Lükɛ̀n 2:10 - Ɛmɛẅi ankà ankrànkràn 2003

¹⁰ Tɛ́n Ɔwɔ-kùyüre-wrɔn lɔ kɛ dɔ́ yɔ le: “Ɛnjansù ke bɩ́ ẅɛn nyɛ̀n, ɔmuhi mɛ và mɛ̀n sɩ́ nyɛ̀n ɛmɛẅi ankà ankrànkràn léyi kɛ lɛ brá fɛcüè pɔpüɛ̀ brobebe nɔn:

Lükɛ̀n 2:10 Iomraidhean Croise

Matie 14:27

Tɛ́n ɛnvra zri lɔ, Zhezü dɔ́ yɔ ankà; nɛ dɔ̀ le: “Nyɛ́n bɩ́ edùyì, mɛ̀n Zhezü, ɛnjansù ke bɩ́ ẅɛn nyɛ̀n!”

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Matie 28:5

Ɔwɔ-kùyüre-wrɔn lɔ mrɛ́n ɔmùan kɩ kɛ dɔ́ wúyɔ̀ hɔ̀n lɔ le: “Ɛnjansù ke bɩ́ ẅɛn nyɛ̀n. Mɛ́n nyrì le nye ji Zhezü, nɛ́n léyi yɛ gɔ́n nɛ̀n brɛ́ ɛgbàn-hán-tɛ̀ domɛ̀n nɔn;

Markɛ̀n 1:15

Zhezü kɛ dɔ̀ le: “Ɛnvra léyi yɛ wá nɔn ncɔa, ɔmuhi Anhobɩ́-Nɛ̀ncüì-dúyri lɔ bá ɛtɛ̀sɛ̀n nɔn! Nyɛ́n crɔn ɛnkru ô nyɛ́n bú Ɔwɔ Mɛẅi ankà Ankrànkràn lɔ nyɛ́n tán ankàẅì!”

Markɛ̀n 16:15

Zɛtɛn nɛ dɔ́ yɔ le: “Nyɛ́n hɔ́n ɛnhibù lɔ fɛn wú nyɛ́n dɔ́ anwrɔn Ɛmɛẅi ankà Ankrànkràn lɔ.

Lükɛ̀n 1:13

Tɛ́n Ɔwɔ-kùyüre-wrɔn lɔ kɛ dɔ́ nɛ̀n le: “Ɛnjansù ke bɩ́ ẅɛn mɛ́n, ɔmuhi Ɔwɔ yá v'Ɔwɔ-sɛ̀n lɔ nɔn; e hi Elizabɛtɛ̀n kɛ lɛ tán mɛ́n ɛncɔnwrɔnẅì tɔ̀n, n'ebɩ́ dú Zhan.

Lükɛ̀n 1:19

Ɔwɔ-kùyüre-wrɔn lɔ mrɛ́n nɛ̀n ɔmùan kɩ kɛ dɔ́ nɛ̀n le: “Mɛ̀n dú Gabriɛlɛ̀n, mɛ nyɔn Ɔwɔ zìwú, mɛ̀n dú n'eci-bɩ̀tan-wrɔn; nɛ̀n wá mɛ̀n ɔkɔhɔ̀n mɛ̀n và dɔ́ mɛ̀n ankà, ô mɛ̀n bɩ́ ankà ankrànkràn ndɔ lɔ mɛ̀n và sɩ́ mɛ́n.

Lükɛ̀n 1:30

Kɩ Ɔwɔ-kùyüre-wrɔn lɔ kɛ dɔ́ nɛ̀n le: “Ɛnjansù ke bɩ́ ẅɛn mɛ́n, ɔmuhi Ɔwɔ ẅɛn v'ɛcüɛ̀n nɔn.

Lükɛ̀n 2:11

Ɛnyɔncì nyran lɔ, Davidɛ̀n anmàn lɔ, ye bî ny'ebɩ̀die-wrɔn tɔ̀n, nɛ́n de nɛ̀n dú Krisì, Ɛẅɛnwrɔn lɔ nɔn.

Lükɛ̀n 24:47

kɩ ke ji le yɛ dɔ́ n'ankà ɛnhi wù anmàn lɔ fɛn zìwú, yɔ bukru Zherüzalɛmɛ̀n, ye bi anwrɔn kɛ̀ crɔn ɛnkru, ô kɛ̀ cɔ́ ɛgbàn-bɩ-ce.

Lükɛ̀n 8:1

Zɛntɛn Zhezü hɔ́n anmàn cüìcüì mán anmàn cɛ kɛ dɔ́ anwrɔn Ɛmɛẅi ankà Ankrànkràn léyi dú Anhobɩ́ Nɛ̀ncüì-dúyri ankà nɔn. N'ɛsɛnkɛn-bɔ̀ ɛvà-anhyrɛ̀ lɔ cɔ́ nɛ̀n mɛhi yɔ hɔ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 13:32

Bɔ́ mùmù, bɔ́ và bɔ̀ sɩ́ nyɛ̀n Ɛmɛẅi ankà Ankrànkràn ndɔ lɔ: ɔmùan léyi Ɔwɔ wá bɔ́ nancüì hɔ̀n nɔn,

Rɔmɛ̀n-anmàn-bɔ̀ 10:15

Kɩ anwɔntan de yɔ lɛ hán yɔ dɔ́ n'ankà ke dú kɛ ye sɩ̀ wá anwrɔn ɔkɔ̀hɔ̀n n'ankà-dɔ́ mɛ̀n nɛ́n? Hán ɔmu le Owrú kɛ dɔ̀ nɔn: “Ɛnfì zrɔ, ɛnvra léyi yɛ kán ɛmɛẅi ankà ankrànkràn dɔ́-bɔ̀ kɛ và nɔn!”

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.