Matie 11:3 - Ɛmɛẅi ankà ankrànkràn 2003

³ kè yrɛ nɛ̀n le: “È dú ɔwrɔn léyi bɔ́ nyrì le kɛ lɛ và, kàle ke ji le bɔ̀ vrá ɔwrɔn nyàntɛn hán?”

Matie 11:3 Iomraidhean Croise

Matie 11:10

Ɔmuhi Zhan dú ɔwrɔn léyi Owrú Prɔnprɔn kɛ dɔ̀ le: ‘Ɔwɔ dɔ̀ le: Mɛ lɛ hán m'ɔkɔ̀hɔ̀n-wá-wrɔn kè dú mɛ́n ezì, ô kɛ̀ mrɛ́n mɛ́n ɛnlevri.’

Matie 11:4

Zhezü mrɛ́n yɔ ɔmùan le: “Nyɛ́n hɔ̀n nyɛ́n dɔ́ Zhan ankà léyi nyɛ yá mán eci léyi nyɛ kàn nɔn:

Matie 21:5

“Nyɛ́n dɔ́ Siɔn anmàn-bɔ̀ le: Nyàn, v'ɛnnɛ̀ncüì lɔ kɛ vá mɛ́n, anwɔwɔ yɩ́ nɛ̀n ɛmɛ̀n, nɛ̀n yɛ́ frimú-sɛ̀n mán frimú-ẅì wúɛ, frimú-sɛ̀n ẅì.”

Matie 21:9

Anwrɔn hɔ̀n léyi dú Zhezü ezì mán ɛmɛẅi kɛ nán esù nɔn, ke di bobo kɛ dɔ̀ le: “Eci-zrɔ kè dú Davidɛ̀n Ẅì tɛn! Ɔwɔ kè fú ɔwrɔn léyi kɛ vá Ɛẅɛnwrɔn bɩ́mɛ̀n nɔn ɛnshi! Eci-zrɔ kè dú Ɔwɔ tɛn anhobɩ́ ɛwú!”

Markɛ̀n 11:9

Anwrɔn hɔ̀n léyi dú Zhezü ezì kɛ nán esù mán yɔ hɔ̀n léyi dú nɛ̀n ɛmɛẅi nɔn ke di bobo kɛ dɔ̀ le: “Eci-zrɔ kè dú Ɔwɔ tɛ́n! Ɔwɔ shifù ke dú ɔwrɔn léyi kɛ vá ɛẅɛnwrɔn bɩ́mɛ̀n nɔn tɛn!

Lükɛ̀n 19:38

Kɩ yɔ dɔ̀ le: “Ɔwɔ kè fú Ɛnnɛ̀ncüì léyi kɛ và nɔn ɛnshi, Ɛẅɛnwrɔn bɩ́mɛ̀n! Anwɔwɔ kè dú anhobɩ́, ô ecizrɔ kè dú Ɔwɔ tɛn!”

Zhan 11:27

“Hɛ̀ɛ̀, Ɛẅɛnwrɔn, me bútan le è dú Ebɩ̀die-wrɔn, Ɔwɔ Ẅì léyi ke ji le kɛ̀ vá ɛnhibù wú nɔn.”

Zhan 12:13

Anwrɔn bɩ́ ɛnnangbàn kɔrɛ̀ kɩ srɔ ɛntrɛ hɔ́n Zhezü ɛsù; Yɔ dí bobo yɔ dɔ̀ le: “Eci-zrɔ kè dú Ɔwɔ tɛn! Ɔwɔ kè fú ɔwrɔn léyi kɛ và nɔn ɛnshi ɛẅɛnwrɔn bɩmɛ̀n! Ɔwɔ kè fú Izraɛlɛ̀n nɛncüì lɔ ɛnshi!”

Zhan 16:14

Ne le yé m'eci-zrɔ lɔ, ɔmuhi nɛ lɛ cɔ́ eci léyi dú mɛ tɛn kɩ nɛ lɛ dɔ́ nyɛ̀n yi ankà.

Zhan 4:21

Zhezü mrɛ́n nɛ̀n ɔmùan le: “È Bú m'ankà ɛ̀ tán ankaẅì, ɛnvra kɛ lɛ và, nyɛ́n sɩ̀ vru sɛ́n Ɔwɔ ɛnkpò ndɔ lɔ wú mán Zherüzalɛmɛ̀n anmàn.

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 7:31

Ɔmu tɛ̀kɩ, fɛcüè lɔ mɛ̀n, anwrɔn bobrebe bú n'ankà tán ankaẅì. Yɔ dɔ̀ le: “Ɛnvra léyi Ebɩ̀die-wrɔn lɔ kɛ lɛ và nɔn, nɛ lɛ hán anvɛmɛ̀n-frɛ́n-ci kɛ lɛ vrán ɔwrɔn ndɔ lɔa?”

Ebre-bɔ̀ 10:37

Annanwɔrɛ mɛ̀n lɔ ye merɛ́n le: “Ɛnvra jan, ɛnvra jan kɩ wɔrɔ, kɩ ɔwrɔn léyi kɛ và nɔn, kɛ lɛ và, nɛ́n sɩ̀ vru mɔ̀ɛn hàn.