Matie 1:1 - Ɛmɛẅi ankà ankrànkràn 2003

¹ Nyàn Zhezü Krisì nɛ́n nancüì hɔ̀n bi, nɛ́n léyi nɛ̀n dú Davidɛ̀n cokomɛ̀n-wrɔn hɩ Davidɛ̀n mumù mán dú Abrahamɛ̀n mɛ̀n mɛ̀n-wrɔn nɔn.

Matie 1:1 Iomraidhean Croise

Matie 1:18

Nyàn ɔmu le ye bî Zhezü Krisì nɔn. Mari, nɛ́n muan, yɛ sɔ́n ɔmùan yɛ tán Zhozɛfɛ̀n; tɛ́n nɛ́n mán nɛ́n cüì mɛhi yɔ vá sɔ́n ebɩ́ kɩ Mari sɩ́ ɛmɛ̀ntɛ̀ Ɛnhɛ́n Prɔnprɔn cüìemɛ̀n.

Matie 1:2

Abrahamɛ̀n dú Izaakɛ̀n nɛ́n zi; Izaakɛ̀n dú Zhakɔbɛ̀n nɛ́n zi; Zhakɔbɛ̀n dú Zhüda mán nɛ́n muan-ẅì hɔ̀n yɔ zi;

Matie 15:22

Kanan anmàn nyɔnwrɔn tɔ̀n léyi dú ɔkpɔsɔ ndɔ lɔ wú vá Zhezü ɛtɛ̀sɛ̀n kɩ ke di bobo dɔ́ nɛ̀n le: “Ankà-yé-wrɔn, Davidɛ̀n Ẅì, è nyri mɛ̀n ɛnhyɔ̀bɔ̀! Ɛnhɛ́n gbàngbàn tɔ̀n ke di m'ɛnnyɔnwrɔn-ẅì ejüe, nɛ̀n dú ɛgbànkàn mɛ̀n.”

Matie 3:16

Ɛnvra léyi yɛ wá Zhezü ɛnshi ɛnkru trɔ nɔn, nɛ̀n dú ɛnshiemɛ̀n nɛ̀n srɔ ɛntrɛ. Ɛnvra zri lɔ anhobɩ́ gbɛ́ ɔmùan: nɛ̀n kán Ɔwɔ Hɛ́n kakɛ hán brɛndre hɔ́ kɩ hɔ́ncɔ́ nɛ̀n.

Matie 9:27

Ɛnvra léyi Zhezü cɔhɔ́ ɛyri léyi nɛ́n dù nɔn, anvɛ̀-bɔyɛ-bɔ̀ anhyrɛ̀ dú nɛ̀n ɛmɛẅi kɛ kɛ́n nɛ̀n ɛsɛ̀n kɩ ke di bobo kɛ dɔ̀ le: “È nyri bɔ̀ ɛnhyɔ̀bɔ̀, Davidɛ̀n ẅì!”

Lükɛ̀n 1:33

Kɩ nɛ lɛ ẅɛn Izraɛlɛ̀n fɛcüè ɛnvra lɔ fɛn, kɩ n'ɛyri-ẅɛ̀n lɔ ke sɩ̀ trɔ mrìmrì.”

Zhan 7:42

Owrú Prɔnprɔn kɛ dɔ̀ le, Ebɩ̀die-wrɔn ke le dú Davidɛ̀n mɛẅi wrɔn tɔ̀n, kɩ ne le dú Bɛtlehɛmɛ̀n nɛ̀n và, anmàn léyi Davidɛ̀n sɔ́n ebɩ́ nanvrɛn nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:30

Tɛ́n nɛ̀n dú Ɔwɔ-muanwú-ankà-dɔ́-wrɔn kɩ nɛ̀n nyri ɔmu le, Ɔwɔ wá nɛ̀n ɔmùan le, nɛ́n nan-ẅì hɔ̀n lɔ ɔtɔ̀n ke le dú ɛnnɛ̀ncüì kè bɩ́ n'ɛyɛ́-yri lɔ.

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 4:13

Ɔwɔ wá Abrahamɛ̀n mán n'ɛmɛẅi-bɔ̀ ɔmùan le nɛ lɛ tán yɔ ɛnhibù lɔ. Ɔmùan-wá ndɔ lɔ Ɔwɔ tán nɔn, kè sɩ̀ dù hɩ le Abrahamɛ̀n kɛ wá ɛnyànmàn nɔn kruhú, tɛ́n, ɔmuhi Ɔwɔ bɩ́ nɛ̀n srɔ ɛnyrɔnnan-wrɔn n'ankaẅì-bùtan-ẅɛn mɛ̀n nɔn.

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

Galasi anmàn-bɔ̀ 3:16

Zɛtɛn, Ɔwɔ wá Abrahamɛ̀n mán n'ɛmɛẅi-wrɔn ɔmùan. Ɛwrú Prɔnprɔn ke sɩ́ dɔ́ le: “Mán n'ɛmɛẅi-bɔ̀”, kɛ hán tán le anwrɔn bobrebe hɔ̀n ankà de yɛ dɔ̀ nɔn; Ɛwrú kɛ dɔ̀ le: “Mán v'ɛmɛẅi-wrɔn”, ankà-dɔ̀ ndɔ lɔ mɛ̀n, ne yé ɔwrɔn zri kɩ, nɛ́n de nɛ̀n dú Krisì nɔn.

Kpàkpà timote 2:5

Ɔmuhi Ɔwɔ zri kɩ dù kɩ ɔwrɔn zri Zhezü Krisì dú Ɔwɔ mán anwrɔnẅì granmɛ̀n nyɔnwrɔn, ɔwrɔnẅì Zhezü Krisì

Anhyrɛmɛ̀n timote 2:8

Zhezü Krisì ankà ke bru mɛ́n, nɛ́n léyi nɛ̀n dú Davidɛ̀n mɛẅi-wrɔn, kɩ dú owú bɔ̀ mɛ̀n vá ɔkɔrɛ bɔ̀ mɛ̀n, hán ɔmu le Ɛmɛẅi ankà Ankrànkràn léyi mɛ dɔ́ n'ankà ke yé nɔn.

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”