Matie 11:1 - Ɛmɛẅi ankà ankrànkràn 2003

¹ Ɛnvra léyi Zhezü yé n'ɛsɛ̀nkɛn-bɔ̀ ɛvà-anhyrɛ̀ lɔ ankà trɔ nɔn, nɛ̀n cɔhɔ́ nanvrɛn, nɛ̀n hɔ́n anmàn hɔ̀n léyi dú ɔkpɔsɔ lɔ wú nɔn, ô nɛ̀n yé, nɛ̀n dɔ́ yɔ Ɔwɔ ankà.

Matie 11:1 Iomraidhean Croise

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Matie 4:23

Zhezü ci Galile kpɔsɔ lɔ fɛn wú; ne yé yɔ ankà Ɔwɔ-sɛ́n-wɔn hɔ̀n lɔ fɛn léyi dú ɔkpɔsɔ lɔ wú nɔn mɛ̀n, nɛ dɔ́ Ɛmɛẅi ankà Ankrànkràn léyi dú Anhobɩ́-Nɛ̀ncüì-dúyri ankà, kɩ nɛ kɔrɛ y'ɛnlɔẅiɛ lɔ fɛn mán ɔkpɔ̀cɔ-lɔẅiɛ mɛ̀ntɛ mɛ̀ntɛ.

Matie 7:28

Ɛnvra léyi Zhezü yé anwrɔn ankà trɔ nɔn, fɛcüè dú anvɛmɛ̀n-frɛ́n-mɛ̀n n'eci-yé lɔ kruhú;

Matie 9:35

Zhezü ke ci anmàn cüìcüì mán anmàn cɛ hɔ̀n lɔ fɛn mɛ̀n; ne yé ankà y'Ɔwɔ-sɛ́n-wɔn lɔ mɛ̀n, nɛ dɔ́ Anhobɩ́-Nɛ̀ncüì-dúyri mɛẅi ankà Ankrànkràn lɔ, kɩ nɛ kɔrɛ ɛnlɔẅiɛ mɛ̀ntɛ mɛ̀ntɛ mán ɔkpɔ̀cɔ lɔẅiɛ hɔ̀n lɔ fɛn.

Markɛ̀n 6:12

Zhezü sɛ̀nkɛn-bɔ̀ lɔ hɔ̀n kɛ dɔ́ anwrɔn ɛnbɔrɛ-sàn-crɔn ankà.

Lükɛ̀n 23:5

Tɛ́n yɔ vru yɔ dɔ́ ecüìemɛ̀n le: “N'ankà-yé kɛ tán fɛcüè ezì-kɛ̀n. Nɛ̀n bukru Galile, nɛ̀n ci Zhüde kpɔsɔ wú, kɩ zɛtɛ̀ lɔ, nɛ́n và nɛ̀n cɔ́ ɛnu.”

Lükɛ̀n 8:1

Zɛntɛn Zhezü hɔ́n anmàn cüìcüì mán anmàn cɛ kɛ dɔ́ anwrɔn Ɛmɛẅi ankà Ankrànkràn léyi dú Anhobɩ́ Nɛ̀ncüì-dúyri ankà nɔn. N'ɛsɛnkɛn-bɔ̀ ɛvà-anhyrɛ̀ lɔ cɔ́ nɛ̀n mɛhi yɔ hɔ̀n,

Zhan 15:10

Ke dú kɛ nyɛ ẅɛn m'ɛnyànmàn hɔ̀n lɔ nyɛ hɛ́n hô, nyɛ lɛ yɛ́ m'ɛcüɛ̀n lɔ mɛ̀n, ke le dù kɛ lɛ hán mɛ̀n léyi mɛ̀n ẅɛn Dade nyànmàn hɔ̀n lɔ mɛ̀n hɛ́n kɩ mɛ̀n yɛ́ n'ɛcƐɛ̀n lɔ mɛ̀n nɔn.”

Zhan 15:14

Nyɛ́n dú m'annyran anvrɛn hɔ̀n, ke dú kɛ nyɛ hán eci léyi mɛ wá tán nyɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:2

hàn mán cɔ́ ɛnbì léyi nɛ̀n tɔhú nɛ̀n hɔ́n anhobɩ́ nɔn. Ɛnvra léyi nɛ lɛ tɔhú nɛ̀n hɔ́n anhobɩ́ nɔn, nɛ̀n tán anwrɔn hɔ̀n léyi nɛ̀n mrɛ́n nɛ́n bɩ, dú ɔkɔ̀hɔ̀n-wá-bɔ̀ nɔn, n'ankà-yé Ɛnhɛ́n Prɔnprɔn kɔrɛ̀srɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:42

Nɛ̀n wá tán bɔ̀, bɔ̀ dɔ́ fɛcüè Ɔwɔ ankà, ô bɔ̀ dɔ̀ le nɛ̀n dú ɔwrɔn léyi Ɔwɔ wá, ô kè ci ɔkɔrɛ-bɔ̀ mán owú-bɔ̀ ɛmrɛ̀n nɔn.

1 Tesalonikɛ̀n anmàn-bɔ̀ 4:2

Nyɛ́n nyri annanwɔrɛ mɛ̀n lɔ, ankà-yé hɔ̀n léyi bɔ̀ tán nyɛ̀n Ɛẅɛnwrɔn Zhezü bimɛ̀n nɔn.

2 Tesalonikɛ̀n anmàn-bɔ̀ 3:10

Annanwɔrɛ mɛ̀n lɔ, ɛnvra léyi bɔ̀ dú ny'anmàn nɔn, bɔ́ bi-dɔ́ nyɛ̀n le: “Ɔwrɔn léyi ke sɩ́ ji kɛ hán ɔkɔ̀hɔ̀n nɔn, ke sɩ́ ji le nɛ̀n zî ɛci mán.”

2 Tesalonikɛ̀n anmàn-bɔ̀ 3:6

Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci.

Kpàkpà timote 6:14

Ɛ̀ wá ɛnyanmàn léyi ɛ cɔ̀ nɔn, ɛ̀ ẅɛn nɛ̀n ɛ̀ hɛ́n ɛfifiemɛ̀n, ɛnbrá ke bɩ́ dú nɛ̀n edomɛ̀n hàn kɩ kɛ̀ cɔ̀ ɛnbɩ̀ léyi bɔ́ Ɛẅɛnwrɔn Zhezü Krisì kɛ lɛ srɔ nɔn.