Lükɛ̀n 3:8 - Ɛmɛẅi ankà ankrànkràn 2003

⁸ Nyɛ́n hán eci ke yé tán le, nyɛ́n crɔn ny'edomɛ̀n, ô nyɛ́n bɩ́ dɔ́ ny'edomɛ̀n le: ‘Abrahamɛ̀n dú bɔ́ nancüì.’ Ɔmuhi mɛ dɔ́ nyɛ̀n le Ɔwɔ ke le bɩ́ ɛbù ndɔ hɔ̀n lɔ kɛ̀ srɔ Abrahamɛ̀n nɛ́n-nán-ẅì hɔ̀n tɛ̀!

Lükɛ̀n 3:8 Iomraidhean Croise

Matie 21:43

Zhezü vru kɛ dɔ̀ le: Hɩ le kruhú de mɛ dɔ́ nyɛ̀n le: ye le bɩ́ nyɛ̀n Anhobɩ́ nɛ̀ncüì-dúyri antamɛ̀n yɛ sɔhɔ́, ô yɛ wá fɛcüè léyi ke le shi ɛẅì fifi nɔn antamɛ̀n. [

Matie 3:8

Nyɛ́n hán eci ke yé le nyɛ́n crɔn ɛnkruɛ,

Matie 3:9

kɩ nyɛ́n bɩ́ tro le: ‘Abrahamɛ̀n dú nyɛ́n nancüì.’ Ɔmuhi mɛ dɔ́ nyɛ̀n le, Ɔwɔ kɛ cüɛ̀n hô, ne le bɩ́ ɛbù ẅì ndɔ hɔ̀n lɔ, nɛ̀n srɔ Abrahamɛ̀n nɛ́n nan-ẅì hɔ̀n!

Lükɛ̀n 13:25

Ɛnvra léyi ɔwɔn-nɛ́n-zi ke le tɔhú, hɩ kɛ lɛ sɛ́n esù safɛ̀ mɛ̀n nɔn, nyɛ́n le cüe ɛntrɛa, kɩ nyɛ́n le bukru nyɛ́n gɔ́n esù ɛkɔrɛ̀ ô nyɛ́n dɔ̀ le: ‘Ankà-yé-wrɔn, srú bɔ̀ esù.’ Nɛ lɛ mrɛ́n nyɛ̀n ɔmùan le: ‘Mɛ̀n sɩ̀ nyrì ɛyri léyi nyɛ́n dù nɔn!’

Lükɛ̀n 13:26

Zɛtɛn, nyɛ lɛ dɔ́ nɛ̀n le: ‘Bɔ́ mán vɛ́n mɛhi, bɔ̀ zî ɛci, bɔ̀ mi ɛnshi, è yé ankà bɔ́ anmàn drɛnmɔɛ́n mɛ̀n’

Lükɛ̀n 14:9

kɩ ɔwrɔn léyi bi nyɛ̀n ɛci nɔn, kɛ lɛ và dɔ́ mɛ́n le: ‘Tàn ɔwrɔn ndɔ lɔ ɛyri lɔ.’ Zɛtɛn ke ji le anvɛvrà mán ɛzìwú, ɛ̀ hɔ̀n yɛ́ ɛmɛẅi-trɔ yri lɔ.

Lükɛ̀n 19:40

Zhezü mrɛ́n ɔmùan le: “Mɛ dɔ́ nyɛ̀n le, ke dú kɛ yɔ kɛ́n ɔmùan yɛ hɛ́n hô, ɛbù hɔ̀n ke le di bobo.”

Lükɛ̀n 19:9

Zhezü mrɛ́n nɛ̀n ɔmùan le: “Ɛnyɔncì lɔ, ɛnkrukɔrɛ̀ bru ebɩ́ ndɔ lɔ mɛ̀n, ɔmuhi, ɔwrɔn ndɔ lɔ mán dú Abrahamɛ̀n mɛ̀n mɛ̀n-wrɔn nɔn.

Lükɛ̀n 5:21

Ɛnyanmàn-gbànvri-ankà-yé-bɔ̀ mán ɔwɔ-nyanmàn-sùva-wa-bɔ̀ bukru ke tro ankà: “Antɔn dú ɔwrɔn ndɔ lɔ, hɩ kɛ dɔ́ ɔwra-ankà tán Ɔwɔ nɛ́n? Antɔn de ke le bɩ́ ɛgbàn kè ce nɛ́n? Ɔwɔ zri kɩ ẅɛn ɛgbàn-bɩ-ce kɔrɛ̀levri!”

Zhan 8:33

Yɔ mrɛ́n nɛ̀n ɔmùan le: “Bɔ́ dú Abrahamɛ̀n mɛẅi bɔ̀, kɩ bɔ́ vá dú ɔwrɔn wɔ̀n-wrɔn ɛnbì zriɛmɛ́n. Anhɔntan de ɛ lɛ dɔ́ bɔ̀ tɛ̀ le: ‘Nyɛ lɛ srɔ anwrɔn kɔra hɔ̀n nɛ́n’?”

Zhan 8:39

Yɔ mrɛ́n nɛ̀n ɔmùan le: “Bɔ zi dú Abrahamɛ̀n.” Zhezü kɛ dɔ́ yɔ le: “Ke dú kɛ nyɛ́n dú Abrahamɛ̀n ẅì hɔ̀n annanwɔrɛ mɛ̀n hô, nyɛ́n lɛ hán ɛci hɔ̀n léyi nɛ̀n hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:20

Tɛ́n mɛ̀n bukru mɛ̀n dɔ́ Damasɛ̀n mán Zherüzalɛmɛ̀n anmàn-bɔ̀ Ɔwɔ ankà, zɛtɛn kɛ́n yɔ hɔ̀n léyi dú Zhüde kpɔsɔ wú mán ɛnhibù anmàn wú nyantɛn mɛ̀n bɔ̀; mɛ̀n bi yɔ, ô yɔ crɔn yɔ eci-hán-ci, yɔ crɛ ezì yɔ kɛ́n Ɔwɔ, ô yɔ yé tán y'eci-hán mɛ̀n le, annanwɔrɛ mɛ̀n lɔ, yɔ crɔn ɛnkruɛ.

Rɔmɛ̀n-anmàn-bɔ̀ 4:16

Ɔmu lɔ de yɛ hán ɔmùanwá ci ankaẅì-bùtan kruhú, ô nɛ̀n dú Ɔwɔ-cice-ci tɔ̀n, kɛ̀ ẅɛn vɔ̀nshɛ́ kɛ̀ tán Abrahamɛ̀n mɛẅi-bɔ̀, kè sɩ̀ dù yɔ hɔ̀n léyi kɛ wá ɛnyànmàn nɔn zri kɩ, tɛ́n yɔ hɔ̀n léyi ẅɛn ankaẅì-bùtan hán Abrahamɛ̀n hɔ́ nɔn. Abrahamɛ̀n dú bɔ́ lɔ fɛn bo zi,

Rɔmɛ̀n-anmàn-bɔ̀ 9:7

kɩ Abrahamɛ̀n mɛẅi-bɔ̀ lɔ, yɔ lɔ fɛn yɔ sɩ̀ dù n'ɛẅì hɔ̀n annanwɔrɛ, ɔmuhi Ɔwɔ dɔ́ Abrahamɛ̀n le: “Izaakɛ̀n mɛ̀n de ɛ lɛ cɔ́ ɛmɛẅi-bɔ̀ léyi mɛ̀n wá mɛ́n ɔmùan nɔn.”

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.