Lükɛ̀n 7:2 - Ɛmɛẅi ankà ankrànkràn 2003

² Nanvrɛn lɔ gɔliɛ-wrɔn cüìcüì tɔ̀n, ẅɛn n'eci-bɩ̀tan-wrɔn léyi yi ankà kɛ yɔ nɛ̀n edú nɔn. Eci-bɩ̀tan-wrɔn ndɔ lɔ, ɛnlɔwiɛ dà ke ji kè wù.

Lükɛ̀n 7:2 Iomraidhean Croise

Matie 27:54

Rɔmɛ̀n gɔliɛ-wrɔn cüìcüì lɔ mán gɔliɛ-bɔ̀ léyi kɛ nán Zhezü nɔn kán ɛnhi léyi jɔ́kɔ̀ mán ɛci hɔ̀n léyi wɔɛ̀n nɔn; ɛnjansù vri ẅɛn yɔ kɩ yɔ dɔ̀ le: “Annànwɔrɛ mɛ̀n lɔ nɛ̀n dú Ɔwɔ ẅì!”

Lükɛ̀n 23:47

Gɔliɛ-wrɔn léyi nyɔn nɔn, kán eci léyi wɔɛ̀n nɔn, nɛ mrɛ́n Ɔwɔ kɩ nɛ dɔ̀ le: “Annànwɔrɛ mɛ̀n, ɔwrɔn ndɔ lɔ dú ɔwrɔn anvrɛnvrɛn.”

Lükɛ̀n 7:1

Ɛnvra léyi Zhezü dɔ́ fɛcüè léyi gbrɛnkɛ́n nɛ̀n ɔmùan, ankà ndɔ lɔ trɔ nɔn, nɛ́n hɔ́n Kapɛrnahümɛ̀n anmàn.

Lükɛ̀n 7:3

Ɛnvra léyi gɔliɛ-wrɔn cüìcüì lɔ yá Zhezü ɔmùan nɔn, nɛ̀n wá Zhuifɛ̀n-bɔ̀ cüìcüì hɔ̀n ɔkɔhɔ̀n kɛ̀ kán Zhezü kɛ̀ và kɛ̀ kɔrɛ̀ n'eci-bɩ̀tan-wrɔn lɔ.

Lükɛ̀n 8:42

ɔmuhi n'ɛnnyɔnwrɔn-ẅì zri léyi ẅɛn ɛnnanwàn-kru ɛvà-anhyrɛ̀ nɔn ke ji kè wù. Ɛnvra léyi Zhezü dù kɛ hɔ́n Zhahirüsɛ̀n nanvrɛn ɛbemɛ̀n nɔn, fɛcüè kɛ kɛ́n nɛ̀n ɛyri lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 10:1

Ɔwrɔn tɔ̀n ye bi Kɔrnɛyì, dú Sezare anmàn, nɛ̀n dú ɛfrá-wrɔn Rɔmɛ̀n anhà-kɔ́n-fɛcüè tɔ̀n mɛ̀n, kɩ anhà-kɔ́n-fɛcüè ndɔ lɔ ye bi nɛ̀n “Itali anhà-kɔ́n-fɛcüè”.

Ɔkɔ̀hɔ̀n-wá-bɔ̀ kɔ̀hɔ̀n hán 10:7

Ɛnvra léyi Ɔwɔ-kùyüre-wrɔn dɔ́ nɛ̀n ankà, hɩ hɔ̀n nɔn, Kɔrnɛyì bi n'eci-bɩtan-bɔ̀ lɔ anwrɔn anhyrɛ̀ mán gɔliɛ-wrɔn tɔ̀n léyi dú n'eci-bɩtan-kɔ̀hɔ́n mɛ̀n, hɩ dú Ɔwɔ-sɛ́n mɛ̀n ɛnvra lɔ fɛn nɔn, nvà.

Ɔkɔ̀hɔ̀n-wá-bɔ̀ kɔ̀hɔ̀n hán 22:26

Ɛnvra léyi gɔliɛ-wrɔn lɔ yá ankà lɔ nɔn, nɛ́n hɔ̀n nɛ̀n dɔ́ n'ɔwrɔn cüìcüì lɔ le: “Ecitan de ɛ̀ vá ɛ hán yri nɛ́n? Ɔwrɔn ndɔ lɔ dú rɔmɛ̀n anmàn ɛnhi wú ẅì!”

Ɔkɔ̀hɔ̀n-wá-bɔ̀ kɔ̀hɔ̀n hán 23:17

Zɛtɛn Pɔlɛ̀n bi gɔliɛ-bɔ̀ lɔ ɔtɔ̀n kɩ kɛ dɔ́ nɛ̀n le: “Ɛ̀ hɔ̀n sɩ́ sùgban-ẅì ndɔ lɔ gɔliɛ-wrɔn cüìcüì lɔ yri, ɔmuhi nɛ̀n ẅɛn ankà ne ji nɛ̀n dɔ́ yi nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 27:1

Ɛnvra léyi yɛ wá le bɔ́ lɛ bɩ́ ɛnhyàbri-hɛ̀ bɔ̀ hɔ́n Itali ɛnhi wú nɔn, ye bɩ́ Pɔlɛ̀n mán anwɔn-mɛ̀n-wá-bɔ̀ jan, yɛ wá gɔliɛ-wrɔn tɔ̀n léyi ye bi Zhülihüsɛ̀n nɔn antamɛ̀n, nɛ̀n dú Rɔmɛ̀n ɛnhi wú Nɛ̀ncüì lɔ, nɛ́n anhà-kɔ́n-fɛcüè-gɔliɛ-wrɔn cüìcüì.

Ɔkɔ̀hɔ̀n-wá-bɔ̀ kɔ̀hɔ̀n hán 27:3

Ɛcɛ̀n cüe kɩ bɔ́ bru Sidɔn anmàn. Zhülihüsɛ̀n léyi kɛ ẅɛn Pɔlɛ̀n anvrɛnvrɛn nɔn, tán nɛ̀n ɛkɔrɛ̀-levri nɛ̀n hɔ̀n nyan nɛ́n nyran hɔ̀n ô kɛ̀ wá nɛ̀n ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 27:43

Tɛ́n gɔliɛ-wrɔn cüìcüì léyi ke ji ke bɩ́ Pɔlɛ̀n kè die nɔn, sî yɔ eci lɔ n'ɛhán mɛ̀n. Nɛ̀n wá tán, yɔ hɔ̀n léyi ke nyri wɔrɛ ɛnshi nɔn, kɛ̀ gɔ̀ trɛ̀n kú ɛnshi, ô kɛ̀ hɔ́n ɛnhi;

Kɔlɔsèn anmàn-bɔ̀ 3:22

Anwɔ̀n-bɔ̀, eci lɔ fɛn mɛ̀n, nyɛ́n wá ny'ankà-yé-bɔ̀ léyi dú ɛnu ɛnhibù wú nɔn. Nyɛ́n bɩ́ hán eci lɔ ɛnvra léyi yɛ nán nyɛ̀n nɔn kɩ, ô yɔ cüɛn nyɛ̀n; tɛ́n nyɛ́n hán nɛ̀n ɛnbɔrɛ zri mɛ̀n anvrɛnvrɛn mɛ̀n, ɛwá léyi nyɛ́n ẅɛn Ɛẅɛnwrɔn wú nɔn, hɩ kruhú.