Lükɛ̀n 2:11 - Ɛmɛẅi ankà ankrànkràn 2003

¹¹ Ɛnyɔncì nyran lɔ, Davidɛ̀n anmàn lɔ, ye bî ny'ebɩ̀die-wrɔn tɔ̀n, nɛ́n de nɛ̀n dú Krisì, Ɛẅɛnwrɔn lɔ nɔn.

Lükɛ̀n 2:11 Iomraidhean Croise

Matie 1:16

Zhakɔbɛ̀n dú Zhozɛfɛ̀n nɛ́n zi, Mari nɛ́n cüì, Mari léyi dú Zhezü, Ebɩdie-wrɔn, nɛ́n muan nɔn.

Matie 1:21

Ne le bî ɛncɔnwrɔn-ẅì tɔ̀n, ɛ̀ wá nɛ̀n ebi Zhezü, ɔmuhi nɛ lɛ mrɛ́n nɛ́n fɛcüè lɔ ɛgbàn mɛ̀n nɛ̀n sɔhɔ́ nɔn.”

Matie 16:16

Simɔn Piɛrɛ̀n mrɛ́n ɔmùan le: “È dú Ebɩdie-wrɔn, ƆWɔ kɔrɛkɔrɛ lɔ n'Ɛnẅì.”

Matie 16:20

Zɛtɛn Zhezü wá kpankpan tán n'ɛsɛ̀nkɛn-bɔ̀ lɔ, ke bɩ́ dɔ́ ɔwrɔnẅì zriɛmɛ́n le nɛ̀n dú Ebɩdie-wrɔn lɔ.

Lükɛ̀n 1:43

Ecitan dú mɛ̀n kɛ̂, m'Ɛẅɛnwrɔn nɛ́n muan ke bru m'ebɩ́ lɔ mɛ̀n hàn?

Lükɛ̀n 1:69

Nɛ̀n tán bɔ̀ ebidie kɔrɛ̀-srɔn wrɔn tɔ̀n, dú ɛnnɛ̀ncüì Davidɛ̀n n'eci-bi-tán-wrɔn, mɛẅi-bɔ̀ mɛ̀n wrɔn.

Lükɛ̀n 2:26

kɩ hán tán nɛ̀n nɛ́n nyrì le, nɛ lɛ kán Ebɩ̀die-wrɔn léyi Ɛẅɛnwrɔn kɛ lɛ hán kɛ̀ và, yakɛ ne le wù nɔn.

Lükɛ̀n 2:4

Zhozɛfɛ̀n mán dú Nazarɛtɛ̀n anmàn Galile Kpɔsɔ wú kɛ hɔ́n Zhüde anmàn léyi ye bi Bɛtlehɛmɛ̀n, ɛyri léyi ye bî ɛnnɛncüì Davidɛ̀n; annànwɔrɛ mɛ̀n nɛ́n mán nɛ̀n dú Davidɛ̀n mɛẅi-wrɔn tɔ̀n.

Zhan 1:41

Andre srɔ́n nɛ́n muan-ẅì Simɔn ɛsù dú ɛnvrapkà wrɔn kɩ nɛ dɔ́ yi le: “Bɔ̀ cɔ́ Ebɩ̀die-wrɔn lɔ.” (N'ɛmɛ̀n kɛ dɔ̀ le “Krisì”.)

Zhan 1:45

Zɛtɛn, Filipɛ̀n mán srɔ́n Natanaɛlɛ̀n ɛsù kɩ kɛ dɔ́ nɛ̀n le: “Bɔ̀ cɔ́ ɔwrɔn léyi Mohizì dɔ́ n'ankà ɛnyanmàn-wrú lɔ mɛ̀n, hɩ Ɔwɔ-mùanwú-ankà-dɔ́-bɔ̀ mán dɔ̀ nɔn. Nɛ́n de nɛ̀n dú Zhezü nɔn, Zhozɛfɛ̀n ẅì, Nazarɛtɛ̀n anmàn wrɔn.”

Zhan 11:27

“Hɛ̀ɛ̀, Ɛẅɛnwrɔn, me bútan le è dú Ebɩ̀die-wrɔn, Ɔwɔ Ẅì léyi ke ji le kɛ̀ vá ɛnhibù wú nɔn.”

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Zhan 4:25

Ɛnnyɔnwrɔn lɔ kɛ dɔ́ Zhezü le: “Mɛ̀n nyri ɔmu le Ebɩ̀die-wrɔn (Krisì) kɛ lɛ và. Ɛnvra léyi nɛ lɛ và nɔn, nɛ lɛ dɔ́ bɔ̀ ankà lɔ fɛn.”

Zhan 4:42

kɩ yɔ dɔ́ ɛnnyɔnwrɔn lɔ le: “Zɛtɛn, bɔ́ bútan ankaẅì, ankà léyi ɛ̀ dɔ́ bɔ̀, mán hɩ léyi bɔ́ dùku bɔ̀ yá nɔn, tɛ́n, ɔmuhi bɔ́ dùku bɔ̀ yá, kɩ bɔ̀ nyri ɔmu le, ɔwrɔn lɔ dú ɛnhibù wú Bɩdie-wrɔn annanwɔrɛ nɔn.”

Zhan 6:69

Zɛtɛ̀ lɔ, bɔ́ bútan ankaẅì kɩ bɔ̀ nyri ɔmu le è dú Prɔnprɔn-Wrɔn léyi dú Ɔwɔ yri và nɔn.”

Zhan 7:41

Anwrɔn ndɔ hɔ̀n kɛ dɔ̀ le: “Nɛ̀n dú Ebɩ̀die-wrɔn!” Tɛ́n, anwrɔn janbɔ̀ ke yrɛ le: “Ebɩ̀die-wrɔn ke le dú Galile kɛ̀ và?

Ɔkɔ̀hɔ̀n-wá-bɔ̀ kɔ̀hɔ̀n hán 10:36

Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:23

Davidɛ̀n mɛẅi-bɔ̀ lɔ ɔtɔ̀n de dú Zhezü léyi Ɔwɔ wá Izraɛlɛ̀n fɛcüè Bɩ̀die-wrɔn, hán ɔmu léyi nɛ̀n wá ɔmùan nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:3

nɛ dɔ́ yɔ kɩ ne yé yɔ le Ɛwrú Prɔnprɔn kɛ dɔ̀ le, ke ji le Ebɩ̀die-wrɔn lɔ kɛ kán ɛgbàn, ô kè dú owú-bɔ̀ mɛ̀n kɛ̀ vá ɔkɔrɛ-bɔ̀ mɛ̀n. Nɛ dɔ́ yɔ le: “Zhezü ndɔ léyi mɛ dɔ́ nyɛ̀n n'ankà nɔn, nɛ́n de nɛ̀n dú Ebɩ̀die-wrɔn lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:36

Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 5:31

Ɔwɔ bɩ́ nɛ̀n hɛ́n n'ezì-kɔrɛ̀ kɔrɛ̀a kɩ wá nɛ̀n ecüìcüì mán Ebɩ̀die-wrɔn, ô kɛ̀ tán Izraɛlɛ̀n fɛcüè kɛ̀ crɔn y'eci-hán-ci, ô kɛ̀ cɔ́ ɛgbàn-bɩce.

1 Korɛntɛ̀n anmàn-bɔ̀ 15:47

Kpàkpà Adamɛ̀n yɛ hán antà-hiwɔ̀n mɛ̀n; anhyrɛmɛ̀n Adamɛ̀n dú anhobɩ́ nvà.

Filipɛ̀n anmàn-bɔ̀ 2:11

ô yɔ lɔ fɛn yɔ dɔ́ Ɔwɔ Zi ci-zrɔ lɔ mɛ̀n le: “Zhezü dú Ɛẅɛnwrɔn!”

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Kɔlɔsèn anmàn-bɔ̀ 2:6

Ɔmu lɔ, ɔmuhi nyɛ́n shri Zhezü Krisì nyɛ́n bɩ dú ny'Ɛẅɛnwrɔn nɔn, nyɛ́n dú ɔbɔ̀sɔ mɛ̀n nyɛ́n mán nɛ́n mɛhi.

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

1 Zhan 5:1

Ɔwrɔn totɔtɔ̀n léyi ke bú tán le Zhezü dú Krisì nɔn, nɛ̀n dú Ɔwɔ ẅì; kɩ ɔwrɔn totɔtɔ̀n léyi kɛ cüɛn ɛẅì nɛ́n zi tɔ̀n nɔn, ɔwrɔn ndɔ lɔ nɛ cüɛn ɛẅì nɛ́n zi lɔ n'ɛẅì hɔ̀n.