ɔmuhi v'ebɩ́ lɔ mɛ̀n de ke le dù kɛ̀ srɔ ɛnhi-nɛ́n-zi léyi kɛ lɛ nyrɔn Izraɛlɛ̀n fɛcüè lɔ nɔn.’ ”

Matie 2:6 Iomraidhean Croise

Matie 2:1

Ye bî Zhezü Bɛtlehɛmɛ̀n anmàn, Zhüde kpɔsɔ wú, ɛnvra léyi Herɔdɛ̀n dú govràn nɔn. N'ebî vra mɛẅi lɔ, ɛwrú-kán-bɔ̀ cüìcüì hɔ̀n léyi nyri okùcànkrò mɛ̀n ankà nɔn, dú ɛmɛẅiemɛ̀n vá Zherüzalɛmɛ̀n anmàn.

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Zhan 21:16

Zɛtɛn Zhezü ke yrɛ nɛ̀n andɛ̀n anhyrɛmɛ̀n le: “Simɔn, Zhan ẅì, ɛ cüɛn mɛ̀n hàn?” Piɛrɛn mrɛ́n nɛ̀n ɔmùan le: “Hɛ̀ɛ̀ Ɛẅɛnwrɔn, è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ̀ wá mɛ́n kɔ̀kɔ̀sɛ̀ hɔ̀n lɔ esùva.”

Zhan 7:42

Owrú Prɔnprɔn kɛ dɔ̀ le, Ebɩ̀die-wrɔn ke le dú Davidɛ̀n mɛẅi wrɔn tɔ̀n, kɩ ne le dú Bɛtlehɛmɛ̀n nɛ̀n và, anmàn léyi Davidɛ̀n sɔ́n ebɩ́ nanvrɛn nɔn.”

Efɛzɛ̀n anmàn-bɔ̀ 1:22

Ɔwɔ hɛ́n eci lɔ fɛn Krisì nán krùgbɛ̀n kɩ bɩ́ nɛ̀n tán Ɔwɔ-fɛcüe-bɔ̀ ô nɛ̀n dú y'ɛfra-wrɔn cüìcüì.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

Ebre-bɔ̀ 7:14

Ebîemɛ̀n lɔ, ye nyri ɔmu le nɛ̀n dú Zhüda mɛ̀n lɔ mɛ̀n, kɩ Mohizì kè sɩ̀ dɔ̀ ankà zriɛmɛ́n ɛnvra léyi nɛ̀n dɔ́ Ɔwɔ-cice-bɔ̀ ankà nɔn.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”