Matie 18:3 - Ɛmɛẅi ankà ankrànkràn 2003

³ kɩ kɛ dɔ̀ le: “Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n sɩ̀ crɔ̀n hàn, nyɛ́n srɔ̀ ɛẅì hɔ̀n hɔ́ hô, nyɛ́n sɩ̀ bru Anhobɩ́ Nɛ̀ncüì-dúyri lɔ rɔ́.

Matie 18:3 Iomraidhean Croise

Matie 13:15

Ɔmuhi fɛcüè ndɔ lɔ ankà ke sɩ́ ku edù; yɔ sɛ́n yɔ nukù hɔ̀n lɔ, yɔ nyi y'anvɛ̀ hɔ̀n lɔ, ô y'anvɛ̀ hɔ̀n lɔ ke bɩ́ kán, yɔ nukù ke bɩ́ yá, ô yɔ bɩ́ cɔ́ ankà yɔ nyriɛn kɩ ɔmu lɔ, yɔ sɩ̀ ji mɛ̀n yɔ và ô mɛ̀n kɔrɛ yɔ, ɔmu de Ɔwɔ kɛ dɔ̀ nɔn.’

Matie 18:2

Zhezü bi ɛnẅì cɛ tɔ̀n, bɩ́ nɛ̀n hɛ́n y'eziwú

Matie 18:4

Anhobɩ́ nɛ̀ncüì-dúyri lɔ ecüìcüì dú ɔwrɔn léyi ke sɩ́ n'edomɛ̀n ɛnhi kɩ kɛ srɔ ɛnẅì cɛ ndɔ lɔ nɔn hɔ́.

Matie 19:14

Zɛtɛn Zhezü kɛ dɔ̀ le: “Nyɛ́n teze ɛẅì hɔ̀n kɛ̀ và cɔ́ mɛ̀n, kɩ nyɛ́n bɩ́ kɛ́n yɔ nyɛ́n hɛ́n hán, ɔmuhi Anhobɩ́ nɛ̀ncüì-dúyri dú anwrɔn hɔ̀n léyi ndù hán yɔ hɔ́ nɔn tɛn.”

Matie 19:23

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Mɛ dɔ́ nyɛ̀n annànwɔrɛ mɛ̀n le: sɔ́ tán ɔwrɔn léyi di ɛnnɛ̀ncüì nɔn ke bru Anhobɩ́ nɛ̀ncüì-dúyri.

Matie 5:18

Mɛ dɔ́ nyɛ̀n annànwɔrɛ mɛ̀n le: ɔmu zri léyi anhobɩ́ mán ɛnhibù kɛ lɛ mɔɛ̀n nɔn, ɛnyànmàn wú wrú-ẅì cɛ mán n'ankà cɛ zriɛmɛ́n ke sɩ̀ gbràn, hàn kɩ kɛ lɛ cɔ́ ɛci hɔ̀n lɔ fɛn y'ɛtrɔ vra.

Matie 5:20

Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n sɩ̀ hàn eci léyi Ɔwɔ ke ji, kɛ̀ vràn ɛnyànmàn-gbànvri-ankà-yé-bɔ̀ mán Ɔwɔ-nyànmàn-sùva-wá-bɔ̀ hô, nyɛ́n sɩ̀ bru Anhobɩ́-Nɛ̀ncüì-dúyri rɔ́.”

Matie 6:16

“Ɛnvra léyi nye bɩ́ kìshe nɔn, nyɛ́n bɩ́ mú ezì kɛ hán anmùan-anhyrɛ̀-bɔ̀ hɔ́: yɔ crɔ́n ezì ô kɛ̀ hán tán ye nyri ɔmu le yɔ dú kìshe bɩ́ mɛ̀n. Mɛ dɔ́ nyɛ̀n annànwɔrɛ mɛ̀n le: yɔ cɔ́ y'anjakpà lɔa.

Matie 6:2

Ɛnvra léyi ɛ tán ɛmian-bɔ̀ eci nɔn, e bɩ́ hán tán anwrɔn ke nyriɛn, kɛ hán anmùan-anhyrɛ̀-di-bɔ̀ ci léyi kɛ hán Ɔwɔ-sɛ́n-wɔn mɛ̀n mán ɛntrɛ: yɔ hán ɔmu lɔ, ô yɛ cɔ́ ɛmrɛ́n anwrɔnẅì yri. Mɛ dɔ́ nyɛ̀n annànwɔrɛ mɛ̀n le: yɔ cɔ́ y'anjakpà lɔa.

Matie 6:5

“Ɛnvra léyi nyɛ sɛ́n Ɔwɔ nɔn, nyɛ́n bɩ́ dú kɛ hán anmùan-anhyrɛ̀-di-bɔ̀ hɔ́: yɔ cüɛn ɛwú léyi yɛ nyɔn yɛ sɛ́n Ɔwɔ Ɔwɔ-sɛ́n-wɔn mɛ̀n mán andrɛn-kru, yɔ hán ɔmu lɔ, ô anwrɔnẅì kɛ mrɛ́n yɔ. Mɛ dɔ́ nyɛ̀n annànwɔrɛ mɛ̀n le yɔ cɔ́ y'anjakpà lɔa.

Markɛ̀n 4:12

ô ‘ɛci hɔ̀n léyi yɔ kán nɔn, yɔ bɩ́ kán anvrɛnvrɛn, ô ankà hɔ̀n léyi yɔ yá nɔn, yɔ bɩ́ yá anvrɛnvrɛn, kè sɩ̀ dù ɔmu lɔ hô, yɔ lɛ crɔn ɛnkru kɩ Ɔwɔ ke le bɩ́ ɛgbàn kè ce yɔ!’ ”

Lükɛ̀n 13:24

“Nyɛ́n hán kekremɛ̀n ô, nyɛ́n ci angbàtà cɛ lɔ, ɔmuhi, mɛ dɔ́ nyɛ̀n annànwɔrɛ mɛ̀n le, anwrɔn bobrebe ke le ji angbàtà cɛ mɛ̀n cì, kɩ ye sɩ̀ cɔ́ hɩ kɔrɛ̀levri lɔ.

Lükɛ̀n 22:32

Kɩ mɛ́n sɛ̀n mɛ̀n tán mɛ́n ô ankàẅì-bùtan ke bɩ́ trɔ mɛ́n. Kɩ ɛnvra léyi e le vru ɛ̀ và cɔ́ mɛ̀n nɔn, ɛ̀ tán ɔmuan-ẅì hɔ̀n ecüì.”

Zhan 1:51

Kɩ nɛ̀n vru nɛ dɔ̀ le: “Annànwɔrɛ mɛ̀n mɛ dɔ́ nyɛ̀n le: nyɛ lɛ kán anhobɩ́ kɛ lɛ gbɛ́ ɔmùan kɩ Ɔwɔ-kùyüre-bɔ̀ kɛ lɛ kà, kɛ lɛ hɔ́n ɛwú, kɛ lɛ kàkɛ, kɛ lɛ nyɔn ɔwrɔnẅì Ẅì wúɛ!”

Zhan 3:3

Zhezü mrɛ́n nɛ̀n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔnẅì zriɛmɛ́n ke sɩ̀ kán Anhobɩ́ Nɛ̀ncüì-dúyri lɔ ke dú kɛ ye sɩ̀ sàn bî nɛ̀n.”

Zhan 3:5

Zhezü mrɛ́n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔn zriɛmɛ́n ke sɩ̀ bru Anhobɩ́ Nɛ̀ncüì-dúyri ke dú kɛ ye sɩ̀ sàn bî nɛ̀n ɛnshiemɛ̀n mán Ɛnhɛ́n Prɔnprɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 28:27

Ɔmuhi fɛcüè ndɔ lɔ srɔ ɛnkru-shishi-bɔ̀; yɔ sî yɔ nukù hɔ̀n lɔ, ô yɔ bɩ́ yá ankà, yɔ nyî y'anvɛ̀ lɔ, ô yɔ bɩ́ kan ɛyri, ô, ke bɩ́ tán yɔ ɛnkruemɛ̀n-ẅɛ̀n yɔ nyriɛn, kɩ ɔmu lɔ yɔ sɩ̀ vru và cɔ́ mɛ̀n, ô mɛ̀n kɔrɛ yɔ, ɔmu lɔ de Ɔwɔ kɛ dɔ̀ nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 3:19

Nyɛ́n crɔn ny'ɛci-hán-ci, ô nyɛ́n crɛ ezì nyɛ́n kɛ́n Ɔwɔ, ô nɛ̀n jru ny'ɛgbàn hɔ̀n lɔ.

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

1 Piɛrɛ̀n 2:2

Nyɛ́n dù nyɛ́n cá ɛẅì hɔ̀n wrù léyi ye bî nɔn, nyɛ́n ji ɛnhɛ́n mɛ̀n nyàn-shi léyi nfi nɔn, ô nye mi nɛ̀n, hô nyɛ́n sɔ́, ô nyɛ́n cɔ́ ɛnkrukɔrɛ̀.

2 Piɛrɛ̀n 1:11

Ɔmu lɔ de ɛnlevri kɛ lɛ trɛ́ nyɛ̀n Anhobɩ́ Nɛ̀ncüì-dúyri léyi ke sɩ̀ ẅɛn ɔtrɔ nɔn, n'ebruemɛ̀n, Anhobɩ́ Nɛncüì-dúyri ndɔ léyi dú bɔ́ Ɛẅɛnwrɔn mán bɔ́ Ebɩdie-wrɔn Zhezü Krisì tɛn nɔn.