Markɛ̀n 8:2 - Ɛmɛẅi ankà ankrànkràn 2003

² “Fɛcüè ndɔ lɔ ankà kɛ hán mɛ̀n ɛnhyɔ̀bɔ̀, ɔmuhi ɛbi anhɔ̀n de yɔ dú mɛ̀n ɛtɛ̀sɛ̀n kɩ ɛci-zî mán trɔ yɔ nɔn.

Markɛ̀n 8:2 Iomraidhean Croise

Matie 14:14

Ɛnvra léyi Zhezü dú anhàka mɛ̀n kakɛ nɔn, nɛ̀n kán fɛcüè vri tɔ̀n; ɛnhyɔ̀bɔ̀ yɩ́ n'ɛnbɔrɛ lɔ mɛ̀n anwrɔn ndɔ hɔ̀n lɔ kruhú kɩ nɛ̀n bukru nɛ kɔrɛ y'ɛnlɔẅiɛ-bɔ̀.

Matie 20:34

Zhezü nyri yɔ ɛnhyɔ̀bɔ̀ kɩ tɛ́ y'anvɛ̀ lɔ ɛkɔrɛ̀; ɛnvra zri lɔ, anwrɔn anhyrɛ̀ lɔ kán ɛyri, kɩ yɔ kɛ́n nɛ̀n ɛsɛ̀n.

Matie 9:36

Ɛnhyɔbɔ̀-nyrì yɩ́ n'ɛnbɔrɛ lɔ mɛ̀n tán fɛcüè hɔ̀n léyi nɛ kàn, ɔmuhi anwrɔn ndɔ hɔ̀n lɔ dú edùkamɛ̀n kɩ edù wú yɔ, hán le annɔ̀n kà léyi kè sɩ̀ ẅɛ̀n ɔkùa-wrɔn nɔn.

Markɛ̀n 1:41

Zhezü nyri nɛ̀n ɛnhyɔ̀bɔ̀, tɛ́ nɛ̀n ɛkɔrɛ̀ kɩ kɛ dɔ́ nɛ̀n le: “Me ji, è fì!”

Markɛ̀n 5:19

Zhezü kè sɩ̀ shrì kɛ tán nɛ̀n ɛkɔrɛ̀levri, tɛ́n dɔ́ nɛ̀n le: “Vrù ɛmɛẅi hɔ̀n ɛbemɛ̀n, v'ɛmɛ̀n mɛ̀n, ô ɛ̀ dɔ́ yɔ eci léyi Ɛnnɛ̀ncüì hán tán mɛ́n n'ɛnhyɔ̀bɔ̀-nyrì lɔ mɛ̀n nɔn.”

Markɛ̀n 6:32

Zhezü mán n'ɛsɛ̀nkɛn-bɔ̀ mɛhi bru anhàka mɛ̀n, sɔnba ɔhɔnán ɛyri tramɛ̀n.

Markɛ̀n 6:34

Ɛnvra léyi Zhezü dú anhàka mɛ̀n kakɛ nɔn, nɛ̀n kán fɛcüè vri ndɔ lɔ; n'ɛnbɔrɛ lɔ ẅɛn obòtò y'ɛwú, ɔmuhi yɔ dù yɔ cá annɔ̀n hɔ̀n léyi kè sɩ̀ ẅɛn ɔkùa-wrɔn nɔn. Kɩ nɛ̀n bukru ne yé yɔ ankà bobrebe.

Markɛ̀n 8:3

Ke dú kɛ mɛ hán yɔ yɔ vru ɛmɛẅi ɔmùanwúemɛ̀n, yɔ lɛ cɔ́ ɛjɛ̀ ɛnlevri wanzi, ɔmuhi anwrɔn ndɔ hɔ̀n dú esù she và nɔn.”

Markɛ̀n 9:22

Kɩ ɛnvra zrizri ɛnhɛ́n lɔ kɛ kɔ́n nɛ̀n di ɛnhyà mɛ̀n mán ɛnshiemɛ̀n, ô nɛ̀n hán yi kè wù. Tɛ́n è nyri bɔ̀ ɛnhyɔ̀bɔ̀, ɛ̀ wá bɔ̀ ɛkɔrɛ̀, ke dú kɛ ɛ lɛ hán tɛ̀!”

Lükɛ̀n 15:20

Kɩ nɛ̀n bru ɛnlevri nɛ wrɔ́ nɛ́n zi hɔ̀n. Nɛ̀n dú esù she kɩ nɛ́n zi kán nɛ̀n, ɛnhyɔ̀bɔ̀ cɔ́ nɛ́n zi; nɛ́n zi srɛ́ hɔ́n brɛ́ nɛ̀n nmù, wá nɛ̀n angbàmɛ̀n.

Lükɛ̀n 7:13

Ɛnvra léyi, Ɛẅɛnwrɔn kán nɛ̀n nɔn, ɛnhyɔ̀bɔ̀ cɔ́ nɛ̀n, kɩ nɛ dɔ́ ɛngrɔn-hi lɔ le: “E bɩ́ wú eyú.”

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 4:15

Bɔ̀ sɩ̀ ẅɛ̀n Ɔwɔ-cice-wrɔn cüìcüì léyi ke sɩ̀ ẅɛn ecüì kè cɔ́ bɔ̀ mɛhi, bɔ̀ kán ɛgbàn, bɔ́ ɛjɛ̀ hɔ̀n lɔ mɛ̀n nɔn. Tɛ́n b'Ɔwɔ-cice-wrɔn cüìcüì lɔ srɔ́n ɛwɔ̀ɛn-nyan ɛsù eci lɔ fɛn mɛ̀n hán bɔ́ hɔ́, tɛ́n nɛ̀n sɩ̀ hán ɛgbàn zriɛmɛ́n.

Ebre-bɔ̀ 5:2

Nɛ́n mumù mán nɛ̀n dú ɛjɛ̀ wɔ̀ɛn-nyan mɛ̀n; ke ji le nɛ̀n yá anwrɔn hɔ̀n léyi ke sɩ́ nyri ankà mán yɔ hɔ̀n léyi kɛ hán ɛzɛ́n-ci nɔn.