Lükɛ̀n 8:5 - Ɛmɛẅi ankà ankrànkràn 2003

⁵ “Ɔwrɔn tɔ̀n hɔ́n n'ɛkɛ̀tɛ́mɛ̀n ɛci-tɛ́-yri. N'ɛci-tɛ́ mɛ̀n lɔ, ɛci janbɔ̀ cüe ɛnlevriɛ: anwrɔn nán esù ɛwú kɩ annrɛ́n hɔ̀n mán vá sɔran ɛci lɔ.

Lükɛ̀n 8:5 Iomraidhean Croise

Matie 13:37

Zhezü mrɛ́n ɔmùan le: “Ɔwrɔn léyi kɛ tɛ́ ɛci ankrànkràn nɔn, dú ɔwrɔnẅì Ẅì;

Matie 5:13

“Nyɛ́n de nyɛ́n dú ɛnhibù wú jüɛ̀. Tɛ́n ke dú kɛ ɛnjüɛ̀ zrɔ lɔ kɛ vácì hô, anhɔntan de ye le vru yɛ hán nɛ̀n, ô nɛ̀n zrɔ nɛ́n? Nɛ́n sɩ̀ vrù zrɔ̀ eci zriɛmɛ́n hán mɛ̀n; yɛ lɛ kɔ́n nɛ̀n cüe ɛntrɛa, kɩ anwrɔn kɛ lɛ nán nɛ̀n ɛwú.

Markɛ̀n 4:15

Anwrɔn ndɔ hɔ̀n ndù cá ɛnlevri léyi ankà-dɔ̀ ke bru ɛwú nɔn: ɛnvra zri léyi yɔ yá ankà lɔ nɔn, anwa-wrɔn kɛ và ke bɩ́ ankà-dɔ̀ y'ɛnbɔrɛmɛ̀n kɛ sɔhɔ́.

Lükɛ̀n 8:4

Anmàn lɔ fɛn mɛ̀n, anwrɔn ke ji Zhezü kɛ và. Ɔmuhi fɛcüè vri tɔ̀n kɛ bɔrɛkru nɔn, Zhezü ci nyandrɛn ndɔ lɔ mɛ̀n kɛ dɔ̀ le:

Lükɛ̀n 8:6

Ɛci janbɔ̀ cüe ɛbù-hiẅia mɛ̀n. Ɛnvra léyi ɛci lɔ bukru ke dì nɔn, yɔ sɩ̀ cɔ̀ ɛnshi, kɩ yɔ wù.

Ebre-bɔ̀ 2:1

Hɩ le kruhú de ke ji le ankà hɔ̀n léyi bɔ̀ yá nɔn, bɔ̀ ẅɛ̀n bɔ̀ hɛ́n ɛshishiemɛ̀n, ô bɔ́ bɩ́ hɔ́n bɔ́ ɛzrɛ́n mɛ̀n.