Lükɛ̀n 4:8 - Ɛmɛẅi ankà ankrànkràn 2003

⁸ Zhezü kɛ dɔ́ nɛ̀n: “Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ zri kɩ ankɔrɛ̀ ezìwúɛ, ô ɛ̀ hán nɛ́n zri kɩ n'ɔkɔrɛ̀-zì-ci.’ ”

Lükɛ̀n 4:8 Iomraidhean Croise

Matie 16:23

Tɛ́n Zhezü crɛ̀ kɩ kɛ dɔ́ Piɛrɛ̀n le: “Sɔ́n hɔ̀n ɛmɛẅi esù she m'ɛtɛ̀sɛ̀n, Anwa-wrɔn! È dú eci léyi dabra dɛ́ mɛ̀n ɛnlevri wanziɛ nɔn, ɔmuhi è sɩ̀ ẅɛ̀n Ɔwɔ ankà-tro nɔn, tɛ́n anwrɔnẅì ankà-tro de ɛ ẅɛ̀n nɔn.”

Matie 4:10

Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Lükɛ̀n 4:4

Zhezü kɛ dɔ́ nɛ̀n le: “Owrú Prɔnprɔn kɛ dɔ̀ le: ‘Kè sì dù ɛci-zî zri kɩ kè dù ɔwrɔnẅì wúvà lɔ mɛ̀n.’ ”

Lükɛ̀n 4:7

Ke dú kɛ ɛ shɛ́n mɛ̀n ɛnankru ezìwúɛ, fɛn lɔ dú vɛ tɛn.”

Zhakɛ̀n 4:7

Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n kɛ́n anwa-wrɔn ezì, kɩ nɛ lɛ srɛ́ cɔhɔ́ esùshe ny'ɛtɛ̀sɛ̀n.

1 Piɛrɛ̀n 5:9

Nyɛ́n kɛ́n nɛ̀n ezi ny'ankaẅìbùtan ẅɛ̀n hɛ́n ɛshishiemɛ̀n. Ke bru nyɛ̀n le, nyɛ́n muan-ẅì hɔ̀n léyi dú ɛnhibù mumù lɔ wú nɔn, ci ɛgbànkàn zri hɔ̀n lɔ mɛ̀n.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 22:9

Tɛ́n nɛ dɔ́ mɛ̀n le: “E bɩ́ hán eci ndɔ lɔ! Mɛ̀n dú eci-bɩtan-wrɔn tɔ̀n hán vɛ́n hɔ́, hán ɔmuan-ẅì hɔ̀n Ɔwɔ-mùan-wú-ankà-dɔ̀-bɔ̀, kɩ hán anwrɔn hɔ̀n lɔ fɛn léyi kɛ ẅɛn ɛshishiemɛ̀n owrú ndɔ lɔ n'ankà-dɔ̀ hɔ̀n kɛ hɛ́n nɔn. Ɔwɔ de ke ji le è cüe ankɔrɛ̀ ezìwúɛ nɔn!”