Lükɛ̀n 3:7 - Ɛmɛẅi ankà ankrànkràn 2003

⁷ Fɛcüè kɛ vá cɔ́ Zhan, ô nɛ̀n wá yɔ ɛnshi ɛnkru. Nɛ dɔ́ yɔ le: “Ɛnlɛbri kà léyi dú nyɛ̀n nɔn! Antɔn de dɔ́ nyɛ̀n le, Ɔwɔ mrɛ̀n-cì léyi kɛ́n eburi kɛ và nɔn, kɛ lɛ vɔ́n nyɛ̀n ɛwú nɛ́n?

Lükɛ̀n 3:7 Iomraidhean Croise

Matie 12:34

Ɛnlɛbrì mɛ̀n bɔ̀! Anhɔntan de nyɛ lɛ hán nyɛ́n dɔ́ ankà ankrànkràn tɛ́n nyɛ́n dú anwrɔn gbàngbàn hɔ̀n nɛ́n? Ɔmuhi ɔmùan kɛ dɔ́ ankà hɔ̀n léyi nhyì dú ɛnbɔrɛ mɛ̀n nɔn.

Matie 23:33

Ɛnlɛbrì, andà-di-lɛ̀brì fɛcüè! Anhɔntan nyɛ hán tro, ô nyɛ́n bɩ́ cɔ́ ɛnhyà mɛ̀n gbàn-wɔɛ̀n-dì lɔ nɛ́n?

Matie 3:6

Yɔ krɛ́ y'ɛgbàn anwrɔn lɔ fɛn zìwú kɩ Zhan kɛ wá yɔ ɛnshi ɛnkru Zhurdɛn shi lɔ mɛ̀n.

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:10

kɩ kɛ dɔ́ nɛ̀n le: “Ɛfrɛ́n-wrɔn mán anbɔrɛ-wrɔn, anwa-wrɔn ẅì, ɛci anvrɛnvrɛn lɔ fɛn y'egbri-wrɔn! Vɛ́n eci-jrɛ́ kɔ̀hɔ̀n léyi ɛ hán Ɛẅɛnwrɔn kɔrɛ̀-ci wú nɔn, è sɩ̀ teze mrìmrì hɛ̀n?

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

Ebre-bɔ̀ 6:18

Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn.

1 Zhan 3:8

Ɔwrɔn léyi ke dú ɛgbàn-hán mɛ̀n nɔn, nɛ̀n dú anwawrɔn tɛn, ɔmuhi anwawrɔn hán ɛgbàn ɛnkrubɔmɛ̀n hàn hɛ́n nɔn. Ɔwɔ Ẅì srɔ ndɔ lɔ kruhú, ô kɛ̀ jrɛ́ anwawrɔn kɔrɛ̀-ci hɔ̀n lɔ.