Matie 2:1 - Ɛmɛẅi ankà ankrànkràn 2003

¹ Ye bî Zhezü Bɛtlehɛmɛ̀n anmàn, Zhüde kpɔsɔ wú, ɛnvra léyi Herɔdɛ̀n dú govràn nɔn. N'ebî vra mɛẅi lɔ, ɛwrú-kán-bɔ̀ cüìcüì hɔ̀n léyi nyri okùcànkrò mɛ̀n ankà nɔn, dú ɛmɛẅiemɛ̀n vá Zherüzalɛmɛ̀n anmàn.

Matie 2:1 Iomraidhean Croise

Matie 1:25

Nɛ̀n sɩ̀ cì yi ɛtɛ̀sɛ̀n hàn kɩ cɔ́ ɛnvra léyi Mari bî ɛncɔnwrɔn-ẅì tɔ̀n, hɩ Zhozɛfɛ̀n wá ebi Zhezü nɔn.

Matie 2:16

Ɛnvra léyi Herɔdɛ̀n nyri ɔmu le ɛwrú-kán-bɔ̀ cüìcüì hɔ̀n lɔ wɔrɔ nɛ̀n ankora nɔn, nɛ̀n bɩ́ ɛmɛ̀nhyì sevri. Nɛ̀n wá tán ye wri wúcɔ̀-ẅì hɔ̀n lɔ fɛn léyi ẅɛn ɛnnànwàn kru anhyrɛ̀ mán yɔ hɔ̀n léyi dú ɛnnànwàn zri mán ɛcá mɛ̀n, hɩ dú Bɛtlehɛmɛ̀n ɛnhi wú anmàn mán anmàn ndɔ hɔ̀n léyi dú ɛtɛ̀sɛ̀n nɔn. Ankà hɔ̀n léyi Herɔdɛ̀n cɔ́ yá owrú-kán-bɔ̀ cüìcüì hɔ̀n lɔ tɛ̀sɛ̀n nɔn, hɩ wú lɔ de nɛ́n cì nɛ̀n hán eci ndɔ lɔ nɔn.

Matie 2:19

Ɛnvra léyi Herɔdɛ̀n nwù nɔn, Ɛẅɛnwrɔn kùyüre-wrɔn tɔ̀n ci Zhozɛfɛ̀n ndà mɛ̀n Ezhiptɛ̀n ɛnhi wú anmàn

Matie 2:3

Ɛnvra léyi Herɔdɛ̀n yá ankà ndɔ lɔ nɔn, nɛ̀n dú gbɔ̀gbɔ̀ mɛ̀n, nɛ́n mán Zherüzalɛmɛ̀n anmàn-bɔ̀ mɛhi.

Matie 2:5

Yɔ mrɛ́n nɛ̀n ɔmùan le: “Bɛtlehɛmɛ̀n anmàn, Zhüde kpɔsɔ wú. Ɔmuhi nyàn ankà léyi Ɔwɔ-mùanwú-ankà-dɔ́-wrɔn merɛ́n nɔn:

Matie 2:7

Zɛtɛn Herɔdɛ̀n bi owrú-kán-bɔ̀ cüìcüì hɔ̀n lɔ ɛshremɛ̀n kɩ ke yrɛ yɔ ɛnvra lɔ mɛ̀n cehɛ́n léyi okùcànkrò lɔ srɔ nɔn.

Lükɛ̀n 1:5

Ɛnvra léyi Herɔdɛ̀n dú Zhüde nɛ̀ncüì nɔn, Ɔwɔ-cice-wrɔn tɔ̀n, ye bi nɛ̀n Zakari, nɛ̀n dú Ɔwɔ-cice-wrɔn cüìcüì léyi dú Abia nɔn, nɛ́n fɛcüè mɛ̀n wrɔn. Nɛ́n hi ye bi Elizabɛtɛ̀n, kɩ Elizabɛtɛ̀n dú ecice-wrɔn cüìcüì Aarɔn, mɛẅi ẅì.

Lükɛ̀n 2:11

Ɛnyɔncì nyran lɔ, Davidɛ̀n anmàn lɔ, ye bî ny'ebɩ̀die-wrɔn tɔ̀n, nɛ́n de nɛ̀n dú Krisì, Ɛẅɛnwrɔn lɔ nɔn.

Lükɛ̀n 2:15

Ɛnvra léyi, ɔwɔ-kùyüre-bɔ̀ lɔ teze yɔ, vru ɛmɛẅi hɔ́n anhobɩ́ nɔn, annɔ̀n-kua-bɔ̀ kɛ dɔ́ y'edomɛ̀n le: Bɔ̀ hɔ́n Bɛtlehɛmɛ̀n anmàn: ke ji le bɔ̀ kán eci léyi wɔɛ̀n nɔn, eci léyi Ɛwɛnwrɔn hán bɔ̀, bɔ́ kàn nɔn.

Zhan 7:42

Owrú Prɔnprɔn kɛ dɔ̀ le, Ebɩ̀die-wrɔn ke le dú Davidɛ̀n mɛẅi wrɔn tɔ̀n, kɩ ne le dú Bɛtlehɛmɛ̀n nɛ̀n và, anmàn léyi Davidɛ̀n sɔ́n ebɩ́ nanvrɛn nɔn.”