Markɛ̀n 7:2 - Ɛmɛẅi ankà ankrànkràn 2003

² Yɔ kán ɔmu le n'ɛsɛ̀nkɛn-bɔ̀ jan ke sɩ́ juru ankɔrɛ̀ kɩ ke zî ɛci ke si hán ɔmu le Ɔwɔ nyànmàn wá tán nɔn.

Markɛ̀n 7:2 Iomraidhean Croise

Matie 15:2

“Cɛci kruhú kɛ̂ v'ɛsɛ̀nkɛn-bɔ̀ tɛn ke sɩ́ ẅɛn ɛcüìcüì-bɔ̀ nyànmàn léyi tán bɔ̀ nɔn kɛ hɛ́n hán nɛ̀n? Ɔmuhi yɔ sɩ́ juru ankɔ̀rɛ̀, hán ɔmu le ɛnyànmàn kɛ wá tán nɔn kɩ yɔ zî ɛci.”

Markɛ̀n 7:5

Ɔwɔ-nyànmàn-sùva-wá-bɔ̀ mán ɛnyànmàn-gbànvri-ankà-yé-bɔ̀ ke yrɛ Zhezü le: “Ecitan kruhú kɛ v'ɛsɛ̀nkɛn-bɔ̀ tɛ́n ke sɩ́ ẅɛn ɛcüìcüì-bɔ̀ nyànmàn ankà kɛ hɛ́n hán, ke sɩ́ juru ankɔrɛ̀ kɩ ke zî ɛciɛ?”

Lükɛ̀n 11:38

Ɛnyanmàn-sùva-wá-wrɔn lɔ, ankà kɛ frɛ́n anvɛmɛ̀n ɛnvra léyi nɛ̀n nyri ɔmu le Zhezü ke sɩ̀ jùrù ankɔrɛ̀ kɩ ke zî ɛci nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:28

Piɛrɛ̀n kɛ dɔ́ yɔ le: “Nyɛ́n nyri ɔmu le Zhüifɛ̀n-wrɔn kè sɩ̀ ẅɛ̀n ɛkɔrɛ̀-levri, n'Ɔwɔ-wɔn lɔ mɛ̀n, nɛ̀n hɔ̀n nyan ɛmɛ̀n-nyantɛn-wrɔn, hɩ ká kɛ́n n'ɛbemɛ̀n bru, n'Ɔwɔ nyanmàn lɔ ke sɩ́ tán nɛ̀n. Tɛ́n, Ɔwɔ yé mɛ̀n le mɛ́n bɩ́ krɛ́ ɔwrɔn zriɛmɛ́n ɛnbramɛ̀n-wrɔn léyi ye sɩ̀ hɔ̀n yɛ nyan rɔ́ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:8

Tɛ́n mɛ̀n mrɛ́n ɔmùan le: ‘Hɔ̂! Ɛẅɛnwrɔn, ɔmuhi ɛnbì zriɛmɛ́n ɛnbrá mɛ̀n ci kɛ vá bru m'ɔmùan lɔ mɛ̀n mrìmrì nɔn.’

Rɔmɛ̀n-anmàn-bɔ̀ 14:14

Ɛẅɛnwrɔn Zhezü bɩmɛ̀n lɔ, mɛ̀n nyri annanwɔrɛ mɛ̀n le, ɛnbrá-ci zriɛmɛ́n bàdà ɔwrɔn edomɛ̀n. Tɛ́n ke dú kɛ ɔwrɔn tɔ̀n kɛ ẅɛn ankà-tro le eci tɔ̀n dú ɛnbrámɛ̀n-ci, eci lɔ dú ɛnbrá-ci tán nɛ̀n.

Ebre-bɔ̀ 10:29

Zɛtɛn, anhɔntan de kɛ lɛ hán kè dù tán ɔwrɔn léyi kɛ ẅɛn Ɔwɔ Ẅì gbrì, kɩ ke bɩ́ nɛ́n mìrɛ̀n-krɛ̀ léyi hɩ ɛmɛ̀n nɛ̀n cɔ́ edòmɛ̀n fí, kɩ kɛ wɔra Ɛnhɛ́n Prɔnprɔn léyi dú boafɔ̀n shibɛ́, hɩ ke bɩ́ nɛ̀n kɛ srɔ eci woro nɛ́n? Nyɛ́n ku anvɛ̀ nyɛ́n nyan ɛgbàn ẅɔ̀ɛn-dì vri shishi léyi ke le dú nɛ tɛn nɔn!

Ɔwɔ-mɛ̀n-yrikàn 21:27

Tɛ́n ɛnbrá-ci zriɛmɛ́n ke sɩ̀ bru anmàn ndɔ lɔ mɛ̀n, ɔwrɔn léyi kɛ hán ɛci-promɛ̀n mán ɛyɔ̀n kɔ̀hɔ̀n nɔn. Yɔ léyi ye merɛ́n y'ebi ɔkɔrɛ-wrú léyi dú Ɔwɔ-Kɔ̀kɔ̀sɛ̀-ẅì lɔ tɛn nɔn, yɔ zri kɩ yɔ le bru anmàn ndɔ lɔ mɛ̀n.