Markɛ̀n 10:1 - Ɛmɛẅi ankà ankrànkràn 2003

¹ Zhezü cɔhɔ́ ɛyri léyi nɛ́n dù nɔn zɛtɛn hɔ́n Zhüde Kpɔsɔ wú, bru Zhurdɛn shi mɛẅi; nanvrɛn lɔ fɛcüè bɔrɛkru n'ɛtɛ̀sɛ̀n, kɩ ne yé yɔ ankà, hán ɔmu léyi nɛ hán ɛnvra lɔ fɛn nɔn.

Markɛ̀n 10:1 Iomraidhean Croise

Matie 26:55

Zɛtɛn Zhezü kɛ dɔ́ fɛcüè le: “Ke ji le nyɛ́n và anhà-kɔ́n-nyan mán antɛ̀ kè dú nyɛ̀n antamɛ̀n nyɛ́n ẅɛn mɛ̀n, kɛ̀ hán le mɛ̀n dú ɔwrɔn-wri-wrɔn hɔ́a? Ɛnbì lɔ fɛn, mɛ yɛ́ Ɔwɔ-cice-wɔn lɔ mɛ̀n, me yé ankà, kɩ nyɛ́n sɩ̀ ẅɛ̀n mɛ̀n.

Matie 4:23

Zhezü ci Galile kpɔsɔ lɔ fɛn wú; ne yé yɔ ankà Ɔwɔ-sɛ́n-wɔn hɔ̀n lɔ fɛn léyi dú ɔkpɔsɔ lɔ wú nɔn mɛ̀n, nɛ dɔ́ Ɛmɛẅi ankà Ankrànkràn léyi dú Anhobɩ́-Nɛ̀ncüì-dúyri ankà, kɩ nɛ kɔrɛ y'ɛnlɔẅiɛ lɔ fɛn mán ɔkpɔ̀cɔ-lɔẅiɛ mɛ̀ntɛ mɛ̀ntɛ.

Markɛ̀n 1:21

Zhezü mán n'ɛsɛ̀nkɛn-bɔ̀ hɔ́n Kapɛrnahümɛ̀n anmàn. Ɛnyànmán-bì lɔ, Zhezü bru Ɔwɔ-sɛ́n-wɔn lɔ mɛ̀n kɩ ne yé yɔ Ɔwɔ ankà.

Markɛ̀n 10:2

Ɔwɔ-nyànmàn-sùva-wá-bɔ̀ jan sɔnba nɛ̀n ɛtɛ̀sɛ̀n ô kɛ̀ krɔn nɛ̀n antanwrɔn. Yɔ yrɛ nɛ̀n le: “Bɔ́ ɛnyànmàn lɔ kɛ tán ɛncɔnwrɔn ɛkɔrɛ̀levri kɛ̀ bɔ́ nɛ́n hi eyrìɛ?”

Markɛ̀n 12:35

Ɛnvra léyi Zhezü ke yé anwrɔn Ɔwɔ ankà Ɔwɔ-sɛ́n-wɔn lɔ mɛ̀n nɔn, ne yrɛ yɔ le: “Anhɔntan kɛ̂ ɛnyànmàn-gbànvri-ankà-yé-bɔ̀ kɛ lɛ dɔ́ tɛ̀ le, Ebɩdie-wrɔn lɔ dú Davidɛ̀n mɛẅi wrɔn hán?

Markɛ̀n 14:49

Ɛnbì lɔ fɛn, mɛ̀n dú nyɛ̀n ɛmɛ̀n, me yé nyɛ̀n ankà Ɔwɔ-cice-wɔn lɔ mɛ̀n, kɩ nyɛ́n sɩ̀ ẅɛn mɛ̀n. Tɛ́n eci léyi Ɛwrú Prɔnprɔn hɔ̀n merɛ́n dɔ̀ nɔn, ke ji le kɛ̀ kɛ̀ sá nmù.”

Markɛ̀n 2:13

Zhezü vru ɛmɛẅi hɔ́n Galile nɛnbà cɛ gbàtà mùan. Anwrɔn fɛcüè tɔ̀n hɔ́n cɔ́ nɛ̀n kɩ ne yé yɔ Ɔwɔ ankà.

Markɛ̀n 4:2

Ne ci nyandrɛn mɛ̀n ne yé yɔ ankà bobrebe; kɩ n'ankà-yé mɛ̀n lɔ, nɛ dɔ̀ le:

Markɛ̀n 6:2

Ɛnyanmánbì lɔ, Zhezü ke yé yɔ Ɔwɔ ankà Ɔwɔ-sɛ́n-wɔn lɔ mɛ̀n. Anwrɔn bobrebe hɔ̀n léyi ke die nɛ̀n nukùɛ nɔn dú anvɛmɛ̀n-frɛ́n mɛ̀n. Yo dɔ̀ le: “Tɛyri de ankà-nyrì ndɔ léyi nɛ́n cɔ̀ mán ɛkɔrɛsrɔn-ci ndɔ léyi nɛ hán nɔn ndù nvà nɛ́n?

Markɛ̀n 6:34

Ɛnvra léyi Zhezü dú anhàka mɛ̀n kakɛ nɔn, nɛ̀n kán fɛcüè vri ndɔ lɔ; n'ɛnbɔrɛ lɔ ẅɛn obòtò y'ɛwú, ɔmuhi yɔ dù yɔ cá annɔ̀n hɔ̀n léyi kè sɩ̀ ẅɛn ɔkùa-wrɔn nɔn. Kɩ nɛ̀n bukru ne yé yɔ ankà bobrebe.

Markɛ̀n 6:6

Kɩ y'ankàẅì-bùtan léyi yɔ sɩ̀ ẅɛ̀n hàn nɔn, kɛ frɛ́n nɛ̀n anvɛmɛ̀n. Zɛtɛn Zhezü hɔ́n anmàn hɔ̀n lɔ fɛn dú ɛtɛ̀sɛ̀n nɔn ke yé yɔ ankà.

Zhan 10:40

Zhezü vru hɔ́n ɛnshi mɛẅi, Zhurdɛn shi mùan, ɛyri léyi Zhan wá anwrɔn ɛnshi ɛnkru kpàkpà mɛ̀n nɔn, kɩ nɛ̀n yɛ́ nanvrɛn lɔ.

Zhan 11:7

zɛtɛn nɛ dɔ́ n'ɛsɛnkɛn-bɔ̀ lɔ le: “Bɔ vru ɛmɛẅi bɔ̀ hɔ́n Zhüde kpɔsɔ wú.”

Zhan 18:20

Zhezü mrɛ́n nɛ̀n ɔmùan le: “Mɛ̀n dɔ́ ankà fɛcüè mɛ̀n anwrɔn lɔ fɛn zìwú; me yé ankà ɛnvra lɔ fɛn Ɔwɔ-sɛ́n-wɔn hɔ̀n mán Ɔwɔ-cice-wɔn lɔ mɛ̀n, ɛyri léyi Zhüifɛ̀n-bɔ̀ lɔ fɛn kɛ bɔrɛkru nɔn; mɛ́n sɩ́ dɔ́ ankà zriɛmɛ́n ɛbán mɛ̀n.