Lükɛ̀n 4:7 - Ɛmɛẅi ankà ankrànkràn 2003

⁷ Ke dú kɛ ɛ shɛ́n mɛ̀n ɛnankru ezìwúɛ, fɛn lɔ dú vɛ tɛn.”

Lükɛ̀n 4:7 Iomraidhean Croise

Matie 2:11

Yɔ bru anwɔn mɛ̀n kɩ yɔ kán ɛnẅì lɔ mán nɛ́n muan Mari mɛhi. Yɔ shran annankruemɛ̀n kɩ yɔ cüe ɛnẅì lɔ ankɔ̀rɛ̀ ezìwúɛ; zɛtɛn, yɔ gbrɔ y'ɛnlowrú lɔ kɩ yɔ ce nɛ̀n ɛci: ansɩ̀kɛ, anjɔsàn mán ɛnzhì bánbán.

Lükɛ̀n 17:16

Nɛ̀n bore Zhezü ɛnan ziwú, nɛ̀n sɩ́ ezì ɛnhi, kɩ nɛ̀n tán yi ɔkùɛn. Ɔwrɔn ndɔ lɔ dú Samari-wrɔn.

Lükɛ̀n 4:6

kɩ kɛ dɔ́ nɛ̀n le: “Mɛ lɛ tán mɛ́n ɛkɔrɛ̀-srɔn ndɔ lɔ mán ɛnhibù wú nɛncüì-dì lɔ fɛn: ndɔ lɔ fɛn, yɛ wá mɛ̀n antamɛ̀n kɩ mɛ̀n ẅɛn ɛkɔrɛ̀-levri mɛ lɛ tán ɔwrɔn léyi me ji mɛ̀n tán nɔn.

Lükɛ̀n 4:8

Zhezü kɛ dɔ́ nɛ̀n: “Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ zri kɩ ankɔrɛ̀ ezìwúɛ, ô ɛ̀ hán nɛ́n zri kɩ n'ɔkɔrɛ̀-zì-ci.’ ”

Lükɛ̀n 8:28

Ɛnvra léyi nɛ̀n kán Zhezü nɔn, nɛ̀n di nkù zri, nɛ̀n bore yi annan tɛsɛ̀n, kɩ nɛ dɔ́ ɛsùva cüìcüìemɛ̀n le: “Ecitan e ji ɛ̀ hán mɛ̀n Zhezü, Ɔwɔ léyi dú ɛwúɛ hɛ́n nɔn n'ɛnẅì? Mɛ sɛ́n mɛ́n e bɩ́ hán mɛ̀n ɛgbàn!”

Ɔwɔ-mɛ̀n-yrikàn 22:8

Mɛ̀n, Zhan, mɛ̀n yá kɩ mɛ̀n kán ɛci ndɔ hɔ̀n lɔ. Kɩ ɛnvra léyi mɛ̀n yá kɩ mɛ̀n kán yɔ nɔn, mɛ̀n bore Ɔwɔ kùyüre-wrɔn léyi yé mɛ̀n eci hɔ̀n lɔ nɔn, annan zìwú, ô mɛ̀n cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 4:10

ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le:

Ɔwɔ-mɛ̀n-yrikàn 5:8

Ɛnvra zri lɔ ɛci kɔrɛkɔrɛ anzɔ̀ lɔ mán ɛcüìcüì-bɔ̀ ɛẅia anzɔ lɔ shran annankruemɛ̀n Ɔwɔ kɔ̀kɔ̀sɛ̀-ẅì zìwú. Y'ɛmɛ̀n lɔ, ɔwrɔnwrɔn ẅɛn anhɛ́ mràn tɔ̀n mán ansikɛ grashɛ̀n, anjɔsàn ɛnhyì, hɩ lɔ de dú Ɔwɔ fɛcüè wɔ-sɛ̀n nɔn.