Matie 10:1 - Ɛmɛẅi ankà ankrànkràn 2003

¹ Zhezü bi n'ɛsɛ̀nkɛn-bɔ̀ ɛvà-anhyrɛ̀ lɔ kɩ nɛ̀n tán yɔ ɛkɔrɛ̀srɔn ô yɔ kɛ́n anhɛ́n gbàngbàn hɔ̀n ɛsɛ̀n, yɔ kɔrɛ ɛnlɔẅiɛ hɔ̀n lɔ fɛn mán ɔkpɔ̀cɔ lɔẅiɛ lɔ fɛn.

Matie 10:1 Iomraidhean Croise

Matie 19:28

Zhezü kɛ dɔ́ yɔ le: “Mɛ dɔ́ nyɛ̀n annànwɔrɛ mɛ̀n le: ɛnvra léyi ɔwrɔnẅì Ẅì kɛ lɛ yɛ́ n'ecizrɔ gbú-tobù lɔ wú, ɛwúvà wrù lɔ mɛ̀n nɔn, nyɛ́n anwrɔn ɛvà-anhyrɛ̀ hɔ̀n léyi nyɛ́n kɛ́n mɛ̀n ɛsɛ̀n nɔn, nyɛ lɛ yɛ́ ɔmu zri lɔ ɛgbú-tobù wú, nyɛ́n ci Izraɛlɛ̀n mɛ̀n kru ɛvà-anhyrɛ̀ lɔ ɛmrɛ̀n.

Matie 26:20

Ɛnvra léyi ɔwɔɛmɛ̀n ncɔ̀ nɔn, Zhezü mán n'ɛsɛ̀nkɛn-bɔ̀ mɛhi ci tɛbrɛ̀ wú.

Matie 26:47

Zhezü dú ankà-dɔ́ mɛ̀n kɩ Zhüda, Zhezü sɛ̀nkɛn-bɔ̀ lɔ ɔtɔ̀n nvà. Nɛ́n mán fɛcüè bobrebe mɛhi, anhà-kɔ́n-nyan mán antɛ̀ dú yɔ antamɛ̀n yɔ và. Ɔwɔ-cice-bɔ̀ cüìcüì hɔ̀n mán Zhüifɛ̀n-fɛcüè-bɔ̀ cüìcüì hɔ̀n de wá yɔ ɔkɔ̀hɔ̀n nɔn.

Matie 4:23

Zhezü ci Galile kpɔsɔ lɔ fɛn wú; ne yé yɔ ankà Ɔwɔ-sɛ́n-wɔn hɔ̀n lɔ fɛn léyi dú ɔkpɔsɔ lɔ wú nɔn mɛ̀n, nɛ dɔ́ Ɛmɛẅi ankà Ankrànkràn léyi dú Anhobɩ́-Nɛ̀ncüì-dúyri ankà, kɩ nɛ kɔrɛ y'ɛnlɔẅiɛ lɔ fɛn mán ɔkpɔ̀cɔ-lɔẅiɛ mɛ̀ntɛ mɛ̀ntɛ.

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Matie 9:35

Zhezü ke ci anmàn cüìcüì mán anmàn cɛ hɔ̀n lɔ fɛn mɛ̀n; ne yé ankà y'Ɔwɔ-sɛ́n-wɔn lɔ mɛ̀n, nɛ dɔ́ Anhobɩ́-Nɛ̀ncüì-dúyri mɛẅi ankà Ankrànkràn lɔ, kɩ nɛ kɔrɛ ɛnlɔẅiɛ mɛ̀ntɛ mɛ̀ntɛ mán ɔkpɔ̀cɔ lɔẅiɛ hɔ̀n lɔ fɛn.

Matie 9:38

Nyɛ́n sɛ́n ɛkɛ̀tɛ̀-nɛ́n-zi kɛ̀ hán ɔkɔ̀hɔ̀n-hán-bɔ̀ bobrebe kɛ̀ hɔ̀n küɛ ɛci kè sɩ́ ɛbemɛ̀n.”

Lükɛ̀n 10:19

Nyɛ́n die nukùɛ: mɛ̀n tán nyɛ̀n ɛkɔrɛsrɔn ô nyɛ́n nán esù ɛnlɛbri mán ɛkrá ɛwú, ô nyɛ́n boyɛ egbri-wrɔn kɔrɛ̀-srɔn lɔ fɛn, kɩ eci-gbàngbàn zriɛmɛ́n ke sɩ̀ hán nyɛ̀n.

Lükɛ̀n 21:15

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

Lükɛ̀n 24:49

Kɩ mɛ́n dùku me le yüre nyɛ̀n eci léyi Dade wá ɔmùan nɔn. Tɛ́n ke ji le nyɛ́n yɛ́ anmàn, hàn kɩ kɛ cɔ́ ɛnvra léyi anhobɩ́ kɔrɛ̀srɔn lɔ kɛ lɛ kàkɛ nyɛ̀n ɛwú nɔn.”

Lükɛ̀n 6:13

Ɛnvra léyi ɛyri wó nɔn, nɛ̀n bi n'ɛsɛnkɛn-bɔ̀, nɛ̀n mrɛ́n anwrɔn ɛvá-anhyrɛ̀ nɛ́n bɩ, kɩ nɛ̀n wá yɔ ebi: ɔkɔhɔ̀n-wá-bɔ̀.

Zhan 17:2

Ɔmuhi ɛ̀ tán nɛ̀n ɛkɔrɛ̀srɔn anwrɔnẅì lɔ fɛn wú, ô nɛ̀n hán anwrɔn lɔ fɛn léyi ɛ̀ tán nɛ̀n nɔn, kɛ̀ cɔ́ ɛwúvà léyi ke sɩ́ trɔa nɔn.

Zhan 3:27

Zhan mrɛ́n yɔ ɔmùan le: “Ɔwrɔn zriɛmɛ́n ke sɩ̀ ẅɛn ɛci zriɛmɛ́n rɔ́, ke dú kɛ Ɔwɔ kè sì tán nɛ̀n.

Zhan 3:35

Ɛnẅì nɛ́n zi kɛ cüɛ́n Ɛnẅì, kɩ tán nɛ̀n ɛkɔrɛ̀srɔn eci lɔ fɛn mɛ̀n.

Zhan 6:70

Zhezü mrɛ́n yɔ ɔmùan le: “Mɛ̀n sɩ̀ mrɛ́n nyɛ́n, anwrɔn ɛvà-anhyrɛ̀ lɔ mɛ̀n bɩɛ? Ɔmu tɛ̀kɩ ny'ɛmɛ̀n lɔ ɔwrɔn tɔ̀n dú anwa-wrɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 1:8

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 19:15

Tɛ́n ɛnbì tɔ̀n ɛnhɛ́n gbangbàn lɔ mrɛ́n yɔ ɔmùan le: “Mɛ̀n nyri Zhezü, kɩ mɛ̀n nyri ɔwrɔn léyi dú Pɔlɛ̀n nɔn: tɛ́n nyɛ́n, antɔn hɔ̀n dú nyɛ̀n hàn?”

Ɔwɔ-mɛ̀n-yrikàn 12:1

Eci-woroanci cüìcüì tɔ̀n srɔ anhobɩ́: ɛnnyɔnwrɔn tɔ̀n léyi ẅɛn ɛnbri-ci edòmɛ̀n, okù dú nɛ̀n annantrɛ krùgbɛ̀n kɩ okùcànkrò ɛvà-anhyrɛ̀ krusɔn-ci dú nɛ̀n ɛnkru.