Lükɛ̀n 22:2 - Ɛmɛẅi ankà ankrànkràn 2003

² Ɔwɔ-cice-bɔ̀ cüìcüì mán ɛnyanmàn-gbànvri-anka-yé-bɔ̀ ke ji ɛyri ô kè di Zhezü owúemɛ̀n, tɛ́n ye sú fɛcüè.

Lükɛ̀n 22:2 Iomraidhean Croise

Matie 12:14

Ɔwɔ-nyànmàn-sùva-wá-bɔ̀ srɔ ɛntrɛ kɩ hɔ́n borɛkru, ô ke ji ɔmu le yɔ lɛ hán ô yɔ wri Zhezü nɔn.

Matie 21:38

Tɛ́n, ɛnvra léyi ɛkɛ̀tɛ̀-kɔ̀hɔ̀n-hán-bɔ̀ lɔ kán ɛnẅì lɔ nɔn, yɔ dɔ́ y'edomɛ̀n le: ‘Nyàn anja-di-wrɔn lɔ! Bɔ̀ hɔ̀n, bɔ̀ wri nɛ̀n kɩ bɔ́ lɛ srɔ ɛkɛ̀tɛ́-nɛ́n-zi hɔ̀n!’

Matie 26:2

“Nyɛ́n nyri ɔmu le Ɛẅɛnwrɔn-bemɛ̀n-cì koran bì lɔ wɔrɔ ɛbi-anhyrɛ̀: Yɛ lɛ ẅɛn ɔwrɔnẅì Ẅì, kɩ yɛ lɛ gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n.”

Markɛ̀n 14:1

Wɔrɔ ɛbi-anhyrɛ̀ kɛ lɛ cɔ́ Ɛẅɛnwrɔn-bemɛ̀n-cì mán abùtùkumɛ́n-kɔ́ nyànmán-bì lɔ. Ɔwɔ cice-bɔ̀ cüìcüì mán ɛnyànmàn-gbànvri-ankà-yé-bɔ̀ ke ji ɛyri ô kɛ̀ ẅɛn Zhezü ɛbán mɛ̀n ô kè wri nɛ̀n.

Lükɛ̀n 20:19

Ɛnyanmàn-gbànvri-ankà-yé-bɔ̀ mán Ɔwɔ-cice-bɔ̀ cüìcüì ke ji ɛyri ô kɛ̀ ẅɛn Zhezü ɛnvra zri lɔ mɛ̀n, ɔmuhi yɔ nyri ɔmu le y'ɛkruhú de nɛ̀n dɔ́ ankà gbàngbàn nyandrɛn mɛ̀n nɔn; tɛ́n yɔ ẅɛn fɛcüè sù.

Zhan 11:57

Ɔwɔ-cice-bɔ̀ cüìcüì mán Ɔwɔ-nyanmàn-sùva-wa-bɔ̀ wá tán le, ke dú kɛ ɔwrɔn nyri ɛyri léyi Zhezü dù nɔn, nɛ̀n hán tán yɔ nyrì, ô yɔ cɔ́ nɛ̀n ɛẅɛn yri.

Ɔkɔ̀hɔ̀n-wá-bɔ̀ kɔ̀hɔ̀n hán 4:27

Ɔmuhi annanwɔrɛ mɛ̀n lɔ Herɔdɛ̀n mán Pɔnse-Pilatɛ̀n bɔsɔ y'edomɛ̀n, anmàn ndɔ lɔ mɛ̀n, yɔ mán ɛnhibù-nɛ̀nnyàn-bɔ̀-zìwú-bɔ̀ mán Izraɛlɛ̀n fɛcüè mɛhi, ô yɔ kɛ́n v'eci-bɩ̀tan-wrɔn prɔnprɔn Zhezü ezì, nɛ́n léyi ɛ wá nɛ̀n ɛnzhì ɛnkru nɔn.