Lükɛ̀n 9:1 - Ɛmɛẅi ankà ankrànkràn 2003

¹ Zhezü bɔrɛ n'ɛsɛnkɛn-bɔ̀ ɛkru kɩ tán yɔ ɛkɔrɛ̀-srɔn mán ɛkɔrɛ̀-levri, yɔ wrɔ́ anhɛ́n gbangbàn ô yɔ kɔrɛ ɛnlɔẅiɛ-bɔ̀.

Lükɛ̀n 9:1 Iomraidhean Croise

Matie 16:19

Mɛ lɛ tán mɛ́n Anhobɩ́ Nɛ̀ncüì-dúyri safɛ̀ hɔ̀n lɔ: eci léyi ɛ lɛ mrɛ́n sɔhɔ́ ɛnhi wú nɔn, anhobɩ́ mán yɛ lɛ mrɛ́n sɔhɔ́; eci léyi e le bɩ́ ɛnhi wú nɔn anhobɩ́ mán ye le bɩ.”

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Matie 8:9

Mɛ́n mumù mán anwrɔn ẅɛn mɛ̀n kɩ mɛ̀n ẅɛn gɔliɛ-bɔ̀ dú m'ɛkɔrɛ̀levri wú. Mɛ dɔ́ ɛnzri le: ‘Hɔ̀n!’ Kɩ nɛ hɔ̀n; mɛ dɔ́ ɛnyàntɛn le: ‘Và!’ Kɩ nɛ và; kɩ mɛ dɔ́ m'eci-bɩtan-wrɔn le: ‘Ɛ̀ hán eci ndɔ lɔ!’ Kɩ nɛ hán.”

Lükɛ̀n 10:1

Hɩ mɛẅi lɔ, Ɛẅɛnwrɔn mrɛ́n anwrɔn ɛkoẅi-anhɔ̀n mán ɛẅì ɛvà-anhyrɛ̀ nbɩ kɩ wá yɔ ɔkɔhɔ̀n anwrɔn anhyrɛ̀-yrɛ̀, yɔ hɛ́ nɛ̀n ezì anmàn hɔ̀n lɔ fɛn, mán ɛyri lɔ fɛn léyi nɛ̀n wá le, nɛ́n mumù ne le ci nɔn.

Lükɛ̀n 10:19

Nyɛ́n die nukùɛ: mɛ̀n tán nyɛ̀n ɛkɔrɛsrɔn ô nyɛ́n nán esù ɛnlɛbri mán ɛkrá ɛwú, ô nyɛ́n boyɛ egbri-wrɔn kɔrɛ̀-srɔn lɔ fɛn, kɩ eci-gbàngbàn zriɛmɛ́n ke sɩ̀ hán nyɛ̀n.

Zhan 14:12

Annanwɔrɛ mɛ̀n mɛ dɔ́ nyɛ̀n le: ɔwrɔn léyi ke bú m'ankà kɛ tán ankaẅì nɔn, nɛ lɛ hán nɛ́n mán, ɛci hɔ̀n léyi mɛ hán nɔn. Nɛ lɛ hán yɔ kɛ lɛ sàn sevri, ɔmuhi mɛ hɔ́n Dade tɛsɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:8

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 3:16

Zhezü bi lɔ, n'ɛkɔrɛ̀-srɔn mán n'ankaẅì-bùtan ẅɛ̀n, de tán ɔwrɔn ndɔ léyi nyɛ kàn, hɩ nyɛ́n nyrì nɔn, ecüì. Ankaẅì-bùtan léyi nɛ̀n ẅɛn Zhezü wú nɔn, de tán nɛ̀n ɔkɔrɛ̀ léyi nyɛ lɛ fɛn nyɛ kàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:30

È yé v'ɛkɔrɛ̀-srɔn, ô ɛnlɔẅiɛ-bɔ̀ kɛ̀ kɔrɛ̀, anvɛmɛ̀n-frɛ́n-ci mán eci-woroan-ci kɛ sá nmù v'eci-bɩ̀tan-wrɔn prɔnprɔn Zhezü bɩmɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 9:34

Piɛrɛ̀n kɛ dɔ́ nɛ̀n le: “Ene, Zhezü Krisì kɛ kɔrɛ mɛ́n! È tɔhú, ô è serɛ vɛ́n sofà lɔ.” Ɛnvra zri lɔ Ene tɔhú.