Lükɛ̀n 7:16 - Ɛmɛẅi ankà ankrànkràn 2003

¹⁶ Yɔ lɔ fɛn, ɛnjansù bru yɔ; yɔ mrɛ́n Ɔwɔ kɩ yɔ dɔ̀ le: “Ɔwɔ-mùanwú-ankà-dɔ́-wrɔn cüìcüì tɔ̀n srɔ bɔ̀ ɛmɛ̀n! Kɩ yɔ vru yɔ dɔ̀ le: Ɔwɔ và, wá nɛ́n fɛcüè ɛkɔrɛ̀!”

Lükɛ̀n 7:16 Iomraidhean Croise

Lükɛ̀n 7:39

Ɛnvra léyi Ɔwɔ-nyanmàn-súva-wá-wrɔn léyi, bi Zhezü ɛci, kán eci léyi wɔɛ̀n nɔn, nɛ dɔ́ n'edomɛ̀n le: “Ke dú kɛ ɔwrɔn ndɔ lɔ kè dú Ɔwɔ-mùanwú-ankà-dɔ́-wrɔn annànwɔrɛ dùku hô, ne le nyri eci léyi dú ɛnnyɔnwrɔn ndɔ léyi kɛ tɛ́ nɛ̀n ɛkɔrɛ̀ nɔn: ebɩ́dì-gbangbàn nyɔnwrɔn tɔ̀n.”

Matie 9:8

Ɛnvra léyi fɛcüè kán eci ndɔ lɔ nɔn, ɛnjansù bru yɔ kɩ yɔ mrɛ́n Ɔwɔ léyi tán anwrɔnẅì ɛkɔrɛ̀srɔn ndɔ lɔ nɔn.

Lükɛ̀n 1:68

“Ɛmrɛ́n ke dú Ɛẅɛnwrɔn Izraɛlɛ̀n fɛcüè Wɔ tɛ́n, ɔmuhi nɛ̀n ẅɛn nɛ́n fɛcüè ankà tro, kɩ nɛ̀n bɩ́ yi nɛ̀n die nɔn.

Lükɛ̀n 5:26

Yɔ lɔ fɛn, yɔ dú anvɛmɛ̀n-frɛ́n mɛ̀n. Yɔ mrɛ́n Ɔwɔ, ɛnjansù mán dú yɔ edomɛ̀n, kɩ yɔ dɔ̀ le: “Ɛnyɔncì lɔ, bɔ̀ kán ɛci anvrɛnvrɛn!”

Lükɛ̀n 2:20

Zɛtɛn annɔ̀n-kua-bɔ̀ lɔ, vru ɛmɛẅi hɔ̀n, yɔ brá pɔpüɛ̀ Ɛnnɛncüì Ɔwɔ vrisì lɔ wú, kɩ yɔ mrɛ́n nɛ̀n n'ɛci hɔ̀n lɔ fɛn mɛ̀n; hɩ léyi yɔ yá, hɩ yɔ kàn, ɔmuhi ɛci hɔ̀n lɔ fɛn wɔɛ̀n, hán ɔmu le Ɔwɔ-kùyüre-wrɔn lɔ dɔ́ yɔ nɔn.

Lükɛ̀n 1:65

N'ɛtɛsɛn-bɔ̀ lɔ fɛn dú ɛnjansuemɛ̀n, kɩ Zhüde kpɔsɔ anmàn wú lɔ, yɛ dɔ́ y'edomɛ̀n eci-wɔran-ci ndɔ lɔ n'ankà.

Matie 21:11

Anwrɔn mrɛ́n ɔmùan le: “Ɔwɔ-mùanwú-ankà-dɔ́-wrɔn Zhezü, Nazarɛtɛ̀n anmàn, Galile kpɔsɔ wú wrɔn.”

Matie 15:31

Anwrɔn dú anvɛmɛ̀n-frɛ́n-mɛ̀n ɛnvra léyi yɔ kán ɔmurɛ́n-bɔ̀ kɛ dɔ́ ankà, ɔkpɔ̀cɔ-bɔ̀ mán annan-kpò-bɔ̀ kɛ nán esù, kɩ anvɛ̀-bɔyɛ-bɔ̀ ke kán ɛyri, kɩ anwrɔn lɔ fɛn bukru kɛ mrɛ́n Izraɛlɛ̀n Wɔ.

Galasi anmàn-bɔ̀ 1:24

Kɩ yɔ mrɛ́n Ɔwɔ m'ɛkruhú.

Ɔkɔ̀hɔ̀n-wá-bɔ̀ kɔ̀hɔ̀n hán 5:5

Ɛnvra léyi Ananiasɛ̀n yá ankà ndɔ lɔ nɔn, nɛ̀n bore, kɩ nɛ́n wù. Kɩ anwrɔn hɔ̀n léyi yá ankà lɔ nɔn, ɛnjansù vri tɔ̀n bru yɔ edù.

Zhan 9:17

Ɔwɔ-nyanmàn-sùva-wá-bɔ̀ vru ke yrɛ anvɛ̀-boyɛ-wrɔn léyi nkɔrɛ̀ nɔn le: “Vɛ tɛn, ankà tán de ɛ dɔ́ tán ɔwrɔn léyi hán anvɛ̀ gbá mɛ́n nɛ́n?” Nɛ́n mrɛ́n ɔmùan le: “Nɛ̀n dú Ɔwɔ-mùanwú-ankà-dɔ́-wrɔn tɔ̀n.”

Zhan 6:14

Anwrɔn hɔ̀n léyi kán anvɛmɛ̀n-frɛ́n-ci léyi Zhezü hán nɔn, kɛ dɔ̀ le: “Ɔwrɔn ndɔ lɔ, nɛ̀n dú Ɔwɔ-mùanwú-ankà-dɔ́-wrɔn annanwɔrɛ léyi, ke ji le kɛ̀ vá ɛnhibù wú nɔn!”

Zhan 4:19

Zɛtɛn, ɛnnyɔnwrɔn lɔ kɛ dɔ́ nɛ̀n le: “Ankà-yé-wrɔn, mɛ kán ɔmu le è dú Ɔwɔ-mùanwú-ankà-dɔ́-wrɔn tɔ̀n.

Zhan 1:25

kɩ yɔ yrɛ Zhan le: “Ke dú kɛ è sɩ̀ dù Ebɩ̀die-wrɔn, è sɩ̀ dù Eli, e sɩ̀ dù Ɔwɔ-mùanwú-ankà-dɔ́-wrɔn, cɛci kruhú kɛ ɛ wá anwrɔn ɛnshi ɛnkruɛ?”

Zhan 1:21

Yɔ yrɛ nɛ̀n le: “Zɛtɛn antɔnwrɔn dú mɛ́n hɛ́n? È dú Eli hɛ̀?” Nɛ̀n mrɛ́n ɔmùan le: “Hɔ̂, mɛ̀n sɩ̀ dù Eli.” “È dú Ɔwɔ-mùanwú-ankà-dɔ́-wrɔn hàn?” Nɛ̀n mrɛ́n yɔ ɔmùan le: “Hɔ̂”.

Lükɛ̀n 24:19

Zhezü ke yrɛ yɔ le: “Ɛcitan hɔ̀n hán?” Kɩ yɔ mrɛ́n nɛ̀n ɔmùan le: “Eci léyi wɔɛ́n Nazàrɛtɛ̀n-wrɔn Zhezü nɔn! Nɛ̀n dú Ɔwɔ-mùanwú-ankà-dɔ́-wrɔn léyi ɛkɔrɛ̀ srɔn nɔn. Nɛ̀n yé n'eci-hán mɛ̀n mán n'ankà-dɔ́ mɛ̀n, Ɔwɔ zìwú mán fɛcüè lɔ fɛn zìwú n'ɛkɔrɛ̀srɔn lɔ.

Lükɛ̀n 9:19

Yɔ dɔ́ nɛ̀n le: “Anwrɔn ndɔ hɔ̀n kɛ dɔ̀ le, è dú Zhan Batisì, ɛnjanbɔ̀ kɛ dɔ̀ le è dú Eli, kɩ bobrebe ndɔ hɔ̀n kɛ dɔ̀ le, ɛnbiɛnhɛ́n Ɔwɔ-muannwú-ankà-dɔ́-bɔ̀ lɔ, ɔtɔ̀n de vru vá ɔkɔrɛ-bɔ̀ mɛ̀n nɔn.”

Lükɛ̀n 8:37

Zɛtɛn, anwrɔn hɔ̀n lɔ fɛn léyi dú ɔkpɔsɔ lɔ wú nɔn kɛ dɔ́ Zhezü kɛ̀ cɔhɔ́ y'anmàn, ɔmuhi ɛnjansù kɛ ẅɛn yɔ nɔn. Zhezü bru anhàka mɛ̀n ô kɛ̀ hɔ̀n.

Lükɛ̀n 5:8

Ɛnvra léyi Simɔn Piɛrɛ̀n kán ɛci lɔ wɔɛ̀n nɔn, nɛ̀n shɛ́n Zhezü ezìwú annankruemɛ̀n kɩ nɛ dɔ̀ le: “Ɛ̀ sɔnhɔ́n ɛmɛẅi esù she m'ɛtessɛ̀n Ɛẅɛnwrɔn, ɔmuhi mɛ̀n dú ɛgbàn-hán-wrɔn nɔn!”

Matie 28:8

Yɔ cɔhɔ́ ɛnnànmàn tɛ̀sɛ̀n kpràkprà, ɛnjansù mán pɔ̀püɛ̀ dú yɔ ɛnbɔrɛ mɛ̀n, kɩ yɔ srɛ́ yɔ bɩ́ ɛmɛẅi ankà yɔ hɔ́n sɩ́ Zhezü sɛ̀nkɛn-bɔ̀ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 7:37

Mohizì de vru dɔ́ Izraɛlɛ̀n ẅì hɔ̀n le: ‘Ɛẅɛnwrɔn ke le yüre nyɛ̀n Ɔwɔ-mùanwú-ankà-dɔ́-wrɔn tɔ̀n kɛ lɛ hán mɛ̀n hɔ́, ne le dú nyɛ́n fɛcüè mɛ̀n-wrɔn tɔ̀n.’

Lükɛ̀n 19:44

Yɛ lɛ gbɔ̀ngbɔ mɛ́n brɛzri, vɛ́n mán v'anwrɔn hɔ̀n mɛhi; yɔ sɩ̀ teze mɛ́n obù zriɛmɛ́n kɛ̀ hɛ́n nɛ́n nyran obù wúɛ, ɔmuhi è sɩ̀ nyrì ɛnvra léyi Ɔwɔ vá sɩ́ mɛ́n n'ɛkɔrɛ̀-wá lɔ nɔn.”

Lükɛ̀n 7:15

Owú-wrɔn lɔ, tɔhú kɩ bukru kɛ dɔ́ ankà. Zhezü bɩ́ nɛ̀n tán nɛ́n muan.