Markɛ̀n 3:3 - Ɛmɛẅi ankà ankrànkràn 2003

³ Zhezü kɛ dɔ́ ɔwrɔn léyi ɛkɔrɛ̀ wù nɔn le: “Tɔhú nyɔn, ɛnu lɔ, anwrɔn lɔ fɛn zìwú.”

Markɛ̀n 3:3 Iomraidhean Croise

Matie 12:10

Ɔwrɔn tɔ̀n dú nanvrɛn lɔ ɛkɔrɛ̀ nwù. Ɔwɔ-nyànmàn-sùva-wá-bɔ̀ ke ji ke di Zhezü ankà mɛ̀n; hɩ le kruhú de yɔ yrɛ nɛ̀n le: “Bɔ́ ɛnyànmàn lɔ kɛ tán ɛkɔrɛ̀levri yɛ kɔrɛ ɔwrɔn ɛnyànmán-bì lɔa?”

Markɛ̀n 3:2

Anwrɔn hɔ̀n léyi dú nanvrɛn nɔn kɛ sɔ́n Zhezü ɛvɛ̀ ô kɛ̀ nyan ke dú kɛ nɛ lɛ kɔrɛ ɔwrɔn lɔ ɛnyànmánbì lɔ, ɔmuhi yɔ ji yɛ vra anẅìɛ yɔ tán nɛ̀n nɔn.

Markɛ̀n 3:4

Zɛtɛn, Zhezü ke yrɛ anwrɔn léyi kɛ nyan nɛ̀n nɔn le: “Ecitan de bɔ́ ɛnyànmàn lɔ kɛ wá tán nɛ́n? Zrɔ tán le ɛnyànmánbì lɔ yɛ hán anvrɛn kàle yɛ hán ɛgbàn hàn? Ye bɩ́ ɔwrɔn ye die kàle yɛ jrɛ́ nɛ̀n nɛ́n?” Tɛ́n yɔ sɩ́ ji yɔ mrɛ́n ɔmùan.

Lükɛ̀n 6:8

Tɛ́n Zhezü nyri y'ankà-tro. Nɛ dɔ́ ɔwrɔn léyi ɛkɔrɛ̀ nwù nɔn le: “Tɔhú nyɔn ɛnu lɔ, anwrɔn lɔ fɛn zìwúɛ.” Ɔwrɔn lɔ tɔhú, kɩ nyɔn anwrɔn lɔ fɛn zìwú.

Zhan 9:4

Ɛnvra ɔmu léyi ɛcɛ̀n cüe nɔn, ke ji le bɔ̀ hán ɔwrɔn léyi wá mɛ̀n ɔkɔhɔ̀n nɔn, n'ɛkɔrɛzì-ci; ɛnnyran kɛ vá ɛgɔ̀n-yri kɩ ɔwrɔn zriɛmɛ́n ke sɩ̀ hán ɔkɔhɔ̀n rɔ́.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

Galasi anmàn-bɔ̀ 6:9

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

Filipɛ̀n anmàn-bɔ̀ 1:14

Hɩ le yɛ kán mɛ̀n anwɔn-mɛ̀n-wá-wɔn mɛ̀n nɔn, anwrɔn-nɛ́n-muan-ẅì hɔ̀n janbɔ̀ cɔ́ esɛ́ Ɛẅɛnwrɔn mɛ̀n, hán tán kɩ yɔ bobrebe, ɛnjansù ke sɩ́ ẅɛn hán Ɔwɔ ankà-dɔ́ mɛ̀n.

1 Piɛrɛ̀n 4:1

Ɔmuhi Krisì kán ɛgbàn n'edùwru ẅia mɛ̀n nɔn, nyɛ́n mán nyɛ́n ẅɛn edùyì zri lɔ, kè dú nyɛ̀n ɛnhɛ́n mɛ̀n; ɔmuhi ɔwrɔn léyi kán ɛgbàn n'edùwru ẅia mɛ̀n nɔn, nɛ́n mán ɛgbàn mɛhi y'eci-hán trɔ.