9 Etù-ẅì dú antɛ̀-nyràn krugbɛ̀n, ô kɛ̀ voyan antɛ̀ hɔ̀n léyi ke sɩ́ shi ɛẅì ankrànkràn nɔn, ô kè ku yɔ ɛnhyà mɛ̀n.”
Otù krɔn kpehɛ́n, ô kɛ̀ voyan antɛ̀ annyràn mɛ̀n hàn hɛ́n: ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ lɛ voyan nɛ̀n ku ɛnhyà.
Ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ voyan nɛ̀n ku ɛnhyà.
Zɛtɛn Zhezü kɛ dɔ́ yɔ nyàndrɛn mɛ̀n ankà ndɔ lɔ: “Ɔwrɔn tɔ̀n ẅɛn ɛẅì-shi-tɛ̀ tɔ̀n dú nɛ̀n ankɛ̀tɛ mɛ̀n. Nɛ̀n vá antɛ̀-ẅì ji yri kɩ nɛ̀n sɩ̀ cɔ̀a.
Nɛ dɔ́ ɛkɛ̀tɛ̀-kɔ̀hɔ̀n-hán-wrɔn lɔ le: ‘Nyan: Ɛnnanwàn anhɔ̀n de me ji antɛ̀-ẅì ɛẅì-shi-tɛ̀ ndɔ lɔ wú kɩ mɛ́n sɩ́ cɔ́a. È wí nɛ̀n è ze! Ecitan kruhú kɛ ne bɩ́ ɛyri krɔa?’
Me tro le, ɛnnanwàn lɔ kɛ và nɔn, ne le shi ɛẅì; kè sɩ̀ dù ɔmu lɔ hô, è wí nɛ̀n è ze.’ ”
Ɔwrɔn léyi ke sɩ́ yɛ́ m'ɔbɔ̀sɔ̀ lɔ mɛ̀n nɔn, yɛ lɛ kɔ́n nɛ̀n ze ɛntrɛa kɛ hán ɛtɛ̀da hɔ́, kɩ ne wrú; antɛ̀da wrú hɔ̀n lɔ, yɛ yura yɔ, yɛ kɔ́n yɔ ku ɛnhyà kɩ yɔ biɛ.
Ɔwrɔn totɔtɔ̀n léyi kɛ fɔndɔ́n Mohizì nyanmàn lɔ nɔn, owù dú nɛ tɛn, ɛnhyɔ̀bɔ̀-nyrì bàda nɛ̀n ɛmɛ̀n, ke dú kɛ dalɛfuɛ-di-bɔ̀ anhyrɛ̀ mán anhɔ̀n ke nyri n'ɛgbàn lɔ.
Annanwɔrɛ mɛ̀n lɔ, b'Ɔwɔ lɔ dú ɛnhyà tɔ̀n léyi kɛ jrɛ́ eci nɔn.