Matie 10:2 - Ɛmɛẅi ankà ankrànkràn 2003

² Nyàn ɔkɔ̀hɔ̀n-wá-bɔ̀ ɛvà-anhyrɛ̀ hɔ̀n lɔ, y'ebɩ́: bukru Simɔn (léyi ye bi Piɛrɛ̀n nɔn) mán nɛ́n muan-ẅì andre; Zhakɛ̀n mán nɛ́n muan-ẅì Zhan, yɔ anwrɔn anhyrɛ̀ lɔ yɔ dú Zebede ẅì hɔ̀n;

Matie 10:2 Iomraidhean Croise

Matie 17:1

Ɛbi-ɔwole vacì, Zhezü bɩ́ Piɛrɛ̀n, Zhakɛ̀n mán Zhan, Zhakɛ̀n nɛ́n muan-ẅì, kɩ sɩ́ yɔ ɛnkpò vri tɔ̀n wú, kɩ nanvrɛn lɔ, yɔ, anwrɔn anzɔ̀ lɔ kɩ yɔ dù.

Matie 20:20

Zɛtɛn Zebede nɛ́n hi sɔnba Zhezü ɛtɛ̀sɛ̀n nɛ́n mán n'ɛẅì hɔ̀n anhyrɛ̀ lɔ; Zebede hi lɔ sɩ́ ɛnkru ɛnhi Zhezü zìwú, ô, kɛ̀ sán nɛ̀n eci tɔ̀n.

Matie 26:37

Zɛtɛn nɛ̀n bɩ́ Piɛrɛ̀n mán Zebede ẅì hɔ̀n anhyrɛ̀ lɔ yɔ hɔ̀n. Owù jansù mán obòtò bukru ke ku nɛ̀n edù.

Matie 4:18

Zhezü kɛ nán esù Galile nɛnbà cɛ gbàtà mùan kɩ nɛ̀n kán anwrɔn-nɛ́n-muan-ẅì hɔ̀n anhyrɛ̀ léyi kɛ hán ɛnshiemɛ̀n kɔ̀hɔ̀n, Simɔn (léyi ye bi Piɛrɛ̀n nɔn) mán nɛ́n muan-ẅì Andre; yɔ ze ɛdàn nɛnbà cɛ lɔ mɛ̀n.

Matie 4:21

Zhezü hɔ́n ezì esù-she kɩ kán Zhakɛ̀n mán nɛ́n muan-ẅì Zhan, yɔ dú Zebede ẅì hɔ̀n. Yɔ dú y'anhàka lɔ mɛ̀n yɔ mán yɔ zi Zebede mɛhi, kɩ yɔ brɛ́ yɔ ɛdàn lɔ. Zhezü bi yɔ;

Markɛ̀n 1:29

Ɛnvra zri lɔ mɛ̀n, yɔ dú Ɔwɔ-sɛ́n-wɔn lɔ mɛ̀n yɔ srɔ ɛntrɛ, yɔ hɔ́n Simɔn mán Andre wɔn lɔ mɛ̀n; yɔ mán Zhakɛ̀n mán Zhan mɛhi.

Markɛ̀n 13:3

Zhezü yɛ́ ɛnkpò cɛ tɔ̀n wúɛ, ɛyri léyi yɛ tɛ́ ɛẅì-shi-tɛ̀ hɔ̀n léyi ye bi olivie nɔn, crɛ ezì kɛ́n Ɔwɔ-cice-wɔn lɔ. Piɛrɛ̀n, Zhakɛ̀n, Zhan mán Andre, yɔ zri léyi yɔ dú nɛ̀n ɛtɛ̀sɛ̀n nɔn, yɔ yrɛ nɛ̀n le:

Markɛ̀n 6:30

Zhezü kɔ̀hɔ̀n-wá-bɔ̀ vru vá nɛ̀n ɛtɛ̀sɛ̀n kɩ kɛ dɔ́ nɛ̀n ɔkɔ̀hɔ̀n lɔ fɛn léyi yɔ hán kɩ yɔ yé nɔn hɩ ankà.

Lükɛ̀n 11:49

Hɩ le kruhú de Ɔwɔ, n'ankà-nyrì lɔ mɛ̀n, ndɔ̀ le: ‘Mɛ lɛ yüre yɔ Ɔwɔ-mùanwú-ankà-dɔ́-bɔ̀ mán ɔkɔhɔ̀n-wá-bɔ̀; yɔ le wri ndɔ hɔ̀n kɩ yɔ lɛ hán ɛnjanbɔ̀ ɛgbàn.’

Lükɛ̀n 22:14

Ɛnvra léyi ɛci-zî vra cɔ̀ nɔn, Zhezü mán n'ɔkɔhɔ̀n-wá-bɔ̀ ci tɛbrɛ̀ wú.

Lükɛ̀n 22:8

Zhezü wá Piɛrɛ̀n mán Zhan ɔkɔhɔ̀n, kɩ kɛ dɔ́ yɔ le: “Nyɛ́n hɔ̀n nyɛ́n gbrɛ́ bɔ́ Ɛẅɛnwrɔn-bemɛ̀n-cì koran ci-zî lɔ.”

Lükɛ̀n 5:10

Eci zri lɔ de wɔɛn tán, Simɔn nɛ́n nyran hɔ̀n léyi dú Zhakɛ̀n mán Zhan, Zebede ẅì hɔ̀n. Zɛtɛn Zhezü kɛ dɔ́ Simɔn le: “Ɛnjansù ke bɩ́ ẅɛn mɛ́n, bukru zɛtɛ̀ lɔ nɔn, anwrɔnẅì de ɛ vá ɛẅɛn yri nɔn.”

Lükɛ̀n 9:10

Ɔkɔhɔ̀n-wá-bɔ̀ lɔ vru ɛmɛẅí và kɩ kɛ dɔ́ Zhezü eci lɔ fɛn léyi yɔ hán nɔn yi ankà. Zhezü bɩ́ yɔ hɔ́n ɛyri tɔ̀n léyi ye bi Bɛtsahida nɛ́n mán yɔ mɛhi.

Zhan 12:22

Filipɛ̀n hɔ́n dɔ́ andre, kɩ yɔ, anwrɔn anhyrɛ̀ lɔ yɔ hɔ́n dɔ́ Zhezü.

Zhan 13:23

N'ɛsɛnkɛn-bɔ̀ lɔ ɔtɔ̀n, nɛ́n léyi Zhezü kɛ cüɛn nɛ̀n nɔn, yɛ́ Zhezü ɛtɛ̀sɛ̀n hán.

Zhan 20:2

Zɛtɛn nɛ̀n srɛ́ nɛ́n hɔ̀n cɔ́ Simɔn Piɛrɛ̀n mán ɛsɛnkɛn-wrɔn léyi Zhezü kɛ cüɛ̀n nɔn, kɩ nɛ dɔ́ yɔ le: “Ye bɩ́ Ɛẅɛnwrɔn yɛ sɔhɔ́ ɛnnanmàn mɛ̀n, kɩ bɔ̀ sɩ̀ nyrì ɛyri léyi yɛ hɛ́n nɛ̀n hán nɔn.”

Zhan 21:2

Simɔn Piɛrɛ̀n, Toma (léyi ye bi ɛshre ẅì nɔn), Natanaɛlɛ̀n (léyi dú Kana, Galile Kpɔsɔ wú wrɔn nɔn), Zebede ẅì hɔ̀n, mán Zhezü sɛnkɛn-bɔ̀ anyhrɛ̀, yɔ lɔ fɛn ye dú ɛyri zri.

Zhan 21:20

Piɛrɛ̀n crɛ ɛmɛẅi kɩ kán ɛsɛnkɛn-wrɔn léyi Zhezü kɛ cüɛ̀n nɔn (nɛ́n léyi nɛ̀n bɩ́ ɛnkru nɛ̀n bá Zhezü ɛtɛsɛ̀n ɛci-zîemɛ̀n kɩ ne yrɛ yi le: “Ɛẅɛnwrɔn, antɔn dú ɔwrɔn léyi kɛ lɛ hɛ́ mɛ́n nɛ́n?”)

Zhan 21:24

Ɛsɛnkɛn-wrɔn ndɔ lɔ, nɛ́n de nɛ́n dɔ̀ kɩ nɛ̀n merɛ̀n ankà ndɔ hɔ̀n lɔ fɛn, kɩ bɔ̀ nyri ɔmu le ankà léyi nɛ́n dɔ̀ nɔn dú annànwɔrɛ.

Zhan 6:67

Zhezü kɛ dɔ́ n'ɛsɛnkɛn-bɔ̀ ɛvà-anhyrɛ̀ lɔ le: “Nyɛ́n mán nye ji nyɛ́n hɔ̀n hàn?”

Zhan 6:70

Zhezü mrɛ́n yɔ ɔmùan le: “Mɛ̀n sɩ̀ mrɛ́n nyɛ́n, anwrɔn ɛvà-anhyrɛ̀ lɔ mɛ̀n bɩɛ? Ɔmu tɛ̀kɩ ny'ɛmɛ̀n lɔ ɔwrɔn tɔ̀n dú anwa-wrɔn!”

Zhan 6:71

Zhezü kɛ dɔ́ Zhüda ankà, Simɔn Iskariɔtɛ̀n ẅì. Ɔmuhi Zhüda léyi dú n'ɛsɛnkɛn-bɔ̀ lɔ ɔtɔ̀n nɔn de kɛ lɛ hɛ́ nɛ̀n nɔn.

Zhan 6:8

Zhezü sɛnkɛn-bɔ̀ lɔ, ɔtɔ̀n, ye bi Andre, Simɔn-Piɛrɛ̀n nɛ́n muan-ẅì, kɛ dɔ́ nɛ̀n le:

Ɔkɔ̀hɔ̀n-wá-bɔ̀ kɔ̀hɔ̀n hán 1:13

Ɛnvra léyi yɔ cɔ́ Zherüzalɛmɛ̀n anmàn nɔn, yɔ hɔ́n ɔwɔndà léyi dú ɔwɔn wú, hɩ ɛnbì lɔ fɛn yɔ và yɔ dú ɛmɛ̀n nɔn. Nyàn yɔ léyi yɔ dú nanvrɛn lɔ nɔn: Piɛrɛ̀n, Zhan, Zhakɛ̀n mán Andre, Filipɛ̀n mán Toma, Bartelemi mán Matie, Zhakɛ̀n Alfe ẅì, Simɔn biakpa-wrɔn lɔ mán Zhüdɛ̀n Zhakɛ̀n ẅì.

Ɔkɔ̀hɔ̀n-wá-bɔ̀ kɔ̀hɔ̀n hán 1:26

Yɔ wá ɛnsànse kɩ ɛnsànse mrɛ́n Matiasɛ̀n nbɩ̀, kɩ ye bɩ́ nɛ̀n yɛ srɛ́n ɔkɔ̀hɔ̀n-wá-bɔ̀ ɛvá-ɔtɔ̀n ndɔ hɔ̀n lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 12:2

Nɛ̀n hán ye wri Zhakɛ̀n léyi dú Zhan nɛ́n-muan-ẅì nɔn anhà-kɔ́n-nyan mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 3:1

Piɛrɛ̀n mán Zhan kɛ hɔ́n Ɔwɔ sɛ́n yri, ecice-wɔn lɔ mɛ̀n, ɔwɔɛmɛ̀n wacɛ̀n anhɔ̀n vra.

1 Korɛntɛ̀n anmàn-bɔ̀ 15:7

Zɛtɛn, nɛ̀n bɩ́ n'edomɛ̀n nɛ̀n yé Zhakɛ̀n mán ɔkɔ̀hɔ̀n-wá-bɔ̀ lɔ fɛn.

Efɛzɛ̀n anmàn-bɔ̀ 4:11

Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

1 Piɛrɛ̀n 1:1

Ebinyan ndɔ lɔ dú Piɛrɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn nɔn. Ebinyan lɔ dú anwrɔn hɔ̀n léyi Ɔwɔ mrɛ́n bɩ hɩ dú anwɔ̀nẅiemɛ̀n, bonyí ɔkpɔsɔ hɔ̀n léyi dú Pɔn, Galasi, Kapadɔsɛ̀n, Azi mán Bitini wú nɔn, yɔ tɛn.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn:

2 Zhan 1:1

Ebinyan ndɔ lɔ dú Ecüìcüì-wrɔn yri kɛ và nɔn, dú Ɛnnyɔnwrɔn léyi Ɔwɔ mrɛ́n bɩ, nɛ́n mán n'ɛẅì hɔ̀n léyi mɛ cüɛn annanwɔrɛ mɛ̀n nɔn tɛn. Kè sɩ̀ dù mɛ́n zri de mɛ cüɛn nyɛ̀n nɔn, tɛ́n anwrɔn hɔ̀n lɔ fɛn léyi nyri ankaẅì annanwɔrɛ,

3 Zhan 1:1

Ebinyan ndɔ lɔ dú Ecüìcüì-wrɔn yri kɛ và nɔn, dú annyran anvrɛn Gahiüsɛ̀n léyi mɛ cüɛn annanwɔrɛ mɛ̀n nɔn tɛn.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!

Ɔwɔ-mɛ̀n-yrikàn 22:8

Mɛ̀n, Zhan, mɛ̀n yá kɩ mɛ̀n kán ɛci ndɔ hɔ̀n lɔ. Kɩ ɛnvra léyi mɛ̀n yá kɩ mɛ̀n kán yɔ nɔn, mɛ̀n bore Ɔwɔ kùyüre-wrɔn léyi yé mɛ̀n eci hɔ̀n lɔ nɔn, annan zìwú, ô mɛ̀n cüe nɛ̀n ankɔrɛ̀ ezìwúɛ.