Lükɛ̀n 8:2 - Ɛmɛẅi ankà ankrànkràn 2003

² wúyɔ̀ jan bɔ̀ léyi nɛ̀n wrɔ́ anhɛ́n gbangàn edomɛ̀n, hɩ nɛ̀n kɔrɛ y'ɛnlɔẅiɛ hɔ̀n lɔ nɔn, mán hɔ́n sɩ́ nɛ̀n: Magdala nyɔnwrɔn tɔ̀n léyi ye bi Mari, hɩ nɛ̀n wrɔ́ anhɛ́n gbàngbàn ɔbɔɛ̀n edomɛ̀n nɔn.

Lükɛ̀n 8:2 Iomraidhean Croise

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Markɛ̀n 16:1

Ɛnvra léyi ɛnyànmán-bì vácì nɔn Mari Magdala anmàn nyɔnwrɔn, Mari Zhakɛ̀n nɛ́n muan salome wɔ́ ɛnzhi-bánbán ô kɛ̀ hɔ̀n kè ku Zhezü edomɛ̀n.

Markɛ̀n 16:9

Ɛnbì zri bì lɔ, ɔsɔ̀wrɔ̀ fùtàn ɛnvra léyi Zhezü dú owúemɛ̀n frɔ́ nɔn, nɛ̀n bɩ́ n'edomɛ̀n nɛ̀n yé Mari, Magdala nyɔnwrɔn léyi nɛ̀n wrɔ́ anhɛ́n gbàngbàn ɛbɔɛ̀n edomɛ̀n nɔn.

Lükɛ̀n 23:27

Anwrɔn fɛcüè vri de kɛ kɛ́n nɛ̀n ɛsɛ̀n, ɔmu zri lɔ mán de wúyɔ̀ hɔ̀n ke wú eyú kɩ kɛ hán y'edomɛ̀n jrɛ̀jrɛ̀ Zhezü kruhú.

Lükɛ̀n 23:49

Zhezü nɛ́n nyrán anvrɛn hɔ̀n mán wúyɔ̀ hɔ̀n léyi kɛ kɛ́n nɛ̀n ɛsɛ̀n, hɩ dú Galile nvà nɔn, nyɔn esù she kɛ nyan eci léyi kɛ wɔɛ̀n nɔn.

Lükɛ̀n 23:55

Wúyɔ̀ hɔ̀n léyi kɛ́n Zhezü ɛsɛ̀n dú Galile và nɔn, dú Zhozɛfɛ̀n ɛtɛsɛ̀n; yɔ nyan ezhe nanmàn lɔ kɩ yɔ kán ɔmu le yɛ hán yɛ hɛ́n Zhezü duwrú lɔ nɔn.

Lükɛ̀n 8:30

Zhezü ke yrɛ nɛ̀n le: “Anwɔntan yɛ hán ye bi mɛ́n?” Nɛ̀n mrɛ́n ɔmùan le: “M'ebí dú ‘bobrebe’ ”, annànwɔrɛ mɛ̀n lɔ, anhɛ́n gbàngbàn bobrebe de dú nɛ̀n edomɛ̀n nɔn.

Zhan 19:25

Zhezü gbàn-hán-tɛ̀ tɛsɛ̀n lɔ, Zhezü nɛ́n muan, nɛ́n muan nɛ́n kɔ̀, Mari, Klopasɛ̀n hi mán Mari, Magdala anmàn nyɔnwrɔn lɔ nyɔn nanvrɛn.

Ɔkɔ̀hɔ̀n-wá-bɔ̀ kɔ̀hɔ̀n hán 1:14

Yɔ lɔ fɛn yɔ borɛkru frɛfrɛ, yɔ sɛ́n Ɔwɔ, yɔ mán wúyɔ̀ hɔ̀n, mán Mari Zhezü nɛ́n muan mán Zhezü nɛ́n muan-ẅì hɔ̀n mɛhi.