Lükɛ̀n 8:1 - Ɛmɛẅi ankà ankrànkràn 2003

¹ Zɛntɛn Zhezü hɔ́n anmàn cüìcüì mán anmàn cɛ kɛ dɔ́ anwrɔn Ɛmɛẅi ankà Ankrànkràn léyi dú Anhobɩ́ Nɛ̀ncüì-dúyri ankà nɔn. N'ɛsɛnkɛn-bɔ̀ ɛvà-anhyrɛ̀ lɔ cɔ́ nɛ̀n mɛhi yɔ hɔ̀n,

Lükɛ̀n 8:1 Iomraidhean Croise

Matie 11:1

Ɛnvra léyi Zhezü yé n'ɛsɛ̀nkɛn-bɔ̀ ɛvà-anhyrɛ̀ lɔ ankà trɔ nɔn, nɛ̀n cɔhɔ́ nanvrɛn, nɛ̀n hɔ́n anmàn hɔ̀n léyi dú ɔkpɔsɔ lɔ wú nɔn, ô nɛ̀n yé, nɛ̀n dɔ́ yɔ Ɔwɔ ankà.

Matie 13:19

Anwrɔn hɔ̀n léyi kɛ yá Anhobɩ́ ankà hɩ ke sɩ́ nyriɛn nɔn, yɔ dù yɔ cá ɛnlevri mùan léyi ɛci-ẅì ke bore nɔn: Anwa-wrɔn kɛ và kɩ ke frɛ́ ɛci léyi yɛ tɛ́ y'ɛnbɔrɛ lɔ mɛ̀n nɔn.

Matie 4:23

Zhezü ci Galile kpɔsɔ lɔ fɛn wú; ne yé yɔ ankà Ɔwɔ-sɛ́n-wɔn hɔ̀n lɔ fɛn léyi dú ɔkpɔsɔ lɔ wú nɔn mɛ̀n, nɛ dɔ́ Ɛmɛẅi ankà Ankrànkràn léyi dú Anhobɩ́-Nɛ̀ncüì-dúyri ankà, kɩ nɛ kɔrɛ y'ɛnlɔẅiɛ lɔ fɛn mán ɔkpɔ̀cɔ-lɔẅiɛ mɛ̀ntɛ mɛ̀ntɛ.

Matie 9:35

Zhezü ke ci anmàn cüìcüì mán anmàn cɛ hɔ̀n lɔ fɛn mɛ̀n; ne yé ankà y'Ɔwɔ-sɛ́n-wɔn lɔ mɛ̀n, nɛ dɔ́ Anhobɩ́-Nɛ̀ncüì-dúyri mɛẅi ankà Ankrànkràn lɔ, kɩ nɛ kɔrɛ ɛnlɔẅiɛ mɛ̀ntɛ mɛ̀ntɛ mán ɔkpɔ̀cɔ lɔẅiɛ hɔ̀n lɔ fɛn.

Markɛ̀n 1:39

Kɩ ɔmu lɔ nɛ̀n ci Galile kpɔsɔ lɔ fɛn wú; Ɔwɔ-sɛ́n-wɔn hɔ̀n lɔ mɛ̀n ne yé yɔ Ɔwɔ ankà kɩ nɛ kɛ́n anhɛ́n gbàngbàn ɛsɛ̀n.

Lükɛ̀n 1:80

Ɛnẅì lɔ dú ɛsɔmɛ̀n, kɩ n'ɛnhɛ́n lɔ ecüì kɛ vá edomɛ̀n. Nɛ̀n dú ɛyri tramɛ̀n, hàn kɩ cɔ́ ɛnvra léyi nɛ̀n srɔ Izraɛlɛ̀n fɛcüè zìwú nɔn.

Lükɛ̀n 20:1

Ɛnbɩ̀ tɔ̀n Zhezü ke yé fɛcüè ankà, Ɔwɔ-cice-wɔn lɔ mɛ̀n, kɩ kɛ dɔ́ yɔ Ɛmɛẅi ankà Ankrànkràn lɔ. Ɔwɔ-cice-bɔ̀, mán ɛnyanmàn-gbànvri-ankà-yé-bɔ̀ srɔ, yɔ mán ɛcüìcüì-bɔ̀ mɛhi

Lükɛ̀n 4:18

“Ɛẅɛnwrɔn Hɛ́n dú mɛ̀n edomɛ̀n, nɛ̀n mrɛ́n mɛ̀n nɛ́n bɩ, ô mɛ̀n bɩ́ Ɛmɛẅí ankà Ankrànkràn lɔ mɛ̀n và sɩ́ ɛmian-bɔ̀. Nɛ̀n wá mɛ̀n ɛnzhì ɛnkru ô mɛ̀n dɔ́ anwɔn-mɛ̀n-wá-bɔ̀ ebɩ̀die ankà, mɛ̀n dɔ́ anvɛ̀-bɔyɛ-bɔ̀ ɛyri-kán ankà, ô ejuezì-bɔ̀ kɛ̀ cɔ́ ɔwrɔncüe,

Lükɛ̀n 9:6

Ɛsɛnkɛn-bɔ̀ lɔ hɔ̀n; yɔ ci anmàn lɔ fɛn, yɔ dɔ́ Ɛmɛẅi ankà Ankrànkràn, kɩ ɛyri lɔ fɛn yɔ kɔrɛ ɛnlɔẅiɛ-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:32

Bɔ́ mùmù, bɔ́ và bɔ̀ sɩ́ nyɛ̀n Ɛmɛẅi ankà Ankrànkràn ndɔ lɔ: ɔmùan léyi Ɔwɔ wá bɔ́ nancüì hɔ̀n nɔn,

Rɔmɛ̀n-anmàn-bɔ̀ 10:15

Kɩ anwɔntan de yɔ lɛ hán yɔ dɔ́ n'ankà ke dú kɛ ye sɩ̀ wá anwrɔn ɔkɔ̀hɔ̀n n'ankà-dɔ́ mɛ̀n nɛ́n? Hán ɔmu le Owrú kɛ dɔ̀ nɔn: “Ɛnfì zrɔ, ɛnvra léyi yɛ kán ɛmɛẅi ankà ankrànkràn dɔ́-bɔ̀ kɛ và nɔn!”