Markɛ̀n 2:12 - Ɛmɛẅi ankà ankrànkràn 2003

¹² Kpatakpata lɔ, tɛ́n anwrɔn lɔ fɛn kɛ nyan nɛ̀n, kɩ ɛnlɔẅiɛ-wrɔn lɔ tɔhú bɩ́ n'ɛnkpà kɩ hɔ̀n. Yɔ lɔ fɛn yɔ dú anvɛmɛ̀n-frɛ́n-mɛ̀n. Yɔ mrɛ́n Ɔwɔ kɩ yɔ dɔ̀ le: “Ɛnbì zriɛmɛ́n bɔ́ vá kán eci ndɔ ɔmu lɔ!”

Markɛ̀n 2:12 Iomraidhean Croise

Matie 12:23

Fɛcüè hɔ̀n lɔ fɛn dú anvɛmɛ̀n-frɛ́n-mɛ̀n kɩ yɔ dɔ̀ le: “Ne le dú Davidɛ̀n ẅì hɛ̀?”

Matie 15:31

Anwrɔn dú anvɛmɛ̀n-frɛ́n-mɛ̀n ɛnvra léyi yɔ kán ɔmurɛ́n-bɔ̀ kɛ dɔ́ ankà, ɔkpɔ̀cɔ-bɔ̀ mán annan-kpò-bɔ̀ kɛ nán esù, kɩ anvɛ̀-bɔyɛ-bɔ̀ ke kán ɛyri, kɩ anwrɔn lɔ fɛn bukru kɛ mrɛ́n Izraɛlɛ̀n Wɔ.

Matie 9:33

Ɛnvra lɔ tɛ̀ léyi Zhezü wrɔ ɛnhɛ́n ndɔ lɔ nɔn, ɔmurɛ́n-wrɔn lɔ bukru kɛ dɔ́ ankà. Fɛcüè hɔ̀n dú anvɛmɛ̀n-frɛ́n-mɛ̀n kɩ kɛ dɔ̀ le: “Bɔ́ vá kán mrìmrì Izraɛlɛ̀n ɛnhi wú lɔ, eci zriɛmɛ́n kɛ̀ krɔn ndɔ lɔ!”

Matie 9:8

Ɛnvra léyi fɛcüè kán eci ndɔ lɔ nɔn, ɛnjansù bru yɔ kɩ yɔ mrɛ́n Ɔwɔ léyi tán anwrɔnẅì ɛkɔrɛ̀srɔn ndɔ lɔ nɔn.

Markɛ̀n 1:27

Hán tán kɩ anwrɔn lɔ fɛn dú anvɛmɛ̀n frɛ́n vriemɛ̀n, kɩ yɔ yrɛ y'edomɛ̀n le: “Ecitan dú ndɔ lɔa? Ankà-yé wrù tɔ̀n yɛ tán ɛkɔrɛ̀levriemɛ̀n! Ɔwrɔn ndɔ lɔ kɛ wá ɛnyànmàn tán anhɛ́n gbàngbàn hɔ̀n kɩ yɔ die nɛ̀n nukùɛ!”

Markɛ̀n 2:11

“Mɛ dɔ́ mɛ́n, tɔhú, bɩ v'ɛnkpà lɔ hɔ̀n ɛbemɛ̀n!”

Lükɛ̀n 13:13

Nɛ̀n bɩ́ ankɔrɛ̀ nɛ̀n di yi ɛwú, kɩ ɛnvra zri lɔ, ɛnnyɔnwrɔn lɔ wrɔn ɛwú, kɩ bukru kɛ mrɛ́n Ɔwɔ.

Lükɛ̀n 17:15

Ɛnzri dú ɛmɛ̀n, ɛnvra léyi nɛ̀n kán ɔmu le nɛ́n kɔrɛ̀ nɔn, nɛ̀n vru ɛmɛẅi nɛ́n hɔ̀n nɛ mrɛ́n Ɔwɔ ɔmùan ɛwú sɩ́emɛ̀n.

Lükɛ̀n 5:26

Yɔ lɔ fɛn, yɔ dú anvɛmɛ̀n-frɛ́n mɛ̀n. Yɔ mrɛ́n Ɔwɔ, ɛnjansù mán dú yɔ edomɛ̀n, kɩ yɔ dɔ̀ le: “Ɛnyɔncì lɔ, bɔ̀ kán ɛci anvrɛnvrɛn!”

Lükɛ̀n 7:16

Yɔ lɔ fɛn, ɛnjansù bru yɔ; yɔ mrɛ́n Ɔwɔ kɩ yɔ dɔ̀ le: “Ɔwɔ-mùanwú-ankà-dɔ́-wrɔn cüìcüì tɔ̀n srɔ bɔ̀ ɛmɛ̀n! Kɩ yɔ vru yɔ dɔ̀ le: Ɔwɔ và, wá nɛ́n fɛcüè ɛkɔrɛ̀!”

Zhan 7:31

Ɔmu tɛ̀kɩ, fɛcüè lɔ mɛ̀n, anwrɔn bobrebe bú n'ankà tán ankaẅì. Yɔ dɔ̀ le: “Ɛnvra léyi Ebɩ̀die-wrɔn lɔ kɛ lɛ và nɔn, nɛ lɛ hán anvɛmɛ̀n-frɛ́n-ci kɛ lɛ vrán ɔwrɔn ndɔ lɔa?”

Zhan 9:32

Yɛ vá yá mrìmrì ɛnbì zriɛmɛ́n le, ɔwrɔn tɔ̀n gbá ɔwrɔn léyi n'ebîemɛ̀n ke sɩ́ kán ɛyri nɔn anvɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 4:21

Ankà-dɔ̀-trɔ-bɔ̀ vru wá ejì-kɔ́n ankà hɛ́n yɔ ɛwú, zɛtɛn teze yɔ. Yɔ sɩ̀ cɔ̀ ɛkɔrɛ̀-levri zriɛmɛ́n, ô yɔ hàn yɔ ɛgbàn, ɔmuhi fɛcüè lɔ fɛn kɛ mrɛ́n Ɔwɔ eci léyi wɔɛ̀n nɔn kruhú.