Matie 10:4 - Ɛmɛẅi ankà ankrànkràn 2003

⁴ Simɔn léyi dú anmàn-ẅì nɔn mán Zhüda Iskariɔtɛ̀n léyi hɛ́ Zhezü nɔn.

Matie 10:4 Iomraidhean Croise

Matie 26:14

Zɛtɛn ɛsɛ̀nkɛn-bɔ̀ lɔ, ɔtɔ̀n léyi ye bi Zhüda Iskariɔtɛ̀n nɔn, hɔ́n cɔ́ Ɔwɔ-cice-bɔ̀ cüìcüì hɔ̀n

Matie 26:15

kɩ kɛ dɔ́ yɔ le: “Ecitan de nyɛ lɛ tán mɛ̀n ke dú kɛ mɛ ẅɛn Zhezü mɛ tán nyɛ̀n nɛ́n?” Ɔwɔ-cice-bɔ̀ cüìcüì hɔ̀n krɛ́ ɔkùa ẅì kɔ̀prɛ̀ ɛẅia-ɛvà ku Zhüda antamɛ̀n.

Matie 26:2

“Nyɛ́n nyri ɔmu le Ɛẅɛnwrɔn-bemɛ̀n-cì koran bì lɔ wɔrɔ ɛbi-anhyrɛ̀: Yɛ lɛ ẅɛn ɔwrɔnẅì Ẅì, kɩ yɛ lɛ gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n.”

Matie 26:47

Zhezü dú ankà-dɔ́ mɛ̀n kɩ Zhüda, Zhezü sɛ̀nkɛn-bɔ̀ lɔ ɔtɔ̀n nvà. Nɛ́n mán fɛcüè bobrebe mɛhi, anhà-kɔ́n-nyan mán antɛ̀ dú yɔ antamɛ̀n yɔ và. Ɔwɔ-cice-bɔ̀ cüìcüì hɔ̀n mán Zhüifɛ̀n-fɛcüè-bɔ̀ cüìcüì hɔ̀n de wá yɔ ɔkɔ̀hɔ̀n nɔn.

Matie 27:3

Ɛnvra léyi Zhüda kán ɔmu le ye le di Zhezü owúemɛ̀n nɔn, gbɔ̀gbɔ̀ bru nɛ̀n edù, kɩ nɛ̀n wɔrɔ ɔkùa kɔ̀prɛ̀ ɛẅia-ɛvà léyi Ɔwɔ-cice-bɔ̀ cüìcüì mán ɛcüìcüì-bɔ̀ tán nɛ̀n nɔn, nɛ́n hɔ̀n sɩ́ yɔ.

Markɛ̀n 14:10

Zɛtɛn Zhüda Iskariɔtɛ̀n, nɛ̀n dú Zhezü sɛ̀nkɛn-bɔ̀ ɛvà-anhyrɛ̀ lɔ ɔtɔ̀n; nɛ́n hɔ̀n nɛ́n dɔ́ Ɔwɔ-cice-bɔ̀ cüìcüì hɔ̀n lɔ le: “Mɛ lɛ ẅɛn Zhezü mɛ̀n tán nyɛ̀n.”

Markɛ̀n 14:43

Zhezü dú ankà-dɔ́ mɛ̀n kɩ Zhüda srɔ; nɛ̀n dú Zhezü sɛ̀nkɛn-bɔ̀ lɔ ɔtɔ̀n. Fɛcüè tɔ̀n dú nɛ̀n ɛtɛ̀sɛ̀n anhà-kɔ́n-nyan mán antɛ̀ dú yɔ antamɛ̀n. Ɔwɔ-cice-bɔ̀ cüìcüì hɔ̀n, ɛnyànmàn-gbànvri-ankà-yé-bɔ̀, mán ɛcüìcüì-bɔ̀ de wá yɔ ɔkɔ̀hɔ̀n nɔn.

Lükɛ̀n 22:3

Zɛtɛn, anwa-wrɔn bru Zhüda léyi ye bi Iskariɔtɛ̀n nɔn ɛnbɔrɛ mɛ̀n, nɛ́n léyi nɛ̀n dú Zhezü sɛnkɛn-bɔ̀ lɔ ɔtɔn nɔn.

Lükɛ̀n 22:47

Nɛ̀n dú ankà-dɔ́ mɛ̀n kɩ fɛcüè srɔ. Zhüda léyi dú Zhezü sɛnkɛn-bɔ̀ lɔ ɔtɔ̀n nɔn, nɛ́n de nɛ̀n dú fɛcüe lɔ ezì; nɛ́n sɔnba Zhezü ɛtɛsɛ̀n ô nɛ̀n wá yi angbà mɛ̀n.

Zhan 13:2

Zhezü mán n'ɛsɛnkɛn-bɔ̀ mɛhi ke zî ɔwɔɛ ci. Anwa-wrɔn gɔ́ ci Zhüda, Simɔn Iskariɔtɛ̀n ẅì, ɛnbɔrɛmɛ̀n ô kɛ̀ hɛ́ Zhezü.

Zhan 6:64

Tɛ́n ny'ɛmɛ̀n lɔ anwrɔn janbɔ̀ ke sɩ́ bútan ankaẅì.” Ɔmuhi Zhezü nyri ɛnkrubɔmɛ̀n hán hɛ́n anwrɔn hɔ̀n léyi ke sɩ́ bútan ankaẅì, kɩ nɛ̀n nyri ɔwrɔn léyi kɛ lɛ hɛ́ nɛ̀n nɔn.

Zhan 6:71

Zhezü kɛ dɔ́ Zhüda ankà, Simɔn Iskariɔtɛ̀n ẅì. Ɔmuhi Zhüda léyi dú n'ɛsɛnkɛn-bɔ̀ lɔ ɔtɔ̀n nɔn de kɛ lɛ hɛ́ nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:13

Ɛnvra léyi yɔ cɔ́ Zherüzalɛmɛ̀n anmàn nɔn, yɔ hɔ́n ɔwɔndà léyi dú ɔwɔn wú, hɩ ɛnbì lɔ fɛn yɔ và yɔ dú ɛmɛ̀n nɔn. Nyàn yɔ léyi yɔ dú nanvrɛn lɔ nɔn: Piɛrɛ̀n, Zhan, Zhakɛ̀n mán Andre, Filipɛ̀n mán Toma, Bartelemi mán Matie, Zhakɛ̀n Alfe ẅì, Simɔn biakpa-wrɔn lɔ mán Zhüdɛ̀n Zhakɛ̀n ẅì.

Ɔkɔ̀hɔ̀n-wá-bɔ̀ kɔ̀hɔ̀n hán 1:25

ô, ɔkɔ̀hɔ̀n-wá-bɔ̀ kɔ̀hɔ̀n ndɔ lɔ mɛ̀n, kè bɩ́ ɛyri léyi Zhüda teze hɔ́n ɔkɔ̀hɔ̀n léyi nɛ̀n mrɛ́n nɛ́n bɩ̀ nɔn mɛ̀n.”