Matie 2:12 - Ɛmɛẅi ankà ankrànkràn 2003

¹² Zɛtɛn, ndà mɛ̀n lɔ Ɔwɔ kɛ dɔ́ yɔ, yɔ bɩ́ vru ɛmɛẅi yɔ hɔ́n Herɔdɛ̀n yri; yɔ bɩ́ ɛnlevri nyàntɛn yɔ hɔ́n y'anmàn ɛnhi wú.

Matie 2:12 Iomraidhean Croise

Matie 1:20

Nɛ̀n dú ankà tro ndɔ lɔ mɛ̀n, kɩ Ɔwɔ-kùyüre-wrɔn tɔ̀n ci nɛ̀n ndà mɛ̀n kɛ dɔ́ nɛ̀n le: “Zhozɛfɛ̀n, Davidɛ̀n mɛẅi wrɔn, ɛnjansù ke bɩ́ ẅɛn mɛ́n, ke ji le è bɩ́ Mari e hi, ɔmuhi Ɛnhɛ́n Prɔnprɔn cüìemɛ̀n de nɛ̀n sî ɛmɛ̀ntɛ̀ nɔn.

Matie 2:13

Ɛnvra léyi owrú-kán-bɔ̀ cüìcüì hɔ̀n lɔ vru ɛmɛẅi hɔ́n y'anmàn nɔn, Ɛẅɛnwrɔn kùyüre-wrɔn tɔ̀n ci Zhozɛfɛ̀n ndà mɛ̀n kɩ dɔ́ nɛ̀n le: “Tɔhú, bɩ ɛnẅì lɔ mán nɛ́n muan mɛhi, ɛ̀ srɛ́ ɛ̀ hɔ́n Ezhiptɛ̀n ɛnhi wú anmàn; ɛ̀ yɛ́ nanvrɛn lɔ hàn kɩ kɛ cɔ́ ɛnvra léyi mɛ lɛ wá tán mɛ́n è vru ɛmɛẅi ɛ̀ và nɔn. Ɔmuhi Herɔdɛ̀n ke le ji ɛnẅì lɔ, ô kɛ̀ hán ye wri nɛ̀n nɔn.”

Matie 2:19

Ɛnvra léyi Herɔdɛ̀n nwù nɔn, Ɛẅɛnwrɔn kùyüre-wrɔn tɔ̀n ci Zhozɛfɛ̀n ndà mɛ̀n Ezhiptɛ̀n ɛnhi wú anmàn

Matie 2:22

Tɛ́n nɛ̀n yá le Herɔdɛ̀n ẅì Arshelahüsɛ̀n bɩ́ nɛ́n zi yri lɔ, dú Zhüde kpɔsɔ wú nɛ̀ncüì; zɛtɛn ɛnjansù bru nɛ̀n, nɛ̀n sɩ̀ yɛ̀ ɔkpɔsɔ ndɔ lɔ wú. Ndà mɛ̀n, ɛnvra léyi nɛ̀n cɔ́ Ɛẅɛnwrɔn mɛẅi ankà nɛ̀n yá nɔn, nɛ̀n hɔ́n Galile kpɔsɔ wú.

Matie 27:19

Ɛnvra léyi Pilatɛ̀n dú ɛmrɛ̀nci-wɔn mɛ̀n nɔn, nɛ́n hi wá yɔ ɔkɔ̀hɔ̀n yɛ và dɔ́ nɛ̀n ankà le: “E bɩ́ hán ɛnyrɔnnan-wrɔn ndɔ lɔ eci zriɛmɛ́n ɔmuhi, ɛnnyran ndɔ lɔ mɛ̀n, mɛ̀n kán ɛgbàn bobrebe ndà mɛ̀n n'ɛkruhú.”

Lükɛ̀n 2:26

kɩ hán tán nɛ̀n nɛ́n nyrì le, nɛ lɛ kán Ebɩ̀die-wrɔn léyi Ɛẅɛnwrɔn kɛ lɛ hán kɛ̀ và, yakɛ ne le wù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:22

Yɔ mrɛ́n ɔmùan le: “Bɔ̀ vá ɛfrá-wrɔn Kɔrnɛyì bɩmɛ̀n. Nɛ̀n dú ɛnyrɔn-nan-wrɔn léyi kɛ wá Ɔwɔ, hɩ Zhüifɛ̀n-bɔ̀ lɔ fɛn kɛ cüɛ̀n nɔn. Ɔwɔ-kùyüre-wrɔn tɔ̀n wá tán nɛ̀n le nɛ̀n hán mɛ́n ɛ̀ và cɔ́ nɛ̀n ne yri ɛbemɛ̀n, ô nɛ̀n yá ankà léyi ɛ ẅɛ̀n ɛ lɛ dɔ́ nɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 4:19

Tɛ́n Piɛrɛ̀n mán Zhan mrɛ́n y'ɔmùan le: “Nyɛ́n dùku nyɛ́n nyan, ke dú kɛ Ɔwɔ zìwú lɔ zrɔ tán le yɛ hán ny'ɛkɔrɛ̀-zì-ci, kale Ɔwɔ de ke ji le yɛ wá nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:29

Piɛrɛ̀n mán ɔkɔ̀hɔ̀n-wá-bɔ̀ ndɔ hɔ̀n lɔ mrɛ́n ɔmùan le: “Ke ji le ye die Ɔwɔ nukù kɛ̀ vrán anwrɔnẅì.

1 Korɛntɛ̀n anmàn-bɔ̀ 3:19

Ɔmuhi ɛnhibù ndɔ lɔ ankà-nyrì dú nmù-ci-hán Ɔwɔ zìwú nɔn. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwɔ kɛ ẅɛn ankà-nyri-bɔ̀, yɔ dùku y'ɛfrɛ́n tanwrɔn lɔ mɛ̀n.”

Ebre-bɔ̀ 11:7

Ankàẅìbùtan de tán Noé ɛkɔrɛ̀levri die Ɔwɔ ankà-bi-dɔ̀ nukù eci léyi kɛ lɛ wɔ̀ɛn, hɩ yɛ vá kàn nɔn. Nɛ̀n ẅɛn Ɔwɔ sɛ́ kɩ nɛ̀n ku ebɩdie-hɛ̀ vri tɔ̀n léyi nɛ́n mán n'ɛmɛ̀n mɛ̀n-bɔ̀ mɛhi yɔ cɔ́ ɛkɔrɛ̀ ɛmɛ̀n nɔn. Ɔmu lɔ de n'ankaẅìbùtan-ẅɛ̀n kruhú lɔ nɛ̀n bó ɛnhibù nwù kɩ nɛ̀n cɔ́ ɛnyrɔnnan Ɔwɔ zìwú.

Ebre-bɔ̀ 8:5

Ɔkɔ̀hɔ̀n léyi ecice-bɔ̀ ndɔ hɔ̀n lɔ kɛ hán nɔn, ndù cá pícɛ̀ tɔ̀n, anhobɩ́ annanwɔrɛ ci-hán lɔ n'ɔwɔ̀n. Ndɔ lɔ ndù hán Mohizì ci-hán lɔ: ɛnvra léyi ne le ku ɛcàsa-wɔn prɔnprɔn lɔ nɔn, Ɔwɔ wá eci-hán tán nɛ̀n: “Ɛ wá esùva, ô v'ɔkɔ̀hɔ̀n lɔ kè dù kɛ̀ hán ndɔ léyi mɛ̀n yé mɛ́n ɛnkpò wú nɔn hɔ́.”