Matie 11:2 - Ɛmɛẅi ankà ankrànkràn 2003

² Zhan Batisì dú anwɔn-mɛ̀n-wá-wɔn mɛ̀n kɩ yá ɛci hɔ̀n léyi Krisì kɛ hán nɔn. Zhan Batisì wá n'ɛsɛ̀nkɛn-bɔ̀ jan ɔkɔ̀hɔ̀n

Matie 11:2 Iomraidhean Croise

Matie 1:17

Esùgbàn kru ɛvà-anzɔ̀ de ndù, bukru Abrahamɛ̀n vra hàn kɩ cɔ́ Davidɛ̀n vra; zɛtɛn esùgbàn kru ɛvà-anzɔ̀ kɛ́n Davidɛ̀n vra hàn kɩ cɔ́ ɛnvra léyi Izraɛlɛ̀n ẅì hɔ̀n hɔ́n dú anwɔ̀nẅìemɛ̀n Babilɔnɛ̀n anmàn, kɩ esùgbàn kru ɛvà-anzɔ̀ de vru dù, bukru anwɔ̀nẅìemɛ̀n vra lɔ hàn kɩ cɔ́ Ebɩdie-wrɔn bî vra lɔ nɔn.

Matie 14:3

Annànwɔrɛ mɛ̀n lɔ, Herɔdɛ̀n de wá tán yɛ ẅɛn Zhan, nɛ̀n hán yɔ yɛ kora Zhan ye di anwɔn-mɛ̀n-wá-wɔn-mɛ̀n. Herodiadɛ̀n léyi dú nɛ́n muan-ẅì Filipɛ̀n hi nɔn kruhú de Herɔdɛ̀n hán eci ndɔ lɔ nɔn.

Matie 4:12

Ɛnvra léyi Zhezü yá le yɛ wá Zhan anwɔn mɛ̀n nɔn, nɛ̀n hɔ́n Galile kpɔsɔ wú.

Matie 9:14

Zhan Batisì sɛ̀nkɛn-bɔ̀ sɔnba Zhezü ɛtɛ̀sɛ̀n, zɛtɛn ke yrɛ nɛ̀n le: “Cɛci kruhú kɛ bɔ́ mán Ɔwɔ-nyànmàn-sùva-wá-bɔ̀ mɛhi bɔ̀ bɩ́ kìshe frɛfrɛ, kɩ v'ɛsɛ̀nkɛn-bɔ̀ tɛn ke sɩ́ bɩ́ kìshe hɛ̀?”

Markɛ̀n 6:17

Annànwɔrɛ mɛ̀n lɔ Herɔdɛ̀n dùku de wá tán yɛ ẅɛn Zhan, yɛ kɔrà ye di anwɔn-mɛ̀n-wá-wɔn mɛ̀n. Herodiadɛ̀n kruhú de Herɔdɛ̀n hán eci ndɔ lɔ nɔn, ɔmuhi nɛ̀n bɩ́ nɛ́n muan-ẅì Filipɛ̀n hi nɛ́n srɔ nɛ́n hi nɔn.

Lükɛ̀n 3:19

Tɛ́n, Zhan gbá anvɛ̀ wá Herɔdɛ̀n léyi dú Govran nɔn, ɔmuhi nɛ̀n bɩ́ Hérodiadɛ̀n, nɛ́n muan-ẅì hi, nɛ́n yrì kɩ nɛ hán ɛci gbangbàn bobrebe ndɔ hɔ̀n mán.

Lükɛ̀n 9:7

Nyàn ɔmuhi, Herɔdɛ̀n léyi dú govran nɔn, yá ankà lɔ fɛn léyi ke cì nɔn. Nɛ́n sɩ́ nyri ankà léyi ne le tro nɔn, ɔmuhi anwrɔn ndɔ hɔ̀n kɛ dɔ́ le: “Zhan Batisì dú owúemɛ̀n vru vá ɔkɔrɛ̀-bɔ̀ mɛ̀n.”

Zhan 4:1

Ɛnyanmàn-sùva-wá-bɔ̀ yá yɛ dɔ̀ le Zhezü kɛ hán yɛ wá anwrɔn ɛnshi ɛnkru kɩ nɛ́n mán nɛ wá anwrɔn ɛnshi ɛnkru kɛ vrán Zhan. (Annanwɔrɛmɛ̀n lɔ, Zhezü dùku ke sɩ́ wá anwrɔn ɛnshi ɛnkru, tɛ́n n'ɛsɛ̀nkɛn-bɔ̀ de kɛ wá anwrɔn ɛnshi ɛnkru nɔn.) Ɛnvra léyi Zhezü yá ankà léyi anwrɔn kɛ dɔ̀ nɔn, nɛ̀n cɔhɔ́ Zhüde kpɔsɔ wú kɩ nɛ̀n vru ɛmɛẅi nɛ̀n hɔ́n Galile kpɔsɔ wú.