Lükɛ̀n 8:3 - Ɛmɛẅi ankà ankrànkràn 2003

³ Zhannɛ̀n, Shüza hi, Herɔdɛ̀n-kɔhɔ̀n-hán-wrɔn cüìcüì; Süzanɛ̀n mán wúyɔ̀ bobrebe janbɔ̀ léyi bɩ́ y'ɔkùa wá Zhezü mán n'ɛsɛnkɛn-bɔ̀ ɛkɔrɛ̀ nɔn.

Lükɛ̀n 8:3 Iomraidhean Croise

Matie 14:1

Hɩ vra lɔ, Herɔdɛ̀n léyi dú Galile govràn nɔn, yá yɛ dɔ́ Zhezü ankà.

Matie 14:3

Annànwɔrɛ mɛ̀n lɔ, Herɔdɛ̀n de wá tán yɛ ẅɛn Zhan, nɛ̀n hán yɔ yɛ kora Zhan ye di anwɔn-mɛ̀n-wá-wɔn-mɛ̀n. Herodiadɛ̀n léyi dú nɛ́n muan-ẅì Filipɛ̀n hi nɔn kruhú de Herɔdɛ̀n hán eci ndɔ lɔ nɔn.

Matie 14:6

Ɛnbì tɔ̀n, Herɔdɛ̀n kɛ koran n'ebî-vra-koran, Herodiadɛ̀n nyɔnwrɔn-ẅì brí ɛmràn anwrɔn hɔ̀n léyi ye bi ɔkoran mɛ̀n nɔn zìwú. N'ɛmràn-brì lɔ zeze zrɔ Herɔdɛ̀n

Matie 2:11

Yɔ bru anwɔn mɛ̀n kɩ yɔ kán ɛnẅì lɔ mán nɛ́n muan Mari mɛhi. Yɔ shran annankruemɛ̀n kɩ yɔ cüe ɛnẅì lɔ ankɔ̀rɛ̀ ezìwúɛ; zɛtɛn, yɔ gbrɔ y'ɛnlowrú lɔ kɩ yɔ ce nɛ̀n ɛci: ansɩ̀kɛ, anjɔsàn mán ɛnzhì bánbán.

Matie 20:8

Ɛnvra léyi ɔwɔɛmɛ̀n cɔ̀ nɔn, ɛkɛ̀tɛ̀-nɛ́n-zi dɔ́ n'ezìwú wrɔn lɔ le: ‘È bi ɔkɔ̀hɔ̀n-hán-bɔ̀ lɔ, ô è di ɔwrɔn-wrɔn n'ɔwɔɛ̀n. Ɛ̀ bukru ɛmɛẅi trɔ bɔ̀ lɔ yri, ô kpàkpà-bɔ̀ lɔ kɛ̀ trɔ ɛmɛẅi.’

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Matie 26:11

Ɔmuhi nyɛ lɛ cɔ́ ɛnvra lɔ fɛn ɛmian-bɔ̀; tɛ́n mɛ tɛn, nyɛ́n sɩ̀ cɔ́ mɛ̀n ɛnvra lɔ fɛn nyɛ́n mɛhi bɔ̀ dù.

Matie 27:55

Wúyɔ̀ bobrebe nyɔn kɩ kɛ nyan esù she mɛ̀n: yɔ kɛ́n Zhezü ɛsɛ̀n Galile kpɔsɔ wú ô yɔ dú n'eci-bɩtan-wúyɔ̀.

Lükɛ̀n 24:10

Yɔ de yɔ dú Mari Magdala nyɔnwrɔn, Zhanɛ̀n mán Mari, Zhakɛ̀n nɛ́n muan. Wúyɔ̀ nyàntɛn hɔ̀n léyi yɔ mɛhi yɔ dù nɔn, dɔ́ Zhezü kɔ̀hɔ̀n-wá-bɔ̀ lɔ ankà zri lɔ.

Zhan 12:6

Kè sɩ̀ dù ɛmian-bɔ̀ kruhú de nɛ dɔ́ ankà ndɔ lɔ nɔn, tɛ́n ɔmuhi nɛ̀n dú ɛci-yerɛ-wrɔn nɔn; ɔkùa léyi yɛ tán nɛ̀n nɛ̀n hɛ́n nɔn, ne bɩ́ srɔ nɛ tɛn.

Ɔkɔ̀hɔ̀n-wá-bɔ̀ kɔ̀hɔ̀n hán 13:1

Antiɔshɛ̀n anmàn Wɔ-fɛcüè-bɔ̀ mɛ̀n lɔ, Ɔwɔ-mùanwú-ankà-dɔ́-bɔ̀ mán ankà-yé-bɔ̀ ndù: Barnabasɛ̀n, Simeɔn léyi ye bi Ɔwrɔn yɔwɔ nɔn, Lüsiüsɛ̀n (Sirɛnɛ̀n anmàn-wrɔn) Manaɛ́n léyi nɛ́n mán Herɔdɛ̀n mɛhi yɛ wá yɔ ɛcɛmɛ̀n, kɩ Herɔdɛ̀n ẅɛn ɛyri Galile kpɔsɔ wú, mán Sɔlɛ̀n.

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Filipɛ̀n anmàn-bɔ̀ 4:22

Ankaẅì-bùtan-ẅɛn-bɔ̀ lɔ fɛn dú ɛnu lɔ nɔn, annannan le, yɔ hɔ̀n léyi dú ɛnhi wú nɛ̀ncüì lɔ n'eci-bɩ̀tan-bɔ̀ nɔn, ke bi nyɛ̀n nyan.

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.